دولــوريــس "فـي عـشـقـك سـأفـنـى

إعجاب 5

❌لا أحلل النقل بدون اذن مني❌
➰دولوريس"في عشقكَ سأفنى"➰
📌بقلم:ميلو ✍🏻
🖇الفصل الأول: إعجاب 🖇
#الحلقة_05
خرجت من مدرسة الرقص رجلها كان يوجعها شوية...مبغاتش تزيد تفورصي عليه كثر...خرجت تيليفونها من صاكها و عيطت لخوها...شوية و ريبوندا عليها
علاء:اهلا ميار صافا ؟!
ميار:لبااس بغيت نقولك اذا تقدر تجي تديني رجلي توجع شوية !!
رد بقلق:مالها رجلك !! شا صرالك ؟؟!
ميار:لا والو جوست طحت عليها كي كنت نرقص مشي حاجة كبيرة انا منيش باغيا نفورصي عليها
علاء:قعدي وين راكي دوك نجيي
ميار:صحاا
كوبات عليه و جمعت تستنا فيه يجي...قعدت تشوف فتيليفونها....رجعت دخلت للانستا تاعه تشوف الفوطوات لي حاطهم...هوما قلال بصح شابين...تبسمت
ميار:اووف شا درت فياا عصام
مدة مليحة و جاا خوها...ركبت معاه فلوطوو..شاف فيها
علاء:نديك لوبيتال !!
نفات براسها:لااا مافيا والوو علااء دينيي للدار غدوة يصبح مليح
علاء:راكي سوغ !! باسكو عبالك تصرا فيه حاجة متقديش تعاود ترقصي
تبسمت معاه:ماا يصراا والوو انا مبغيتش نتمشاا عليه
هز راسه بيأس...مدام مبغاتش تروح مغاديش تبدل رايها ساو قرر يوصلها للدار و خلاص....ديمارا لوطو و قلع
في جهة أخرى..
كان يسوق بصمت...شافت فيه...ملبارح وهو ماشي فالدار جات تقول ملبارح وهو بلا ماكلة!!....عجيب غريب كيفاش يتحمل الجوع و مياكلش برا
نطقت:ايفانتيكو كليت ؟!
نفا براسه:لااا حتى نروح للدار
شافت فيه و نطقت بتردد:كي تبالك نحبسو تاكل شوية ؟
شاف فيها عاود فالطريق:شحال من مرة نقولكم راني مناكلش من براا مناكلش من يد منعرفهاش
سارا:صحاا انا ناكل قبل ملي تاكل نتا باش تتأكد بلي مافيها والوو
نفا براسه:لاا ليلي لا
سكتت مبغاتش تزيد معاه لحد اللحظة كان يساعف فيها تزيد ينقلب عليها...قضية ماكلته مافيهاش زعاقة مياكلش من يد ما يعرفها ولا كيما يقول "نمو*ت بالجوع و منمو*تش مسموم"
حبس عند لفورووج...مالغري مشي من عوايده بصح داك النهار حبس....و بالصدفة حبست لوطو لي كانت فيها ميار...هو كان يشوف فالطريق اماا هي شافته...دورت راسها تشوف فيه...كان قريب ليها بزاااف هادي اول مرة يكون قريب ليها لهادي الدرجة ديما تشوفه ملبعيد...الهيي منظره عن قرب يخووف و فنفس الوقت يهبببل يهبببل رجولة تتقاطر ...شوفة عينيه سلا*ح ...
كي حس بلي بنادم راه يشوف فيه دور راسه بصح تم تم جا لفو فاغ دور راسه و قلع مركزش معاها مليح اما هي دورت راسها خفيفة و قلبهاا يضر*ب خافت يكون شافها تشوف فيه كي البهلولة...شاف فيها خوها باستغراب
علاء:مالكي !!
شافت فيه بغباء:والووو
هز كتافه بلامابالاة و كمل ساق للدار حطها و راح...