دولــوريــس "فـي عـشـقـك سـأفـنـى

سقوط من القمة

❌لا أحلل النقل بدون اذن مني❌
➰دولوريس"في عشقكَ سأفنى"➰
📌بقلم:ميلو ✍🏻
🖇الفصل الثالث: سقوط من القمة 🖇
#الحلقة_52
ركبو فلاسونسوغ...ببقات تشوف فيه و للامانة خافت كاشما يديرلهااا...دار شاف فيها شوية
عصام:مالكي خايفة ؟! مراناش رايحين لشومبغ ميار
وجهها حماار للمرة الف هاد النهار من الجرأة تاعه:مالا وين
تبسم بخبث و قدم عندها:اذا بغيتي نروحو معنديش مشكل
شافت فيه بجدية:عصام !
بعد عليها:متخافيش طالعين للتيراااس
تنفست براحة كي قالها هاكاك...اما هو كان غي يشوف فيها و يميز
عصام:مقلتيليش جبت قياسك نيشان
شافت فيه:الهيي شحاال جريء
ضحك:هايا على الاقل عرفتي حاجة عليا دولوريس
ميار:شكون ليلي ؟!
عصام:مكانش كيفاش نعرفهالك ميار اكثر حاجة خصك تعرفيها انها من دائرة المقربين ليا
طلعت حاجبها:قصدك عشيقتك ؟!
ضحك:لا لاا خاطي ليلي صغييرة علاقتي بيها بعيدة كل البعد على العشق
ميار:اهييه بغيت نعرف هاد العلاقة
عصام:ياا ميااار ديري هدنة ليووم خليه جوست لينا انا وياك
تبسمت...نحل لاسونسوور...شدلها يدها و خرجو و زادو خرجو من باب و كانو فلاتيراس فالطابق التاليي قااع...كي دخلو ضر*بها هوا بارد حتى رعشت...لبسلها لفاست تاعه...تمشاو شوية و كان موجد طابلة عشا و شوية شموع و كذا راكو تعرفو
ميار:وياااا ديجا راني جيعانة
راحت للطابلة تشووف وهو ضحك عليها اول مرة تتصرف بعفوية كبيرة حداه
عصام:واه قالولي مكليتيش
دارت شافت فيه:بصح نتا تاكل معايا ؟!
هز راسه:واه ناكل معاك دولوريس *جبدلها الكرسي* تفضلي
جمعت بداو ياكلو
ميار:الجمعية عصام
حط من يده و هدر بجدية:عندك نهار ميار الصباح جمعية و العشية بالي فوق هاد الشي بزاف عليا
شافت فيه:علااه ؟!
عصام:بكل بساطة مراكيش محتاجة خدمة ميار منيش متفتح لدرجة نتقبل مرتي تخدم مع الرجال ولا تختلط معاهم
شافت فيه و قعدت تخمم في هدرته يعني عنده الحق مراهاش محتاجة باش تروح تخدم و تختلط مع رجاال
ميار:اووك بصح النهار هاداك مدورش عليا لاي سبب من الاسباب
عصام:سيوالا م*تت
ميار:سلامة قلببك عصامي
تبسم كي قاتله عصامي:ولا يعجبني اسمي فجأة
ميار:اسمك شباااب و معناه شباااب
كملوو يحكو حتى ناض و مدلها يده:هايا معايااا نوريك حاجة
مدتله يدها و ناضت معاه تمشاو حتى وصلو للحافة و المدينة قاع كانت تبااان من تم..منظر جميل جدا...بقات تشوف باعجااب...دور يده على خصرها و جرها عنده يهدر بهمس
عصام:نمدلك العالم مقابل قلبك لي مديتيهلي دولوريس
كلشي فيها فيبرااا كي قال جملته...مشاعر اجتاحو قلبهاا قريب يسك*توووه....قلبهاا يدق بسرعة و فراشات يلعبووو في كرشها...فرحة كبييرة تملكتهاا...معرفتش حتى ترد عليه...باسها من خدهااا
عصام:ماين ديامنت
ميار:معرفتش نعببر
شاف فعينيها:معلييش انا نفهم من عينيك ماكيش مضطرة تهدري
تبسمت و حطت راسها على كتفه:حاسة روحي في حلم
تبسم و مردش عليها...قعدو يشوفوو المنظرر و ساكتييين مبعدد وصلهاا لدارهم و راح مام هو للدار...