دولــوريــس "فـي عـشـقـك سـأفـنـى

إعجاب 11

❌لا أحلل النقل بدون اذن مني❌
➰دولوريس"في عشقكَ سأفنى"➰
📌بقلم:ميلو ✍🏻
🖇الفصل الأول: إعجاب 🖇
#الحلقة_11
نهار جديد....
خرج مع اول خيط ضوء بان...المشوار كان شوية طويل...ليوم عنده يوم خاص مع ليلي...ملي جابها لعنده وهو دايرلها نهار يفوته معاها...بدا يتفكر كاش كانت اول مرة شافها
#فلاش_باك
مجمعة في قنت دايرة يديها على وذنيها من حس الرصاص و تبكي...كي شافها قدم عندها تبان صغيرة شاراها دير في بار...كي شفاته يقدم عندها بدات توغ و تبكي و تهدر باليونانية
سارا:متشونييش عندي غي 16 عااام بلييييز
عقد حواجبه شحال يكره التجاررة بالنساء و خاصة القاصرات...مدلها يده و هدر باليونانية
عصام:هايااا معايا مكانش لي يتوشيك
شافت فيه بخووف و كمشت روحها
حنا لمستواها:كون نروح منا امنيني يصراا فيك لعجب لآخر مرة هايا معايا
مدتلها يدهااا نوضها و خرجها من تم
#عودة_للواقع
حبس عند دارها...و عيطلها...ريبوندات تم تم
سارا:صباحو ايفانتيكو
عصام:صباحو ليلي راني نستناك
سارا:هاني جاياا ايفانتيكو
كوبااا و حبس لوطوو يستنا فيها تجي...وقت قصير و شافها خرجت من باب العمارة...نزل ملوطووو شد عليها لكابا لي كانت رافدتها و سلم عليها
عصام:شاراكي جايبة ؟!
تبسمت:جبتلك ماكلةة طيبتها انااا
تبسم معاها و تمشاو للوطو حللها لباب ركبت و حل هو لباب تاع رول حط ديك الكابا و ركب و قلع يسوق...دارلها الغنا فالطريق...شافت فيه و تبسمت...لمدة ثلث سنين عيشها كي الاميرة...كلشي موفرلها اكل شرب و لبس مكانتش عندها حتى بيت ترقد فيه و دروك عندها دار خاصة بيها و باسمها...و اهم شيء فوسط قاع شغالاته مفرغلها نهارر يديرلها شا تبغي...قعطلها حبل افكارها كي نطق
عصام:جبتلك كابو*س جديد راه فلكوفخ تاع لوطو
حلاته بحماااس و جبدت لكابو*س تشوف فيه بفرح
سارا:وياااااا شحال شباااااااب ميغسيي
ضحك:مالا ليوم نتوقع نتائج مبهرة
صفقت بيديها بحماس:أكييد
غمزلها و كمل يسوق...مدة نوعا ما طويلة و وصلو للغابة هاديك لي موالف يدربها فيها...نزلت هي لولة و نزل قبلهااا...بدات دور فلبلاصة بحماس و تتصور
سارا:توحشتهاااا هاد لبلاصة
تبسم و راح لوطوته يجبد منه الالواح هادوك لي يتي*رو عليهم(كيما لفيديو لي حطيته قبيل)....بداا يحط فيهم حتى كملهم قاع...قدم عندها رافد فيده كاسك...مدهلها
عصام:هايااا ليلي
شافت فيه:و نتا ؟!
تبسم معاها:ميغبنيش الحس انا ليلي هاياا
دارت لكاسك و جبدت كابو*سها وجهاته للوحة...جا موراها و شدلها يديها عدلهملها و هدر عند وذنهاا
عصام:ثبتي يديك ليلي و عينك على الهدف صفيي مخك
حبست انفاسها من قربه ليها...بعد هو و مبعد دارلها اشارة بيده باش تيري و طبعا اول فرصة ضيعتها باسكو هو رهوجها بقربة...شاف فيها بيأس..قلعت هي لكاسك من راسها
عصام:رجعيه و كمليي متستسلميش من اول مرة
دات نفس عمييق و رجعت لكاسك راسها و رجعت تير*ي و المرة هادي جابتهم تقريبا قاع و قعدت تعاود حتى رجعت تجيبهم قاع
صفق عليها:برافوووو
تبسمت:و اخيييرا رجعت نجيبهم قااع
تبسم:جععععت يادرا شا طيبتيلي
تبسمت:حاجة تبغيها بزاف
راح للوطو:نروح نشوف نكره التشويق
جبد ديك الكابا و حلها و بدا يشوف فيها...كانت دايرتله قراتان بطاطا و لحم مع بيشاميل و سلاطة و دارتله جو تاع تشينة...تبسم و جمع حطها في حجره و بدا ياكل و هي تشوف فيه...شحال يعجبها كي ياكل حاجة طيبهاله هيي باسكو تعرفه مليح مليح بلي حرفيا مياكلش من يد لي جاا...شوية و طلع راسه شاف فيها
عصام:هاياا تاكلي معايا راه كاين كرسي فلمالان...راحت جابته و جمعت و بدات تاكل معاه....