دولــوريــس "فـي عـشـقـك سـأفـنـى

مدّ و جزر

❌ممنوع النقل بدون اذن مني❌
➰دولوريس"في عشقكَ سأفنى"➰
📌بقلم:ميلو ✍🏻
🖇الفصل الرابع: مدّ و جزر🖇
#الحلقة_120
رفد صوالحه و خرج راح....دخل عصام للبلاصة لي كانو ديما يديرو فيها ليكومبا تاع لبوكس تاعهم...بوه كان ديجا تم يقارع فيه...قاس لكابا من يده و جبد منها هادوك لي يديروهم فليدين تاع لبوكس...و دخل للحلبة....شاف فيه بوه مليح
أمين:مالك عصام ؟؟
عصام:اضر!ب بررك
طلع حواجبه:لا لااا عصااام متجيش تمسح شا دير فياا غلطت تحمل الغلطات تاوعك وحدك
عصام:مددخلش روحك في حياتيي هنا منيش ولدك
هز راسه و بداو يدابزو...طبعا عصاام مكانش يدافع على روحه ابدااا...و خلا بووه ضر!به و حتى أمين استغلها فرغ شوية ليناغ لي كانو فيه من هبال عصام...حتى طيحه فلرض...قعد راقد فلرض و يشوف فالسما
أمين:صايي ؟؟
هز راسه:صاييي
سكت عصام شويية و مزاله فنفس الوضعية و يشوف فالسما...عاود هدر
عصام:علاش قت!لتها ؟
تنهد:عصام قتلك نساااا هاد السيرة نساهااا معندها وين توصلك
ضحك حتى نوووجع من الضر!ب لي كلاه
عصام:اااااه جينيرااال اااه شادرت فيا
أمين:نووض عصام ولدي نوض متقعدش فلرض برد لحال عليك
عصام:رووح منيش نايض منا
أمين:والله سيغيو شا درت ؟! كاشما درت لميار ؟
قعد ساكت و مبغاش يرد عليه و هو زاد تأكد بلي سووغ كاشما دارلها باسكو هو كي يدير حاجة و يبغي يعاقب روحه يدير هاك....شاف فيه شوية و مدله يده
أمين:هايا عصام نوض ولدي نروحو
شاف في يده عاود فيه:علاش تكرهني ؟! شا درتلك ؟؟
بانتله يزيد يضر!به بصح كالما روحه و خرج بلاما يزيد معاه حتى كلمة و خلاه وحده غارق في افكاره قاع الصوالح لي ماشي ملاح كان يخمم فيهم...دور راسه و داته ذاكرته لبعيد شوية لسن العاشرة
#فلاش_باك
داخل لاشومبغ هاديك و فيديه ثلث كلا!ب...قعد هو يشوف فيهم بخوف كانو كباااار و منظرهم يخوف نيبانهم كباار و الريو!ق يسيل من فامهم...طلقهم من يده
أمين:تخاااف يا!كلوووك سلك روحك و اخرج حييي
و خرج هو و بلع عليه لباااااب و خلاه مع الكلا!ب...بقا يشوف فيهم و يتفكر في هدرة بووه "تخاف يا!كلوك" و هوما يقدمو عنده...دور راسه فلاشومبغ هاديك يحووس حاجة يدافع على روحه بيها....لمح حديدة...بقا يقدم من جيهتها بحذر و عينيه مزال فيهم...رفدها فيدها و بقا يشوف فيهم و فلباب...جا يقدم للباب بصح هجم عليه واحد عضه من يده...بقا يضر!ب فيه بالحديدة هاديك و يسيي يبعده من يده...بعد صراع طويييل خرج من هاديك لاشومبغ و طاح على ركابييه يده غي د!م و كلشي فيه يرجف فهاديك الدقيقة يقد يقول بلي فقد اغلب مشاعره...خرج من هاديك لاشومبغ و بزاف صوالح ماتو في قلبه
#عودة_للواقع
عصام:حياااااااتي الكل!بة
نااض يتجرجر كان مدقدق بالضر!ب بصح نفسيته ارتاحت شوية...على الاقل تعاقب على الشي لي داره فيها...مزال صورتها وهي تبكي و تووغ بين عينيه...علاش هاكا ميقدش يتحكم فالغضب تاعه...وعدها و موفاش بوعده...كان خايف بزاف تعاود تروح و تخليه...ركب فلوطوته و ديمارا رجع للدار...دخل طلع ديراكت عندها جا يحل لباب صابها مبلعة...طبطب عليها
عصام:ميار حلي لباب
مكان حتى رد منعندها
زاد طبطب بالجهد:مياااارر اذا راكي تسمعيني حليي لباااب
نفس الشيء مكان حتى رد
هبل كي مكانتش ترد عليه و خااف عليها بزاف
عصام:ميار غادي نهرس لبااب اذا راكي موراها بعديي
ضر!بها لمرة لولة مقدش يهرسها باسكو هو بجوده كان مهدود...زادله الزاوجة حتى نحلت...دخل يجري شافها ملوية فلغطا...دورت راسها شافت فيه وجهه كان مضرو!ب بصح مدارتش ردة فعل
ميار:عصام قتلك خليني وحدييي
راح جمع حداها و بعد عليها لغطا:سمحيلي ميار عبالي وعدتك و موفيتش بصج شوفي هاراني مرحتش مدورتش ظهري و رحت هاني هنا هايا نهدرو و نتفاهمو
ميار:قبيل علاه مقتليش نهدرو و نتفاهمو
عصام:ياا ميااار منقدش نكونترولي روحي كي نتنارفااا
ميار:ماالك من وجهك
عصام:نستاهل قليل مقابل الشي لي درته فيك
شافت فيه بشك:نتا درت هاك فروحك
نفى براسه:لااا منيش انا
تنهدت و ناضت جمعت:عصام كاين اسوء ملي شته ليوم ؟!
نفى براسه:لاااا مكانش منعاودهاش عبالي استغليت نقطة ضعفك بصصح والله منعااود
ناضت تمشات مجيهة الدوش...جابت فيدها لابوات فاغماصي...جمعت اونفاص ليه و بدات ديرله الدوا و ساكتة
عصام:مياااار اهدري حمبوك
ميار:تعرف علاه راه صاريلنا هاك ؟
شاف فيه باستفهام
ميار:باسكوو نتا راك بعيد بزاف على الديين ربي محال يباركلنا في زواجنا و نتا هاك عصام قولي صليت ليوم ؟
بقا يشوف فيها و ساكت
ميار:اهدر عصاام علاه سكتت عبالك كون متبدلش طبايعك مستحييييل نقدو نكملو مع بعض مستحيييل
هز راسه يمين و شمال:لاااا لاااا متقوليش هاااك
ميار:و معندك حتى حق لا تعاقب نفسك ولاا تعاقب الناااس
حط راسه على يديها...حتى حست بدموعه فوق يديها...مشاعره تخلطوو و تفكرر بزاف صوالح يخربوله في قلبه...سالو دموعه لاراديا
عصام:ميااار راني حاس روحي راني ضااايع والله
طلعتله وجهه بيديها تمسحله في دموعه...حساته بلي صح راه ضااايع
ميار:لا لا مراكش ضايع هاني انا معااك و كلشي يفوت صحاا
هز راسه: والله معندي واحد مور لامية بغلاوتك
سكتت شوية مبعد هدرت:ارقد عصام صايي بزاف هددرة ليوم
عصام:سمحتيلي ؟!
نفات براسها:لاا ارقد عصام
عصام:و نتي ؟!
شافت فيه كان كيما لبز لي يفكوله لعبته من بين يديه ديما يديرها قد راسه و يبقا يدلق
ميار:رايحة نرقد فلاشومبغ لوخرا...مسناتهش يرد راحت ديراكت ترقد و خلاته وحده...مدد روحه فبلاصته ثواني معدودة و رقد مالتعب....