دولــوريــس "فـي عـشـقـك سـأفـنـى

مدّ و جزر

❌ممنوع النقل بدون اذن مني❌
➰دولوريس"في عشقكَ سأفنى"➰
📌بقلم:ميلو ✍🏻
🖇الفصل الرابع: مدّ و جزر🖇
#الحلقة_99
نهار جديد....
ناضت أمينة متحمسة ليوم تبداا سطااج تاعها...كانت قريب طير بالفرحةةة...وجدت روحهااا و هودت هي لول للطابلة كانت متحمسة بسييف باش قارعت لعصام كلااا و راحو...حطهااا عند لكلينيك تاع منصف و راح هو...دخلت للكلينيك وراوها بيرو منصف باسكو كان موصيهم كي تجي يبعثوها عنده ساو راحت لعنده...طبطبت فلبيرو عنده و دخلت
منصف:تفضضل
حلت لباب و دخلت تبسمت معاه:اهلا دوكتور
بادلها الابتسامة حتى سنيه بانو:اوو أمينة بلحريزي خصارة علييك جيتي بلا ما نديرولك طابي غوج
شافت فيه باستفهام:عفوا !
تبسم على جنب من الجدية تاعها:بوك و خوك حسسوني اني غادي نخدم معايا جوهرة ثمينة
تبسمت...ديما هااك...ممكن متحكمين في حياتها بزاف بصح تحس بالامان و تحس بحبهم خاصة عصام لي ميبينهش بطريقة اخرى...جبدت لورق تاع سطاج من صاكها و حطتهمله
جبدهم عنده يقرا فيهم:امنيني راني محترم بزاف البروفيسيوناليزم تاعك بصح والله معندهم حتى معنى
تبسمت:معليش باش منحسش روحيي عايشة غي بالواسطة و معارف بويا و خوتي
تبسم و سنيا فلورق و رجعهملها:هاهوما اوراقك واجديين و تقدي تبدي من دروك *شاف فتيليفونه* بعد نص ساعة نتلاقو فلبلوك
هزت راسها و ناضت:ميغسي دوكتور و خرجت من عنده
بعد نص ساعة...تلاقوو فلبلووك بعدماا غسل هو يديه و دخل...مدتله باش ينشفهم و مبعد هاديك لي يلبسوها فلبلوك كي يجو يديرو عمليات...زادتله ليقوون و قدمت باش ديرله الكماامة...هود عندها شوية بحكم انه طويل عليها تلاقاو عينيهم
تبسم معاها و همس:ريلاكس متخافيش
بلعت ريقها باسكو صح كانت خايفة جامي لا دخلت لبلوك من قبل
دات نفس عميق:منيش خايفة
هز راسه و دخلوو هيي وياه...المريض في سرير وسط لاشومبغ هاديك و الالات مداورين بيه...دورت راسها شافت ادوات الجراحة من مقوص و قاع...قلبهاا رجفف من المنظر...بصح تشجعت و قدمت بداا هو العمليية بعدما مدتله هي المشرط تاعه...دقيقة زوج ثلاثة و كلما هو يتعمق في خدمته هي تحس النفس ضاقت فيها و قلبها تزير...قعدت تشوف في شواربه يتحركو بصح ماكانت تسمع والوو و اووب سخفت...و كون مشي هو شدهاا كانت طيح فلرض...قعدت بين يديه هاكااك
منصف:خرجووها خرجووهااا
خرجوهاااا من تم و هو كمل العملية تاعه...كي خرج ملبلوك غي قلع صوالحه و سقسا عليها وين راها...راح يشوفها....دخل عندها لاشومبغ...كي شافته حطت يديها على وجهها من الاحراج
منصف:كيراكي تحسي روحك ؟!
مردتش عليه قعدت ساكتة...جر الكرسي مدلها شوكولا و جمع حداها
منصف:نقولك سر ؟!
بعدت يديها شدت عليه شوكولا و شافت فيه...توقعت يطردهاا بصح اصلا مراهش يبان منارفي و زيد جابلها شوكولا
هزت راسها:واه
منصف:اول نهار قلعت فيه د*م يعني تحلييل بسيط سخفت حتى اناا
شافت فيه بتعجب:و دروك راك جراح !!
هز راسه:عادي لمرة لولة تجي صعيبة
أمينة:المشكل انني موالفة نقلع الد*م عادي
ضحك:بصح مشي موالفة تشوفي الاحشا*ء
شافت فيه:مطردنيش ؟!!
نفا براسه:لاا دوك توالفي حاليا منزيدش ندخلك للعمليات لي واعرين حاجة خفيفة برك لمهم اذا راكي مليحة المريضة كي تفيق خصك تكوني حداها
ناضت وقفت ديراكت:رانيي مليحة و ديزولي مرة اخرى
تبسم:متعتذريش على حاجة نتي متتحكميش فيها
أمينة:ميغسي نروح نشوف خدمتي و راحتتت من تم و مزال فيدها ديك شوكولا حست روحها بزززة
اما هو قعد يراقب فيها و كل دقيقة يتفكر كي كانت ديرله ليقويات و لبافات قبيل..تبسم
منصف:والله يا منصف و ضحكتلك الدنياا الاميرة بلحريزي راها تخدم معاك...