دولــوريــس "فـي عـشـقـك سـأفـنـى

سقوط من القمة

❌لا أحلل النقل بدون اذن مني❌
➰دولوريس"في عشقكَ سأفنى"➰
📌بقلم:ميلو ✍🏻
🖇الفصل الثالث: سقوط من القمة 🖇
#الحلقة_64
و اخيرا لحق نهار العرس...النهار لي عندهم شحال يوجدووله...كانت لامية تراقب مكان لعرس "داروه في حديقة تاع اكبر اوتال فديك لبلاصة"...كلشي كان برفكت من قاع النواحي ديكور ماكلة كلشي كلشي عصام كان مانسيستي عليهم مكانش غلطاااات خص كلشي يكون برفكت اليوم النهار الوحييد لي مجااش هو باسكو كان يوجد روحه سينون كان يوميا هناا واقف معاهم خطوة بخطوة...عيطتلها امينة
ريبوندات:وييي مينووش
امينة:ماما ها رواحي باش توجدي روحك راه لوقت
لامية:هاني جايةة بنتيي
كوبات و راحت للدار باش توجد روحها هي ثاني.....
عند عصام...
كان يعدل في شعره و يدندن....الرشقة كانت طالعة كانت طالعة...الليلة المنتظرة مجرد التخمام انها ليوم تاعه يزيد يفرحه كثر....عدل لقرافاط تاعه و تبسم
جلال:وياااا كي راه فرحاان
تبسم معاه:فيي ميزك علاه شحال غادي نتزوج
منصف:هاي هاي هاي راه يعشق
ضحك عصام:يادراا انا الشباب فيكم قولو الصح
تبسم منصف:صاحبي الزييين مبرووك
جلال:الزلل تاع الزلييين (ديديكاس لأفين حب حياتي)
تبسم معاهم و مد يده للبارفان دار منهاا و قدم دار لخووه...
منصف:ها صحاا انا كرع كرسي
جلال:يبغيني كثر منك شحح فيك
هز عصام راسه بيأس منهم شا يتعقنو زاد دار لمنصف ملبارفان تاعه
عصام:متبكوش و صايي
سمعو طبطيب فلباب...راح عصام حل لباب صاب أمينة حتى هي كانت كيما البوبية معدلة و مزوقة...تبسم معاها
عصام:رانا شابييين
تبسمت بخجل:ولو زينك خويا
قرصها من خدها بخفة:قولي لما عشر دقايق و نروحو
هزت راسها و راحت
عند ميار...
كانو يديرولها فآخر اللمسات...رشااا مقدتش تشد دموعهاا و هي تشوف فيها شحال كانت شاابة....تضاد لون بشرتها مع لون لاغوب بينها تهبببل...ماكياجهاا السامبل خلاها تبان كيما الباربيي...كلشي فبها كان يهببل...ممكن مشي حاجة معتادة عروسة تلبس الاسود ليلة عرسهاا بصح هي ديما كانت تحلم كيما هاك و للاماانة جاات تهببل بيه...مدة قصييرة و سمعو لواطا يزمروو برا...طارت رولا للتاقة تشوفيي
رولا:ايمااا افخم كورتاج اللواطا ليراهم برا يشرو نص لوس انجلس اووووووف يهبلووو
ضحكت عليها رشا و شدت يد ميار:واجدة حبيبي
كانت ترجف بصح جاوبتها:وااه
كيماا كان الحال خرجها باباها عنده...شحال ما تخيلها و رسمه في عقله بلاغوب بصح متخيلهاش بهذا الجمال فاتت توقعاته قاااع فاقتهم بطريقة خلاته يجمد فبلاصته...حس بشعور اول مرة يحسبه...دق قلبه وسط قفصه الصدري بطريقة جامي دق بيها...حسس روحه خر/جت منه و راحت عندها...كانت كلما تقرب خطوة يحس بالتوتر تاعها و خوفها و فالدقيقة لي مدله باها يدها...شدهالها و تبسم معاها يطمن فيها بعينيه بصح هيي كانت غي حاطة راسها...تصورووو شوية و خرجوو ركبو فلوطو و كان هو يسوق...قلع لكورتاج و هو مطلقلهاش يدها
عصام:دولوريس ريلاااكس بب متخافيش منيي مغاديش نا/كلك كلشي شباب و يعجبك والله
كان من المفروض هدرته طمنهاا بصح زادت علييها كثر ملي فيهاا....