❌لا أحلل النقل بدون اذن مني❌
➰دولوريس"في عشقكَ سأفنى"➰
📌بقلم:ميلو ✍🏻
🖇الفصل الأول: إعجاب 🖇
#الحلقة_08
في جهة اخرى...
محضنها و يخمم...حتى حس بيها بوجات باسها من راسها
أمين:صباحو زيني
ردت بصوت ناعس:صباحوو حبيبي مالك مرقدتش قاع !!
سكت شوية و عاود هدر:عصاام معرفتش كي نديرله متهور بزاف موليتش نتوقع تصرفاته و منقدش نسيطر عليهم مفهمتش علاش خرج هااك
باسته من كتفه:ياا أمين عصام تعرفه هو هاكاك و متقدش تبدله جوست خليه باسكو شحال ما تعانده يزيد فهباله خليه و صايي
هز راسه و مردش...ناضت هيي و لمت شعرها
لامية:نروح نوجدله ماكلته
أمين:انا راجلك و متتهلايش فيا كيفه
ضحكت:تعرف ميبغيش ياكل من يدين الخدامات
قلب عينيه:طبايعه الخاسرين
مردتش عليه و ناضت غسلت وجهها و بدلت و هودت للكوزينة توجدله ماكلته...
نروح عند عصام ناض غسل وجهه..بدل قشه...شرب كاس ماا و هود لاصال تاع السبور...دخل صابت خوته مدابزيين و يرشو فلما على بعضاهم...قعد واقف يشوف فيهم باستغراب وهوما مكملين باسكو منتبهولهش من الموسيقى لي كانو دايرينه و زيد مدابزين...قدم للباف طفاه...دارو شافو فيه بزوج
عصام:صباح الخيرر
و راح ديراكت لطابي رولون باسبور تاعه اماا هومااا راحو كملو سبور تاعهم بصمت خافو حتى يردو عليه يعني مدامه مقالهم والو احسن شي يديروه هو الصمت...
بعدما كمل السبور تاعه طلع لبيته دوش...لبس قشه...عدل شعره...دار ساعته و زاد رش شوية بارفان...رفد تيليفونه و مفتاح لوطوته و هود صابهم مجمعين فالطابلة
عصام:صباح الخير
ردوو عليه قااع و بداو ياكلو...حتى نطقت أمينة
أمينة:بابا نقد نخرج نتعشا مع صحبتي
رد عصام قبل بوه:مكانش خرجات فليل
شاف فيه بوه:عفوا !! مراهاش تهدر معااك
عصام:و انا راني نقووول مكانش خرجات فليل
خبط الطابلة بيده حتى نتفضو قاع ماعادا عصام:مشي كيما تبغيي نتا راك تسمع انا نحكم في بنتيي و تخررج مع صحاباتها بغيت تبغي ولا تكره
نطقت أمينة بخوف:معليش بابا منروحش لمهم متدابزوش
حمر فيها:بلعييه مشي كيما يبغي هوو
زير عصام على يده...مسح فمه و ناض
عصام:بصحتكم
لامية:عصام يسجيلي ولدي كمل ماكلتك
مردش عليها قاع خرج ديراكت...شافت فراجلها بعتاب
لامية:علااش هاك أمين دوك يقعد بلا ماكلة تعرفه مياكلش برا
أمين:ميهمنيييش مكانش لي ضر*به على يده و قاله نوض
فوت جلال يده على لحيته:انا تاني نروح
لامية:وينن نتا تانيي مزال ما كملت ماكلتك
قدم باسها من جبهتها:عصام يحتاجني عندنا خدمة
شاف فيه بوه:قوله بلاك يفوت اجتماع المجلس مور الفطور
شاف فيه جلال:صحا بويااا
و خرج مور خوه...و حتى أمينة ناضت
لامية:علاه أمين علاه ديما هاك متناقرين
أمين:معرفتش نربييه
سكتت مبغاتش تزيد معاه فالهدرة كملت تاكل فصمت....
YOU ARE READING
دولــوريــس "فـي عـشـقـك سـأفـنـى
Romance☄ دولــوريــس "فـي عـشـقـك سـأفـنـى☄ بـقـلـمـ:مـيـلـو ✍🏻 .............................. تـمـهـيـد: أبى الفؤاذ الانصياع لغيرك فما ذنبي أنا إن لم أتحكم بفؤاذي... وقع بهواگ من مجرد صورةٍ.... فماذا سيحل به إن قُدِّر لك لقاءي... ماكنت يوماً أظن العشق...
