❌ممنوع النقل بدون اذن مني❌
➰دولوريس"في عشقكَ سأفنى"➰
📌بقلم:ميلو ✍🏻
🖇الفصل الرابع: مدّ و جزر🖇
#الحلقة_94
فاتو يوميين رجع عصام للبرود و ميار معرفتش كي ديير حتى هي كي تشوفه هاكاك متقدش تهدر معاه بغات تحكي لرولا ولا رشااا و مقدتشش تحكيلهم خاافت تقولهم يقولولها نتي بغيتيه الوغ لا ماماها كون تغلط و تنطق حرف توريهاا باسكو هي بغاته و هي قبلت متقدش تشكييلهم...كانت تقلب فالكتاب بين يديها و تقارع فيه يجي...اا ربي الطناعش تاع الليل علاه يدير هاك و ميجيش زادت فاتت ساعة حتى شافته دخل...طلعت عينيها شافت فيه و رجعتهم للكتاب...شاف فيها و نطق
عصام:ميااار توحشتك
ضحكت...بلعت الكتاب و حطاته
ميار:تووحشت صوالحك عصام متوحشتنيش انا
قلع لفاست تاعه حطهااا و قدم عندهاا...طلع للسرير يقدم عندها و هي ترجع روول...دورت راسها
ميار:عصام بعدني
قدم يهمس عند وذنها:توحشتتك دولوريس توحشتك بزاف
بدا يبوووس في عنقها بخفة و هي تحاول تبعده بصح فالاخير استسلمت للمساتته...علاقتهم رطعت توكسيك نهار قريب و نهار بعييد مبعد يجي بكلمة زوج تستسلمله كانت تتوحشه بزااف و ترضى بهاديك الليلة لي يرجع فيهاا...يطيرهاااا لسابع سمااا...
حاطة راسها على صدره و تخمم..تغير شخصيته..كيفاه في دقيقة يقدر يغرقها و تحسه يعشقها و فالدقيقة لي موراهااا تحسه يكرهها و مشي دايرلها حساب..طلعت راسها شافت فيه يلعب بشعرها و و يشوف فالسقف..رجعت هودت راسها
تنهد و نطق:نبغييك ميار حبسي متعيي في مخك حبيبي
رجعت طلعت راسها تشوف فيه باستغراب كيفاش يعرف شاراه يدور فراسها..عاود نطق
عصام:الشوفة هاديك نعرفهاا ملييح ميار
خرجت شواربها و هدرت:وين كنت حتى للوحدة تاع الصباح
ضحك على جنب بلعاني باش ينارفيها:منقدش نرقد مع زوج فنفس الليلة
عقدت حواجبها..راها عارفة اي كلمة تقولها قادرة تنارفييه و تخسر الليلة هادي ساو قررت تكتفي بالصمت خاطر تعرفه زعاقته سامطة..جات تجبد لغطاا على روحها..شدلها يدها
عصام:خلييه برك مراهش كاين لبرد
ميار:انا بردت
عنقها و زير عليها عنده:هاكا ميجيكش لبرد
هدرت بتذمر:عدو الغطااا نتا
باسها من راسها:وهو علاه يقعد يتمايل فوق جسمك عريان علابالك بلي نتي تاعي و بس
شافت فيه بصدمة مرات تحسه مهبوول مشي نورمال..جاوبها قبل ما تهدر
عصام:نيشان ميار انا مهبوول هبلتيني و باش متقوليش مين تسلطت عليك باسكوو نتي تسلطتي علياا
مصابت ما تهدر فريمون..حافظ حتى شوفات عينيها و يفهم ديراكت شايدور فراسهاا
ميار:عصااام
صايي بدا يتنارفاا من اسئلتهااا بلي قالتها بلي راها دور فراسها
هدر بنبرة جادة:ميار رقدي درووووووك
ميار:توحشت دارنا غدووة ديني
عصام:شحال باغيا تقعدي ؟!
ردت:سيمانة مشي بزاف
ضحك بسخرية:سيمانة مشي بزاف ؟! لااا غي يومين
ميار:سيمااانة عصام توحشت دارناا
سكت شوية يخمم مبعد قال ممكن تروح سيمانة ينساها شوية و يقد يجبد روحه...
عصام:اووك غدوة ندييك
تبسمت و غمضت عينيها و رقدت.....
أنت تقرأ
دولــوريــس "فـي عـشـقـك سـأفـنـى
Romance☄ دولــوريــس "فـي عـشـقـك سـأفـنـى☄ بـقـلـمـ:مـيـلـو ✍🏻 .............................. تـمـهـيـد: أبى الفؤاذ الانصياع لغيرك فما ذنبي أنا إن لم أتحكم بفؤاذي... وقع بهواگ من مجرد صورةٍ.... فماذا سيحل به إن قُدِّر لك لقاءي... ماكنت يوماً أظن العشق...
