دولــوريــس "فـي عـشـقـك سـأفـنـى

سقوط من القمة

❌لا أحلل النقل بدون اذن مني❌
➰دولوريس"في عشقكَ سأفنى"➰
📌بقلم:ميلو ✍🏻
🖇الفصل الثالث: سقوط من القمة 🖇
#الحلقة_78
ناض الصباح بكري...غسل وجهه و قعد يشوف روحه فلمرايا...مزالها تحر/ق في قلبه كيفاش تبسمت مع غيره زاد تنارفا منها كثر كيفاش راها متحكمة في اعصابه و مزاجه مراهش موالف يهتم بالطرف الاخر عايش لروحه برك و هي ملي عرفهااا و هي تلعبله بعقله و اعصابه و كلش...دا نفس عمييق و رجع للبيت...رفد تيليفونه شعله شاف لفونديكرون كان داير فوطو تاع يديهم مع بعض....غمض عينيه و رجع حلهم و دخل للكونتاكت عيط لخوه...ثلث خطرات باش ريبوندا
جلال:حرام عليك عصام خويا شا خصك
عصام:نوض جلال نووض خصني تسجيلات الكاميرا تاع داك النهار
تافاف جلال:قعد مع مرتك يا ديني علاه هاااك مبعد نروح روحي نجيبهم
عصام بنبرة جدية:جلال نوووض عشرين دقيقة نكون عندك
كوبااا علييه و ناض عدل الفرااش و بعد  ليريدووو و رفد صوالحه و خرررج ديراكسيون عند جلال...شوية و كان عنده عيطله...مريبونداش خرج ديراكت و ركب معاه فلوطو قالب وجهه...شاف فيه عصام باستغراب
عصام:جلااال خويا حل مخكك و فيق بغااو يقت/لوني و لحد الساعة مزال مرديتش !!
شاف فيه:روووح عصام خوياا رووح
عصام:روح لحقني بلوطوتك 
هز جلال راسه و نزل راح ركب فلوطوته و ديماراو مورا بعضاهم راحوو باش يجيبو تسجيلات الكاميرا باش ميقولوش قت/لهم بالباااطل...لطالما كان عاادل و ميظلم حتى واحد....
في جهة أخرى...
ملي ناضت فالفجر و هي مجمعة تسنا فيه...مقدتش تهود باسكو قالها متهودييش بقات وحدها محبووسة شافت فقاع انحاء الجناح هاداك...حست روحها كي الطائر المحبوس في قفص...شافت فساعتهاا...قلبها كان واجعهااا منه...شوية و سمعت طبطييب فلباب...راحت حلت صابتها لامية
ميار:صباحوو ماما
تبسمت معاها لامية:صباح النوور بنتي تجو تفطرو معانا ؟!
شافت فيها باحرااج و نطقت:عصام مراهش و قالي منهودش كي ميكونش
حست لينااغ ركبوهاااا من راسها لكرعيهااااا
لامية:قصدك ملي خرج لبارح مولاش ؟!!
شافت فيها ميار و هزت راسها:ممكن عنده خدمةة
تبسمت معاها مبغاتش تزيد عليها مزالها عروسة و هو هامل و يبات برا الدااار بقات تبانلهاا تحكمه على طولته و تضر/به
لامية:واه ممكن خدمة معليش بنتي دوك يجيبوولك تاكلي
هزت ميار راسها...حست بحشومة مشي نورمال...معرفتش كيش تتصرف...خافت انها تكرهها ولا تحسبها تهرب منهاا
ميار:سمحيلي ماماا
حطت يدها على وجهها و تبسمت:متعتذرييش بنتي عصام ولدي و نعرفه
تبسمت معاهااا و راحت لامية ديراكت لبيتها...دخلت و بلعت لباااب
لامية:ولددك السببعع بايت براا و خالي مرته وحدها و زيييد يقولها متهوديش كي منكوونش مفهمتش انا مخه كيش يخدم يعني فضوول والله
لبس لافاست تاعه و دار لبارفان:الزواج هذا قاع غلططة في غلططة لااا و يشرك فمه و يقولي نعرف كيش نتحمل مسؤولية مرتي
هزت راسها بعدم تصديق:هدر معااه حمبووك
أمين:علاه انا يسمعلي ؟! ولا يدي هدرتي بعين الاعتبار
لامية:كي يكي نتفاااهم مع جده نوريه كيفاش هادي يروحح يهمل برا و يخلي مرته فالدار
قدم شدها من كتافها و باسها من جبينها:هايا عمري تاكلي و متنارفيش روحك
شافت فيه و تبسمت و هودو كلاااو و طلعت امينة تفطر مع ميار باش متقعدش وحدهاا.....