❌ممنوع النقل بدون اذن مني❌
➰دولوريس"في عشقكَ سأفنى"➰
📌بقلم:ميلو ✍🏻
🖇الفصل الرابع: مدّ و جزر🖇
#الحلقة_107
يوم جدييد....
حل عينيه...أول حاجة جات فراسه هو ميار...ملامح وجهها لبارح كي وصلها...كمية الحزن لي كانت فيها...كمية العتاااب لي شافه في عينيها...علاش راها تلوم فييه هي خلاته يتصرف هاااك...هي بغاته و هي حوست عليه...هو مراهش موالف يبغي ولااا يجرب هادو المشاعر...زير على راسه بيديه زوج....مراهش فاهم روحه...مراهش فاهم شاراه يحس...مراهش فاهم علاش راه في دوامة...علاش مشي بكل بساطة يبعد عليها كيما لي قبلها...علاش هذا العذاب...علاش هذا الشوق...علاش هي اخر حاجة يرقد عليها و اول حاجة ينوض بيها....علاش رجع ميتحكمش فروحه كانه مراهق عاد يكتشف معالم الرجولة تاعه...حتى جسمه و يخدعه قدامها كانو قلبه و عقله و صراعهم غير كافي...
عصام:غااااادي نهبببببببببببببل
ناض وقف من بلاصته...كي جا داخل لمح بيجامتها محطوطة فوق السلة...قدم رفدها بيديه و شمها...توحش ريحتهاا كانو مشي لبارح كانت معاه...عاد ادراجه لبلاصته...رفد تيليفونه جا يعيطلها تيليفونها خارج نطاق التغطية...جا يبعث ميساج ميوصلش...جرب صوشل ميديا كيف كيف...ضحك بصدمة...يعني بلوكاته من كلش!!...
عصام:مليييح مالاااا اقعدي لاش راني كاتل عمري عليك...
في جهة أخرى....
بدا يفيق على حاجة تلعب في لحيته...حل عينيه و قابلاته متبسمة...ابتسامتها اجمل حاجةة شافها فالدنياا بعد عينيها طبعا...عادة الحرب تقوم كي ينوضوه يكره بزاف كي ينوضوه من رقاده بصح ليوم عجبه الحال و لا نقولو عجبه المنظرر...فوت يده على وجهها
جلال:صباح الحب روز
تبسمت:صباح النوور هاياا نوض باش نروحو
تبسم و جبدها عنده:ياك راكي عارفة شا تجاوبي و كيفاش تهدري ؟!
تبسمت:يسسس شكرااا على المساعدة
تبسم جلال و تفكررر هو نهار لي كان عنده مقابلة تاع الجامعة و شادار عصام على جاله باش تسجل فالجامعة....
#فلاش_باك
أمين:قتتتلك دير ادارة اعمال نتا و عصام مشي كيف كيف باش تقرا كيفه
جلال:بلييز بويا باغي نديره الكترونييك نبغيها
أمين:قتلللك مراكش بذكااء خوك
ضر!ب عصام الطااابلة بيده...و شاف فبووه
عصام:مفهمتش بأي حق تقررر على الناس شا يقرو و شا باغيين يديرو فحياتهم و شاهي الحاجة لي تساعدهم؟!
شاف فيه أمين:هذااا ولدي و انا نعرف مصلحته
ضحك عصام بسخرية:كيما عرففت مصلحتي اناا جلااال يقرااا شاراه باغييييييي و لوكاان يبقا نهار واحد في حياتي نسجله وين باغي
نطقت لامية:معليش امين حبيبي مدام راه باغيها خليه يقراهاا و جلال عنده ميولات علمية من صغره
شاف عصام فخوه:نوووض معايا نتا
ناض جلال و خرجو مع بعض لبرا...دار شاف فيه
عصام:ديير لحاجة لي تبغيها ما تسمع لحتى واحد و بحتى واحد و مدامني اناا حي راني معاااك دايما كونك متأكد
جلال:راك معايا ولا زكارة في بويا
شده من كتفه:باش تنقبل خصك بزاف خدمة مع لينوت تاوعك يعني فالمقابلة خصك تعرف تجاااوب باش يقبلوك
جلال:نتا تعاوني ياك
هز عصام راسه:هاياا معايااا
#عودة_للواقع
باسها من خدها:ولوو عينيا
ناضوو تقهواااو مع بعض و راحو ديراكت للجامعة باش ديير هي المقابلة تاعها....
YOU ARE READING
دولــوريــس "فـي عـشـقـك سـأفـنـى
Romance☄ دولــوريــس "فـي عـشـقـك سـأفـنـى☄ بـقـلـمـ:مـيـلـو ✍🏻 .............................. تـمـهـيـد: أبى الفؤاذ الانصياع لغيرك فما ذنبي أنا إن لم أتحكم بفؤاذي... وقع بهواگ من مجرد صورةٍ.... فماذا سيحل به إن قُدِّر لك لقاءي... ماكنت يوماً أظن العشق...
