واتقدم على لنيفين واهلها وافقو عليه واتخطبو
يوم خطوبتهم كان احلى يوم فى حياتهم
وكان اصعب واسوء يوم فى حياتى
بسمة :ليه عملتى كده
ليه مقولتيش انك بتحبيه
ياسمين وهى بتعيط :علشان مكنش ينفع
علشان هو مكنش عايز يسمعها
علشان مبيحبنيش يا بسمة اخوكى مبيحبنيش
وبيحب نيفين وهى بتحبه
بسمة :بس انتى معاه طول عمرك انتى فى حياته من قبلها
انتى اللى حبتيه الاول انتى بتحبيه اكتر منها
ياسمين وهى بتعيط اكتر :مش مهم مين بتحبه اكتر او مين بتحبه الاول
المهم هو بيحب مين
وهو بيحبها يا بسمة
لو قولت مكنتش هستفاد حاجة
بسمة :لو قولتى مكنش خطبها
ياسمين :ولا كان هيخطبنى لو كان بيحبنى لو كان عايز يخطبنى كان خطبنى من زمان
نيفين ملهاش ذنب
مكنتش هستفاد حاجة لما افرق بينهم
بسمة :وحرقة قلبك دى سهلة يعنى
ياسمين :لا صعبة وصعبة اوى كمان
بس مفيش حاجة تانية ممكن تحصل
بسمة :كان ممكن تخليه ميخطبهاش
ياسمين :لو مخطبهاش هيخطب غيرها مسيره يخطب غيرها
مادام بيحبو بعض يبقى لازم يبقو سوا
بسمة :متبقيش مثالية يا ياسمين
ياسمين :انا مش مثالية يا بسمة
انا بس حقيقى مكنتش هستفاد حاجة لو كنت قولت انى بحبه
كنت هفرقهم فهخسر نيفين صاحبتى هى بتحبه
وهخسر على كمان مش هينفع نفضل ولاد عم وأصحاب بعد ما اقوله وابقى السبب فى انه ميبقاش مع البنت اللى بيحبها علاقتنا هتختلف اختلاف وحش هيأذينى
وهو مش هيحبنى لمجرد انى بحبه ولا هيخطبنى علشان بحبه والا هتبقى شفقة
وانا وجع قلبى دلوقتى ده اهون من انه يكون معايا شفقة
انا اموت اسهل من انى اتحمل الشفقة
قومى علشان ننزل زمانهم بيتجمعو علشان نروح الخطوبة
بسمة :انتى هتروحى خطوبتهم بجد
يا قوة قلبك يا ياسمين
ياسمين :قولى يا وجع قلبك يا ياسمين
مينفعش مروحش دول اعز اصحابى وعلى مش بس صاحبى ده ابن عمى
يا ريت كان ينفع مروحش يا ريت كان ينفع ميتخطبوش
يا ريت على كان حبنى انا يا ريتنى ما حبيته
يا ريت حاجات كتير اوى محصلتش واللى حصل ان على ونيفين حبو بعض هما رزق بعض
بسمة وهى بتحضنها وبتعيط :وانتى رزقك هيبقى احلى منهم
ياسمين وهى بتعيط وبتحضنها :بس انا مش عايزة غير على يا بسمة انا قلبى بيوجعنى اوى
بسمة وهى بتطبطب عليها :بكرة يندم ندم عمره
هو مش هيلاقى زيك
اخويا ده غبى
ياسمين وهى بتمسح دموعها :هو مش غبى هو بس مبيحبنيش
بسمة :وده اكبر دليل على غبائه
وروحت الخطوبة ودخلت الحمام هناك وعيطت ولما رجعت البيت فضلت طول الليل بعيط
وبعدها عيطت كتير
عيطت كتير لدرجة انى كنت بستغرب بجيب الدموع دى كلها منين
بس محدش كان عالم بحالى ده غير ربنا وبسمة
بنت عمى واقرب حد ليا فى الدنيا واخت على
انا وعلى ونيفين فضلنا زى ما احنا اصحاب
كنت بتعامل معاهم عادى هما ملهمش اى ذنب فى وجع قلبى
ده مش غلطهم
ياسمين :وانا اجى معاكم ليه يا على
على :عادى يا سيمو زى ما كنا بنخرج سوا قبل كده
ياسمين :ايوه يا على بس ده كان قبل ما تتخطبو
دلوقتى انتو مخطوبين مش هتقولك هى لازم تجيب معاك ياسمين
على :انا مبقولش تعالى معانا علشانها
ياسمين :اومال علشان مين علشانى
متقلقش يا علوة انا اكيد فاهمة ان الوضع اختلف بعد ما اتخطبتم
على :لا يا ياسمين علشانى
انا متعود نخرج احنا التلاتة
ياسمين وهى بتضحك :وانا اخرج معاكم ليه محرم
لا يا باشا اخرج انت وخطيبتك لوحدكم مش هبقى عزول
ولا تبقو انتو سوا سوا وابقى انا لوحدى
على :ونبقى سوا من غيرك ليه
ياسمين :اهو تبقو براحتكم يا على تتكلمو تتفسحو تعملو ذكريات حلوة
على :خلاص نجيب بسمة تونسك لما نسيبك لوحدك
ياسمين :هى رحلة يا علوة ما نحجز أتوبيس احسن
روح اخرج انت وخطيبتك وانزل من على ودانى مش رايحة معاكم انا
دى اول خروجة ليكم بعد الخطوبة تاخدنى معاكم اهبب ايه
على :انتى شايفة انه مينفعش
ياسمين :ده كبوت عربيتك شايف انه مينفعش يا على
انت بتهزر
حكاية " مشاعر معقدة "
Mulai dari awal
