عند راجد و غزالته
ابتسم يشوفها تدخل بيدها فناجين القهوة بعد ما فجأة قال لها انه مشتهي قهوة من يدها ، جلست قدامه وهي تنطق بدلال : هذي اخر قهوة انت المفروض تدللني مو انا
ابتسم وهو ينطق بعدها : تبي دلال فوق الدلال اللي انتِ فيه ؟
اتسع مبسمها وهو تضع يدها ببطنها مردفه : صرت احتاج دلالين
وضع فنجانه وهو يتقدم لها مردف بعدها : تدللي مثل ماتبين ، وقلبيني بين يدينك نفس ماترتجين ، انا وجنود الدلال حراس لطرف الكحيل ..
ميلت رأسها بابتسامة وهي تشوفه يتأملها ونطقت بضحكة: اشرب القهوة كلها
ليردف بعدها ومازال يتأملها : انتِ الكيّف مب القهوة
ضحكت باتساع وقت تقدم لها يطلب الكيّف من هدبها..
عند ليّل و مليحته ..
نزع شماغه بإرهاق وهو يرمي جسده بتعب في السرير بتكرار لتنهيداته ، تعب اليوم حييل شال الزواج كله على اكتافه ، رفع نظراته وقت دخلت بهدوء تردف : اخيرًا نامو
وكانت تقصد فيصل و غدي اللي باتو الليلة عندها ، رفعت نظرها له وهي تشوفه كيف مستلقي بتعب يتأملها تقدمت تضع خصلات شعرها خلف اذنها وهي تشوفه يترك مسافة فجلست بينما هو مستلقي ، رفعت يدها لخصلات شعره المهمله على جبينه وهي تخلخلها في اصابعها ونطقت : وش متعبك ؟
رفع عيونه الوسيعه شديدة السّواد بحدتها وحواجبها الكثيفه اردف : انتِ..!
كيف عقدت حواجبها باستغراب من رده ونطقت : وش سويت انا من الصبح ماشفتك !
رفع جسده العلوي لها وهو يعيد خصلاتها خلف اذنها ويكمل : هو هذا اللي تعبني مرور الوقت بلا حسّك ، بلا صوتك ، بلا وجودك ، ماكاني بين الناس حيّ وفي زحمة الناس وحيد بلاك ..
ابتسمت باتساع وهي تميل رأسها لينتشر شعرها حوله وهي تردف : هذا انا قبالك وبقربك
كيف عقد حواجبه برفض مردف : هذا قرب ؟
وسرعان مارفع يدينه لخصرها النحيل يشده له لين ارتمى جسدها الرويان على صلابة صدره لتنبعث رائحتها لجوفه ردد بعدها : هذا القرب اللي يرضيني
وسرعان ما استنشق رائحتها بشّدة وهو يردف : انا والله هلاكي هالريحة
واخذها لجوفه وحضنه بشّدة يروي شوقه اللي توقعه بينتهي بعد زواجهما لكنه اكتشف انه عمره ماراح يرتوي ويبقى يطالب بالمزيد ..
: اسمعوا اسمعوا هصوت البهيّ اسمعوا
التفتوا كلهم لهجان اللي يحرك المسجل بيده مع اشرطة لعبدالحليم حافظ قدام الشباب لين ما انبعث صوته ليردد وراه : زي الهوى يا حبيبي زي الهوى ، واه من الهوى ياحبيبي اه من الهوى ..
وسرعان مانطق بعدها : الله يجعلني احبّ هالصوت
ليردف عيد : ذنوب والعياذ بالله
قاطعه هجان مردف : والله الذنب صوتك اللي اسمعه كل يوم كنه عنزه مخنوقة
تراكمت ضحكت مؤيد بهستيريه وقت نطق مروان : هجان في اغنيه سامعها عند ابو سّلمة والله مدري وش هي بس يقول شبكنا مدري شبك
التفت له هجان بضحكه نطق : اللي شبكنا يخلصنا ؟
ليردف مروان بضحكه : اي اي هذي شغلها بالله جازت لي
استجاب له هجان وهو يدور بين الاشرطة ويكرر : ذويق مروان
التفتوا كلهم لقصي اللي نطق : شوفوا شوفوا
وسرعان ماوضع قمر وهو يبدأ يدغدغها لينتشر صوت ضحكاتها البهيّة بطريقة مبهره وتآسر القلب اتسعت ضحكاتهم ببهجة وهم يقتربون منها وكل واحد يبدأ يدغدغها بحماس علشان بس يستمتعون بوجهها البهيّ الضاحك ،
التفتوا لدخول راجد بتعب يستلقي مردف : حسبي الله على ابليسكم مخليني عند الضيوف مابقى الا القمهم بيدي
وسرعان مانطق زهير : ليه وضاح و ركود مب معك ؟
اشار راجد رأسه بالرفض مردف : لا والله ، بالله مروان من عندك جيب لي كوب شاي
استجاب له مروان وقت اشتغل صوت عبدالحليم مردد : واللي شبكنا يخلصنا ..
YOU ARE READING
أسطورة الجبل الميت !
Mystery / Thrillerهنا ، او هناك ، او هاهنا .. رملاً ، وصخور ، زهراً ، وحقول أُغنية مسير ، تخبط غريق ، ندأ بوسط الحريق ، حُلم زمان ، ندم أيام ، ظُلم و بُهتان ، دمع حزين ، قلب جريح ، يدين ملطخه بطين .. أسيرة جبل قديم ، ام ذئاب الطريق ، طيف الوادي . - هو : المُنى ان لا...
