Please Dont's share or promote on Any SOCIAL MEDIA PLATFORM.
Unicode
" ဒီမှာ ဒီမှာ ... မင်းက ဝန်ထမ်းသစ်လား? "
သူ့ဘေးတွင် ကပ်ထိုင်နေသော ကောင်လေးက အတော်လေး စကားများပုံရ၏။ သူ ရောက်ကတည်းက တစ်ယောက်မဟုတ် တစ်ယောက်ကို စကားလိုက်ပြောနေကာ ယခု သူ့ထံသို့ လှည့်လာခြင်းဖြစ်သည်။ ဒုတိယ အက်စတာကို တွေ့ရသလို သွင်ကို ခံစားမိသည်။ သူ ခေါင်းညိတ်ပြလိုက်လျှင်...
" အသက် ဘယ်လောက်လဲ? "
" နှစ်ဆယ်...….. တစ်? "
" ၂၁လား? "
သူ တစ်နှစ်ကြီးပြောလိုက်သည်။ ဘွဲ့မရသေးဟု အထင်ခံရမည်စိုး၏။ ဤကုမ္ပဏီတွင် သူ့အကြောင်း သိသူဆိုလို့ သူ့အဖေရယ်၊ ဒုဥက္ကဌရယ်သာ ရှိလိမ့်မည်။ ဒုဥက္ကဌကို အသိပေးလို့ ဖြစ်ပါ့မလားဟုမေးကြည့်တော့ တစ်ဖက်မှလည်း သူ့အရွယ် တူတစ်ယောက်ရှိပြီး ဤတွင် လာလေ့လာစေချင်ကြောင်းဆိုသဖြင့် အပြန်အလှန် သဘောတူညီမှုယူခဲ့ကြသည်တဲ့။
" ဒါဆို ငါက ပိုကြီးတာပေါ့ ဟီးဟီး~ ငါ့နာမည် ဟန်ရဲပိုင်။ မင်းကရော?"
" အမ်... သွင်... ကို... "
" နှစ်လုံးတည်းလား?"
ဒီကောင် စကားများလိုက်တာ။
" အ... အင်း... နှစ်လုံးတည်း။ "
" ဒါဆို တို့တွေ သူငယ်ချင်း ဖြစ်သွားပြီနော်?"
သူနှင့် ပေါင်းချင်သည့်လူရော ရှိပါ့မလားဟု သွင်ကိုတွေးသည်။ တွေးသည့်အတိုင်း တခြားလူများမှာ သူ့ကိုယ်သူ ဟန်ရဲပိုင်ဟုမိတ်ဆက်သည့်ကောင်နှင့်မတူစွာ ကိုယ့်အလုပ်ကိုယ် အာရုံစိုက်လုပ်နေကြ၏။ ဟန်ရဲပိုင်နှင့် မျက်နှာချင်းဆိုင်တွင်ထိုင်နေသော မျက်မှန်နှင့်၊ ဆံပင်လှန်စည်းထားသည့် အမျိုးသမီးက ကီးဘုတ်ရိုက်နေရင်း သူတို့နှစ်ယောက်ကို မျက်လုံးလှန်ကြည့်ကာ
" ဟန်ရဲပိုင်? အလုပ်ချိန်မှာ အလုပ်လုပ်။ လူသစ်လေး?"
ဟန်ရဲပိုင်ကိုပြောပြီး သူ့ကိုပါ တန်းခေါ်သည်။ သွင်ကို ကျောတောင့်သွား၏။
" သူ့ကို အာရုံမထားနဲ့။ မန်နေဂျာပေးထားတဲ့ ပစ္စည်းစာရင်းတွေ အစ်မကို မေးလ်ပို့ပေး။ "
YOU ARE READING
Boundless (OC)
RomanceOC (အပြာစာ- ဇာတ်ကြောင်းနဲ့ဖတ်တတ်သူများအတွက်မဟုတ်ပါ၊ အတုယူစရာမပါ) Just a fiction. Please Don't take Serious. Cover source: from Google Please Don't share or promote on Any SOCIAL MEDIA PLATFORM. Hiatus to 1st March 2024
