دولــوريــس "فـي عـشـقـك سـأفـنـى

لقاء 14

❌لا أحلل النقل بدون اذن مني❌
➰دولوريس"في عشقكَ سأفنى"➰
📌بقلم:ميلو ✍🏻
🖇الفصل الثاني: لقاء 🖇
#الحلقة_28
فاتو اياام...عصام كان يوميا يروح عند ميار يا يخرجو مع بعض يا اما يروح عندها لمدرسة الرقص لمهم كان يوميا يروح عندها حتى هي والفت الموضوع و رجعت تسناه يجيي....يعني سكنلها في عقلها اكثررر...بصح معرفش كيش يطور العلاقة بيناتهم...مشي موالف يعني ياا لبنات يجو عنده يااا بنات الليل اما كيما ميار اول مرة يصادفه هذا النوع...كيما دار باش يتقرب منها مقدرش و طبعا هو ميهدرش و ميعرفش يعبر...كانو مجمعين فمدرسة الرقص و ياكلو فلقاطوو...شاف فيها كانت شنافتها فيها شوكولا...منظرها يشهي...دارلها بصبعه
عصام:مسحي فمك
مسحت هي الجهة الخاطئة...قدم عندهاا و مسحلها شنافتها بابهامه...طلعت عينيها و شافت فيه كان قريب ليها بزاف...بزوج بيهم تنفسهم اضطرب و توترو...هي جامي كانت قريبة لراجل بهادي الطريقة وهو معرفش شا صراله كانه اول مرة يشوف مرا...قعدو عينيه يتنقلو ما بينه شنايفها و عينيها و وجهها قاع...نطق بصوت خافت
عصام:ليلة معاياااا ليلة وحدة برك ميار
شافت فيه بصدمة و انتفضت واقفة...هدرته نزلت عليها كي الصاعقة...كيفاش تجرأ يهدر معاها هاك كيراها تبانله
ميار:مييي نتا مهبوول كيفاش تهدر معايااا هاك حاسبني مسخة انا باش ندير حاجة كيما هاااك
وقف حتى هو يجرب يبررلها...ردة فعلها خلعاته مشي موالف يتعرض للرفض لااا و حس روحه دار جريمة بطلبه و اصلا مموالفش يعرض روحه بالعكس هوما يعرضو رواحهم عليه
عصام:ميار كالمي روحك معرفتش كيفاش قلتها انساااي
ضحكت بصدمة كثرر و دارت بصباعها في وجهه تهدر:شوووف مليوم و روح تحوس عليا كاين طريق واحد يوصل عندي هو الحلال و من غيير الحلال منزييد نهدر معاك حتى كلمةةة
راحت و خلاته واقف...يستوعب الموقف لي صراا...خرج حتى هو من تم مبغاش يزيد يخمم كثرر..
عندها...
تبدل في قشها و تبكيي...حست روحها ر*خيسة حطت روحها في موقف مشي مليح...كون صابت لرض تنشق و تبلعها...حطت يديها على وجهها تبكي بالشهقة...مدة و هي تبكيي هاكاك مبعد كملت بدلت قشها و غسلت وجهها بصح قاع هاك و قعدو عينيها حومر...خرجت من المدرسة و كانت الحالة بدات تظلام...تمشات شوية و شدت طاكسي لدارهم...دخلت راحت ديراكت لبيتها مبغات تهدر مع حتى واحد...لحقتها رشا تشوف مالها
رشا:ميار حبيبي مالكي
ميار:رشا بلييز طفي الضو و بلعي لباب باغيا نرقد
رشا عرفت بلي صراتلها حاجة بصح مبغاتش تزير عليها...طفات الضو و بلعت لباب و خرجت خلاتها ترقد باش تريح شوية...
عنده...
قعد يدور بلوطو و يدووور مخه بغا يطر*طق بالتخماام...كي طاح الليل مليح عيط لمنصف
عصام:نتلاقو فلباار ......
منصف:اوه اوه هادي غيبة غي الخير
عصام:جييبلي معاك قرعة شر*اب منصف
منصف:اووو الحالة مراهاش تعجب صحا صحا كاش نص ساعة و نكون عندك
كوبااا عصام و راح ديراكت للبار...دخل شد طابلة جمع...طبعا يستنا منصف ميشر*بش من عندهم...حط يده على راسه...لطالما كان يهرب للشر*اب...كيما كان الحاال شوية و جا منصف و غي حطله ديك القرعة حلهاا ديراكتت يشرب منهااا...بعد على فمه و نطق
عصام:اناا تقولي لااا اناا رفضتنيي تخيييل
عقد حواجبه:شكوون ؟!!
تبسم معاه و رجع يشرب من القرعة...قعد منصف غي يشوف فيه...حالته مكانتش نيشان شرب حتى طاح كاو بسيف باش خرجه و داه للدار....

نهااااااية الفصل الثانييي..... 🥺🙈