دولــوريــس "فـي عـشـقـك سـأفـنـى

لقاء 9

❌لا أحلل النقل بدون اذن مني❌
➰دولوريس"في عشقكَ سأفنى"➰
📌بقلم:ميلو ✍🏻
🖇الفصل الثاني: لقاء 🖇
#الحلقة_23
قعد يشوف فيها و مزاله واقف..طلعت عينيه في عينيه
ميار:جمع متخافش ميتوسخش سروالك الغاليي
حمحم و شاف شوية فلرض عاود جمع و حط هادوك الكيسان تاع القهوة و دونات...شدت هي الكاس تاع القهوة و شربت منه و قعدت ساكتة و حتى هو يشرب فالقهوة و ساكت...هو عنده صعوبة تواصل و حوار و هي حشمانة مع بعض اومبيوونص قاع شاكاين قعدة فالشبااب...ماعيا يقارعلها تنطق مبعد هدر هو
عصام:مالكي ساكتة
تبسمت باحراج:حشمانة منك
ضحك:و انا عندي صعوبة فالتواصل مع الغاشي
ضحكت حتى هي:مزيج رائع ههه
شاف فيها :اهمم اهدريي
سكتت شوية مبعد نطقت:نتا مسلم ؟!!
شاف فيها...قعد يدور سؤالها فراسه...صح هو مسلم بصح ما يعرف والو على الدين ماعدا الصيام...
هز راسه:واه مسلم
تبسمت بفرح:غايااا ماشاء الله
عصام:علاش يهمك بزاف الموضوع هذا ؟!!
شافت فيه:معنديش مشكل مع بقية الاديان لاني من صغري عاشرت ناس مشي مسلمين بصح نفرح كي نصيب  مسلمين كيفي
تبسم معاها:مليييح انا استنتجت من الخمار بلي مسلمة
هزت راسها بتفهم...كملت قهوتها مبعد شافت فيه
ميار:انا من للصباح و انا هنا مزال ما كلييت
عصام:نشرولك ماكلة
تبسمت:لااا جبت معاياا اكل *حنات على صباطها تاع الرقص قلعاته و ناضت تمشات باتجاه صاكهاا جبدت الاكل و رجعت جمعت حداه* خدمت سوندوييتش وحدي *قسماته على زوج* تفضل
شاف فسوندويتش عاود فيها...خمم مدة قصيرة و شده عليها باسكو هي اصلا مكانتش عارفة بلي غادي يتلاقو يعني شاغادي ديرله 
عصام:شكراا
بدات تاكل هيي و هو قعد يشوف فسوندويتش باش يعرف شا فيه
نطقت هي:فييه لحم و صوص و سلاطة هذا مكااان متخافش مشي مس*مم
شاف فيها و طلع سوندوييتش لفمه و كلا:اووول مرة ناكل من يد خارج قائمة المقربين
تبسمت:بصح علاه ؟!!
عصام: تعرضت للتس*مم زوج مرات نظن كافيين باش يخلوك تخافي على روحك
شافت فيه بدهشة:تحكي صحح !!
هز راسه:علاه راني نبان نزعق ؟!
شافت فيه بحزن:سلامة راسك
قعدو كملو ماكلة مبعد وقفت هي:خصنيي نروووح
وقف مام هو ينفض في قشه:اووك نوصلك ؟!
نفات براسها:لاا ندي طاكسي مناا
هز راسه...و هي راحت رفدت صاكها و جات خارجة باش تروح تبدل حتى حبسها صوته
عصام:نزيدو نتلاقو !! بغيت نتعرف عليك اكثر
شافت فيه و تبسمت...راحت بلاما ترد عليه...قعد واقف
عصام:الصمت علامة الرضى اصلا منقبلش لا كجواب
دار يديه فجيوبه و خرج من تم....