دولــوريــس "فـي عـشـقـك سـأفـنـى

مدّ و جزر

❌ممنوع النقل بدون اذن مني❌
➰دولوريس"في عشقكَ سأفنى"➰
📌بقلم:ميلو ✍🏻
🖇الفصل الرابع: مدّ و جزر🖇
#الحلقة_87
الطريق قاع و هي ساكتة و عاقدة حواجبها....كان حاس بيها و بالغيرة لي كانت فيها...دخلت قبله للجناح بدات تقلع في اكسيسواراتها و خيمارها بليناغ...قدم عنقها مرول و شدلها يديها و حط ذقنه على كتفها...حبست هي الحركة و بقات ساكتة...قربه يأثرر عليها بصح فريمووون مكانش حاملاته و كلما تتفكر كيفاش عنقاته هاديك تبغي تخرج من جلدتها...حطت يديها على يديه بهدوء و بعدتهم و بعدت عليه قاع
ميار:بليز عصام متخنقنيش اكثررر ملي راني مخنوقة
تنهد:مياار شوفي راني حاس بيك بصح علاقتي مع ليلي مشي كيما راكي فاهمة منقدش نخرجها من حياتي منقدش ندورلها ظهري و منقدش نسمح فيها
دارت شافت فيه و ضحكت بسخرية:زييد جيبهالي ضرة عصاام
فوت يده على وجهه يكالمي فروحه:ميار علاقتي مع ليلي مشي علاقة حب
حطت يدها على راسها:ميهمننيش عصام ميهمنيش لمهم انها تقعد بعيدة عليييك
قدم عندها حط جبهته على جبهتها:ميااار الفجوة لي راها بيناتنا تكفيي متزيديش تكبريها رانيي منعرفش نعبر على مشاعري و نخاف من الحب و قاع المشاعر لي نحسهم يخلوني نضعف
غمضت عينيها...تخمم في هدرته و تخمم شا تقوله...عنده الحق الفجوة بيناتهم راها كبيرة بزاف...مزالهم عرسان علاه هاك...علاه التعامل معاه رجع صعيب هاك...علاه ولات تخاف من اي كلمة تقولهاله ولا اي فعل ديره حداه
ميار:راني خايفة منك خاايفة ملي جااي معاك مزالنا في شهر زواج رجعنا هاك و كي يفوت عام ؟! نطلقو ؟!
نفا براسه بشدة و هدر:لا لااااا واش من طلاق تحكي عليه ميار منعاودش نروح و نخليييك خلينا نولو كيما كناا توحشتك
زيرت علي عينيها و بعدت عليه:خليني نريح عصام ليووم خلينا نديرو هدنة
طلع يديه علامة استسلام:هدنة
ميار:و رووح صلي صلاتك عصااام
بقا يشوف فيها...
كملت:حمبوك قولي راك حافظ السور و تعرف كيش تصلي
هز راسه:حاافظ يا مياار حافظ و نعرررف كيفاش نصلي مياار معلاباليش اذا عندي حق نحصل في صوالح عشتهم و فالمحيط لي عشت فيييه بصح منيش كاافر صحااا و نعرف بلي كاين ربي
ميار:بصح متعرفش بلي كاين يوم آخررر و كذبتت عليااااا
عصام:باسكو كون كنت نخبرك الحقيقة متقبليش بيااا
شافت فيه بعدم تصدييق:و مزاااااال يديير فالاعذااار مززال*دارت مدتله ظهرها* حللي لاغوب عصام خليني نروح نبدل و روووح توضا صلييي دروك
حللها لاغووب و راح يتوضااا كيما قاتله اماا هيي راحت بدلت قشها بيدما هو كمل الوضوء...كي خرج شافت فيه
ميار:ستناني نتوضااا و نجي نصلو زوج ركعات كاشما ربيي يحل الخصامات هادو لي راهم بيناتنا و يطيب القلوب
شاف فيها:كرهتيني ولا مالكي ؟!
شافت فيه شوية مبعد راحت للدوش توضات و رجعت عنده و كيما كان الحال صلاو زوج ركعات مع بعض طبعا و زاد كمل هو صلاا صلواته الخمس و راح حداهاا جبدها عنده و عنقها و زير
عصام:نحلو الخصامات لي بيناتنا ؟!
مردتش عليه....
زاد هدر:نديك غدوة لمدرسة الرقص ؟!
طلعت راسها و شافت فيه:واه حمبوك
قعد يشوف في عينيها:توحشتتتك مياار شا درتيلي ؟!
دخلت راسها في عنقه:ارقدد عصام اررقد
دور يديه عليهااا و رقدو....
في جهة أخرى....
دخلو للدار مع بعض...كانت مزالها تغنيي و ترقصص...كانت بزاف فرحااانة...دارت شافت فيه
روزاليا:عبالك بلي حققتلي واحد من احلامي
ضحك:منيتك ؟! حفلة كانت من احلامك ؟!
هزت راسها و قدمت دورت يديها على عنقه:مزالت باغيا نرقص
شاف فعينيها و دور يديه على خصرها و قعد يرقص معاها بدون موسيقى جوست هوما يغنو مع بعض و يتبهلوو...
جلال:روحي ترقدي عييت
ضحكت و بعدت علييه و راحت تجري لبيتها و مام هو راح لبيته باش يرقد
نروحوو عند منصف لي كي وصل للدار صاب كريستين تقارعله تم....شاف فيها و تبسم
منصف:اووو شكون راها هنا
قدمت عنده:هنا مشي بلاصة خدمة دوكتور منصف
جبدها عنده:هناا بلاصصة لهبال و السهرات الحلوة.......