دولــوريــس "فـي عـشـقـك سـأفـنـى

الفصل الثاني: لقاء 1

❌لا أحلل النقل بدون اذن مني❌
➰دولوريس"في عشقكَ سأفنى"➰
📌بقلم:ميلو ✍🏻
🖇الفصل الثاني: لقاء 🖇
#الحلقة_15
خلات ميار كلشي لرولاا و راحت للدار...قلبها كان قريب يحبس معرفتش اذا تفرح ولااا تبكيي ولا تزعف من رولااا ولا شاديير...و زيد كيفاش يقولها نبعثلك ميساج مين يعرف نيميروها...حطت يدها على راسها...طريق تاع عشر دقايق لدارهم بانتلها عام...خلصت طاكسي و نزلت تجري....دخلت للدار صابت ماماها حداها
ميار:مامااا وينها رشااا
شافت فيها بنص عين:راني غايا بنتي صحيتي لي سقسيتي عليا
شافت فيها ببراءة:يا مامااا موضوع مهم جدااا
حنان:علاه نتوماااا كاش موضوع عندكم مشي مهم ؟! راها فبيتهاااا تخمله
مدرتش على ماماها طلعت تجري لعند رشا...حلت لباب و دخلت تهدر ديراكت
ميار:رشااااااا عصام هو لي تبرعلناا بداك المبلللغ تخيليي جا و قالي اعجاب متبادل و قالي نشربو قهوة مع بعض يا رشااا ختيي ريحته بزاف شاابة متامنيييش شحال كان قرييب لياا لدرجة حسيته دخل داخل روحي شباااب بزاف رشا ختي بزاف
قعدت تشوف فيها مرت خوها...حالتها صعيبة بزاف هي علاء راه راجلها و عشرة بيناتهم بصح هاد الدرجة تاع الحب جامي وصلتلها هادي ديباصات الحب و العشق و منعرت وين وصلت و هو بعيد كون يقربلها منعرف شا يصرا
تبسمت و قدمت عندها:ميااار خيتي بسيااس علييك
تبسمت ميارر ببلاهة كي تفكرت كي قرب عندها...غمضت عينيها و عضت شنافتها
ميار:ذوبنيي رشااا ذوبنيي
رشا:مالا تروحي تشربي معاه قهوة ؟!
تبسمت:اكييد لا رشا كيفاه نخرج معاه باي صفة تعرفيني فهذا الموضوع منزعقش !!
رشا:موضوعكم صعب ينحلل صعبب شبيك نتي تحوسيه يجي يخطبك
تبسمت ميار و عينيها لمعو:اذا ربي كتب علاش لااا كل يوم ندعي يجي النهار لي نجتمعو انا وياه في دار وحدة
رشا:آمين عمريي و هاراه قالك اعجاب متبادل اذا كان صح دوك كي يعرفك مليح يعرف بلي مكانش كيفاش يوصلك من غير الزواج و زعما هو ااخاسر اذا مخممش يتزوج بيك
ضحكت ميار:اووف غي نتي لي طلعيلي لمورال نبغيييك ملياااار
عنقتهااا رشا و زيرت عليها:ربي يحفظك و يبعد عليك كل شرر ياا اطيب قلب فالعالم
بادلتها العناق:رولا هي لي خبرت عصام بلي يعجبني
بعدت عليها فيسع:بالااااااكي ميار بلاكي تروحي عنده ولا تروحيي معاااه و انا حسبت شاففك عجبتيييه لا لااا مياااار هاكا يستغلك و يستغل مشاعررك
تنهدت ميار بيأس:ديما نوصل لطريق مسدود نظن ربي مشي مكتبلنا نجتمعو على كل كملي صوالحك انا نروح لبيتي
خرجت من بيت مرت خوها تتمشا و افكار بزاف فراسها خاصة مور ما قاتلها رشا بلي يستغل مشاعرك...بدات تتفكر حركاته و كيفاش قرب...يعني يحوس يأثر عليها باسكو عرف بلي يعجبها...فوتت يديها على وجهها
ميار:يااااربييي تقدرلي الخير
دخلت لبيتهاا قلعت خيمارها و دخلت للدوش توضات و خرجت صلات و دعاات من قلبهااا باسكو كانت فريمون مخربشة و خايفة ....