❌لا أحلل النقل بدون اذن مني❌
➰دولوريس"في عشقكَ سأفنى"➰
📌بقلم:ميلو ✍🏻
🖇الفصل الثالث: سقوط من القمة 🖇
#الحلقة_51
نروحو عند لامية لي شدت راجلها من يده...طلعت راسها فيه و تبسمت
لامية:حبيبي شوف عصام راه فرحان
تبسم على جنب:راني نشوف بصح راه مخوفنيي عصام ميكونش كالم هاك بدون سبب
قلبت عينيها:أمين خليناا الاز و علااه دير كيما هاك
هز راسه و مردش...
نروحو عند منصف ملي دخل لهناا و هو مبرونشي مع أمينة للامانة ميشوفهاش بزااف حتى قريب تلفهاا و ليوم شافها داتله عقله...شاهاد الزين قاااع...فريمون بو*مبة تاع زين عندهم الحق خوتها كي يغيرو عليها...اصلا ملي بدات الحفلة و هي مع جلال متبوجيش كامل....ابتسامتها و الغمازات لي مزينين خدودها كملوو عليه حرفيا...شرب شاكان فلكاس و نفض راسه يحاول يتخلص مالافكاار لي فيه...حتى شافهاا راحت ترقص مع خوهاا و تهدر و تضحك...للصراحة المنظر مساعدهش ابداا...فوت يده على جبهته
منصف:قلععع الافكار من راسك اولديي قلعهممم
نروحوو عند عائلة مياار كانو مجمعين مع معارفهم و رولاا طبعا تموت على المعارف كانت من بلاص لبلاص دير معارف...اما رشا كانت مع راجلها لي كان قاعد بسيييف و قالب وجهه
رشا:حبيبي تبسم وجهك تكمش
علاء:منيش فاهم كيفاش قبلو يمدوهاله اا ربي تعرفي.... سكت مكملش
رشا:مالك علاء شا نعرف كمل ؟! مالك قاع هاك كارهه ؟!
علاء:والوو رشاا والو
طلعت عينيها فيه و فوتت يدها على كتفه:عبالي بلي تبغي ختك بزااف بصح هادي سنة الحياة
نفا براسه هي مراهاش عارفته متعرفش عصام شكووون و ميقدش يخبرها باسكو حتى هو في يوم من الايام كان فديك الخدمة و يخاف من ردة فعلهاا
رشا:نرقصو شوية ؟! نبدلو جو هاياا
تبسم معاها و شدها من يدهاا و راحو يرقصوو مع بعض بلاك هوما كانو اكثر كوبل متناسق خاصة و انها مرته كان مرتاح معاهاا على عكس عصام و مياار لي مزال ميار مرتاحتلهش و في كل مرة يلمسها حركتها تن*شل ...كملت الحفلة الجميلة هادييك بصح عصام قعد شاد يد ميار و يسقدو فيهم...
همستله:عصام اطلقني نروح
عصام:لاا نتي تكملي السهرة نعايا مبعد نوصلك انا
شافت فيه باحراج:منقددش عصام..
قطعلها:تمااام فهمنا ندو اذن باباك حسيتني خطبت وحدة تقرا فسيام
قلبت عينيها...راحوو قاع و قعدو غي ليفامي
شاف عصام فبوها:عموو ميار غادي تقعد معايا و انا نردها متخافش الريح ميقيسهاش
تبسم معاه:و مقولة الريح ميقيسهاش تشملك حتى نتا
ردله الابتسامة:اكيد ولوو نبدا بروحي
سيد احمد:مشات مالا مديروش الروطار برك
هز راسه...قدمت رشاا سلمت عليها و همستلها
رشا:غادي نحلووو ليكادو منقارعوولكش
ضحكت ميار:اووك عمري
كيما كان الحال راحو ماليهم و قعدو غي هوماا زوج
ميار:اهااا وين رايحييين ؟!
شدلها يديها:هايااا معايااا الزييين.....
KAMU SEDANG MEMBACA
دولــوريــس "فـي عـشـقـك سـأفـنـى
Romansa☄ دولــوريــس "فـي عـشـقـك سـأفـنـى☄ بـقـلـمـ:مـيـلـو ✍🏻 .............................. تـمـهـيـد: أبى الفؤاذ الانصياع لغيرك فما ذنبي أنا إن لم أتحكم بفؤاذي... وقع بهواگ من مجرد صورةٍ.... فماذا سيحل به إن قُدِّر لك لقاءي... ماكنت يوماً أظن العشق...
