دولــوريــس "فـي عـشـقـك سـأفـنـى

إعجاب 13

❌لا أحلل النقل بدون اذن مني❌
➰دولوريس"في عشقكَ سأفنى"➰
📌بقلم:ميلو ✍🏻
🖇الفصل الأول: إعجاب 🖇
#الحلقة_13
ناض الصباح دور راسه شاف الشيرة حداه رجع غمض عينيه...ديما يجوه لحظات الندم بصح لي عنده منصف فحياته هذا شا يصراله...سب روحه غاياا و ناض رمالها الدراهم و لبس قشه و خرج خلاها راقدة...ليوم قرر وحده يروح يشوف وحده ميار...راح لوين تخدم و فطريقه شافها رافدة كاس قهوة و تجري بيه..قعد يميز فلكاس لي رافداته حتى عرف من وين شراته...تبسم على شكلها و هي تجري و الكاس فيدها...خفف السرعة و قعد يراقب فيه حتى وصلت للروضة و دخلت...
تبسم و همس بينه بين روحه:شابة الحبوبة هادي
كمل للخدمة...اما هي دخلت للروضة تلهث...كانت روطار...صابت رولا تستنا فيها عند لباب
رولا:ميار ختييييي ولدك (قصدها لبيبي لي كانت شاداته)من قبيل يتوغ
مردتش عليها دخلت تجري رفداته تسكت فيه و رولا جابتله بيبرون مدتله يشرب...قدما رقد و راحو مع لبز الصغار يديرولهم نشاطاات و يلعبو معاهم
رولا:مديت دعوة لعصاام
ميار:عبالكي بلي لبارح غمزلي
دارت روحها مهبولة:ياااااا قولي والله ياختي عجبه الزين و العين الزرقة
تبسمت ميار:زعما !!
هزت راسها:احيييه بديت نتخيل فيكم عريس و عروسة
عضت ميار شنافتها:تخيلي برك رولا ختييي عبالك بلي هو يساوي عندي العالم و مافيه
تبسمت معاها صحبتها....اعجابها ولا نقولو حبها لعصام كبير بزاف...مجرد ذكر اسمه عينيها يولو قلوب...خبراته بصح دروك حست بندم...خايفة يستغلها....بداو يجو افكار سيئة فراسها محاتهم فيسع
رولا:تستاهلي خير منه عمري
هزت كتافها:زهري معوج و صايي
كملو خدمتهم و خرجو يفطروو و يدودرو...كانو رجال عصام يتبعو فيهم فكل دورة و قنت و يصورو و يبعثثوو...رجع بعثلهم ميساج "اسكوو كان عندها راجل في حياتها من قبل"....و قعد يستنا فالرد...كاش ساعة ولا ساعتيين وصله ميساج "نوو جامي كانت اونكوبل بصح كان عندها معجب فالجامعة"...هز راسه بعدم مبالاة
عصام:اهمم شيي انا لول و الوحيد
شاف فيه منصف:سيغيو شاراك دير من قبييييل !!
ضحك:عندي معجبببة *وراله تيليفون فيسع و دوره* صغييرة شابة قارية عذراء
طلع منصف حاجبه:مالك راك تعشق ول ؟!
نفا براسه:شبييك نستمتعووو بوقتناا جامي خرجت مع حيجابيست
مردش عليه منصف:عندييي لاقارد فليل تهلاا
ودعه و راح و قعد عصام غارق في تصاور ميارر و المعلومات لي يوصلوه عليها....