دولــوريــس "فـي عـشـقـك سـأفـنـى

سقوط من القمة

❌لا أحلل النقل بدون اذن مني❌
➰دولوريس"في عشقكَ سأفنى"➰
📌بقلم:ميلو ✍🏻
🖇الفصل الثالث: سقوط من القمة 🖇
#الحلقة_83
في جهة أخرى ...
دخل للسبيطار...فات لبيروه غي لبس طابليته و خرج باش يكونسيلتي ليمالاد تاوعه...رسم ابتسامة على وجهه و خرج...هو مهما تكون حالته ولا نفسيته كي يجي رايح لعند ليمالاد تاوعه يروحلهم بوجه بشوش...كانو قاع يبغوه و كاين حتى لي يبرو و يقعدو يجو يزوروه...دخل لاول شومبر...جر كرسي و جمع حدا الشيباني لي دارله العملية لبارح...حط يده فوق يد داك الشيباني و تبسم ابتسامة عريضة
منصف:صباح الخير عمووو
بادله الابتسامة:صباح النور ولدي
منصف:كيراك تحس روحك ؟!كاش حاجة توجعك ؟!
نفا براسه:لاا منيش موجوع
تبسم منصف و ناض وقف:معليش تسمحلي نشوف الجر/ج
هز الشيباني براسه و شافله منصف الجررح...بدله لبونسمون روحه مالغري مشي خدمته بصح هو هاك ديما يقابل المرضى تاوعه روحه حتى يخرجو من لوبيتال...رجع غطااه
منصف:كي تجي الفرملية نوض تمشا معاها شوية صحا عمو ؟! و ربي يشافيك
تبسم معاه الشيباني:ربييي يحفظك ولدييي
هز راسه و خرج فات عنده مريضة وحدوخرا لي كان غادي يخرجها ليوم و حتى هي كانت كبيرة فلاج...رقب عليها بابتسامته الجميلة
منصف:تيريزااا مريضتي الجميلة
قلبت عينيها و مردتش عليه...ضحك بخفة و قدم شدلها يدها سلم عليها
منصف:جيت نرااضيك
قعدت مدورة وجهها:منرضااااش
ضحك:كون حتى نقولك بلي ليوم غادي تخرجي ؟!
شافت فيه بفرحة:صححح ؟! ولا جوست باش تراضيني
منصف:ولووو تيريزا باينة منزعقش عليك
ضحكت حتى سالو دموعها من الفرحة...عندها شحال و هي هنااا مرتين وهي تعاود العملية من اهمالها عليها خلاها هنا بزاف مامنتش كي قالها غادي تخرج
تيريزا:يعني صاي منعاودش نولي ؟!
نفا براسه:الا اذا بغيتي طلي عليااا منقولش لااا
عنقااته:ربي يحفظك دوكتوور ربي يرزقك بمرااا تهبببل و تبغييك و تموت عليك
ضحك من قلبه:آمييييييييييين  هايا انا نروح نوجدلك كواغطك و نتي وجدي روحك صحا ؟!
هزت راسها و رجع هو لبيروه...دخل صابها مجمعة...كي شافته ناضت تجري رمات روحها عليه عنقاته
****:توحشتتتتك بزااف منصف
بعدهاا عليها و هدر بجدية:دوكتور كريستين هناا بلاصة تاع خدمة مشي تاع دو الصوالح
طلعت حاجبه:اممم خدمة ياك ؟!
هز راسه و مردش عليها راح يوجد لتيريزا كواغطها
كريستين:مالااا مبعد متجيش تحوس عليا و خرجت خبطت لباب
ضحك و هز راسه بسخرية:نتي تجي تحوسي عليا مشي اناا
نروحوو عند جلال...حل عينيه كان مزاله بقشه تاع لبارح حتى صباطه مزال مقلعه...راسه باغي يطر/طق بالوجع...ناض قلع صباطه و رماااه...زاد شوميز تاعه و دخل للدوش...دوش و خرج لبس قشه و هود لتحت...صابها مجمعة فالطابلة تتفرج فالماكلة
جلال:صباح الخير
طلعت عينيها شافت فيه كانو حومرر باينةب لي كانت تبكي...بقات تشوف فيه كيفاش يحكي معاها عاديي
روزاليا:عبالك لبارح كون مهربتش لبااارح و بلعت لباب كنت تغت/صبني جلااال ياالي متقرب لحتى وحدة حتى تطلب هي
بقا يشووف فيها بصدمة...كيفاش يغت/صبها هادي هو مراه متفكر والو...غمض عينيه يسيي يتفكر...بداو يجوه لقطات
#فلاش_باك
جلال:غيي بوسة روز حمبووك
تشوف فيه بخوف:راك شارب روح ترقد
يهدر و يقرب عندهاااا
جلال:عينيييك شابين نتي قاع شابة تهبلي جدييدة
دفعااته بقاع جهدها و هربت للبيت بلعت لباب بلمفتاح...و خلاته يدق عليها و يخلط فالهدرة مبعد راح رقظ
#عودة_للواقع
عض شنايفه  من الاحراج لي حس بيه...في حياته مدارش حاجة غبية كيما هادي شبيه مكبو/ت ول ...قرب حا يشدلها يديها بصح بعدت عليه بخوف
روزاليا:بليز متشونيش راني لميت صوالحي باش نروح نكري
جلال:لا لااااا متروحييش سوريي والله منعاودهاا منعاودش نشرب و نجييي لبارح ثقلت سوري والله ني نحس روحي رخي/س منيش عارف كيش نفهمك بلي منيش من هذا النوع
شافت فيه و هدرت:حمبووك روح منا خليني وحديي
تنهد و ناض خرررج يس/ب فروحه و فالنهار لي شررب فيه لديك الدرجة.....