#صدمة_الحقيقة
#البارت_الثاني_والخمسون
*******************
في شركة فاضل
تلقي فاكس من ادارة المناقصات بالفوز بالمناقصة وعليها دفع التامين للاعلان الرسمي عن فوزهم بها
امسك فاضل الفاكس وقراه عدة مرات غير مصدق انه اقتنص المناقصة من فم الاسد وهي مجموعة ابراهيم والشركات الاخرة الاكثر شهرة وذات سمعه وكفاءة اضعاف امكانياته، لم يثاوره شك لحظه في ان الفاكس مزيف او خدعه لدقة احمد في اختيار خبير التزوير الذي اتقن عمله بجداره
تهللت اساريره وتطايرت الفرحه بعقله فهذه المناقصة من اكبر المناقصات التي ستجعل شركته تنتقل بقوة
وبسرعه الي مصاف الشركات الكبري
ظل يحدق في الفاكس طويلًا، واخيرًا قام يالاتصال برائف رغم تحذيره بعدم الاتصال به الا بعد انتهاء اوقات العمل بالمجموعة، لهذا اجابة رائف بعد عدة اتصالات منه بضيق وجفاء:
صباح الخير يا فاضل بيه خير في ايه علي الصبح يخليك تتصل بيا وانا في المجموعة هو ده اتفقنا
تنهد فاضل بقوة وقال بصوت سعيد:
خلاص يا رائف مبقتش محتاج مجموعة عمك في حاجه ولا حتي انك تكسب ثقته للاستيلاء عليه
احنا كسبنا المناقصة بالملف اللي عملته، تصدق رغم ان فوزنا كان شبه مستحيل لكنه حصل حصل،
ومجرد ما ندفع التامين هيتم الاعلان عن فوزنا بيها وبعدها هنقدر نعلن عن نفسنا كويس والكل يعرفنا ونبلع السوق كله في غصون سنوات
صمت رائف طويلا حتي يستوعب ما قال فاضل، غير مصدق ان الملف الذي كان سيقدمه بدلًا عن ملف المجموعه هو الذي فاز بالمناقصة،
اخذ يهز راسه بذهول وعدم تصديق سائلًا نفسه:
يعني لولا عمي وثق فيا باني اقدم بنفسي الملف وده سبب اني مبدلتهوش بالملف اللي عملته كان زمان عمي فايز هو بالمناقصة بدون وجه حق
مش ممكن، معني كده ان الشاب اللي عمل الملف اقوى من احمد ابن عمي،
ياه احمدك يارب انك بعته ليا في الوقت المناسب
اخيرًا الدنيا ضحكت ليا وهكون صاحب شركة مش مجرد موظف ،
فجاة انتهب لشئ كان غائب عن ذهنه وسال فاضل:
انت بتقول لازم التامين يدفع الاول قبل الاعلان عن فوزنا بالمناقصة، انت عارف مطلوب كام
رد عليه فاضل بانتصار زائف:
ايوه عشر مليون دولار تقريبا، بس ايه يعني المكسب هيعوض لانه اربع اضعاف، يعني مكاسبنا مش هيقل عن اربعين مليون وممكن خمسين
تافف رائف ورد عليه بنزق:
ماشي معاك ان المكسب كبير بس كل السيوله اللي معانا متكملش نص المبلغ ولا ناسي ان في شغل لسه متسلمش، هندبر الباقي ازاي لازم نتجمع النهاردة ونشوف هنتصرف ازاي
احنا لازم نجمع مبلغ التامين باي طريقه لو هنبيع كل ما نملك المهم نفوز بالمناقصة
وكمان الشاب اللي عمل ملف المناقصة دي لازم يكون عضو اساسي في الشركة ده طلع كنز مدفون
وافقه فاضل علي ضرورة انضمام الشاب الذي قام بعمل الملف الي شركتهم لكي يكون لهم التميز للفوز بكل المناقصات القادمة، واتفقا علي الاجتماع خلال ساعه في شركته مع جميع الشركاء وهم
رائف مي. دكتور خالد المهندس فتحي حتي يقدما حلول لتدبير مبلغ التامين الذي سيخرجهم من عنق الزجاحه الي الثراء والشهرة
****************
من داخل قسم البوليس
وفي مكتب الصابط عادل نصير، تعاظمت نظرات الغضب في عين احمد الي صديق عمره وهو يواجهه بالحقيقة الصادمة التي اكتشفها ليلة كتب كتابة علي مريم حين قرأ بطاقة الهواية لطارق، ليكتشف بانه الاخ الاصغر لصديق عمره عادل فقال له بحدة:
ممكن اعرف يا صديق عمري ليه خبيت عني ان المهندس طارق خليل نصير يبقي اخوك يا حضرت الضابط عادل خليل نصير؟!
وياتري اخوك يعرف شخصياتنا الحقيقة وبيلعب علينا ولا ايه وضعه وليه عايش في الحارة، وانت قلت عندك فيلا شركة مشروع استثماري هو بيديره،
وقبل كل ده هو مهندس فعلا ولا دي خطه منك ؟!
