دولــوريــس "فـي عـشـقـك سـأفـنـى

لقاء 8

❌لا أحلل النقل بدون اذن مني❌
➰دولوريس"في عشقكَ سأفنى"➰
📌بقلم:ميلو ✍🏻
🖇الفصل الثاني: لقاء 🖇
#الحلقة_22
فاتو يومين...عصام حسه قاطع مازاد بعث لميار ما زاد جا لعندها ما حوس عليها...و هيي نفسيتها تأزمت حست بتأنيب الضمير لي خر*جت معاه و حست روحها رخيسة....صبحت على الصباح راحت ديراكت لمدرسة الرقص ماخدمت ما والو...قعدت تماا تعاون المدربة تاع الاطفال الصغاار فوتت النهار قاع لتم حتى خرجو قاع و قعدت غي هيي فهاديك المدرسة...ردت الحجووب كامل و شعلت ضو خفييف و دارت غنية و بدات ترقص
في جهة أخرى...
كالعادة كان يستنا يوصلها تقريير عليهاا يشوفها...مكانش لاهي باش يهدر نعاها بصح مزاله دايرلها رجال يعسوها...قعد يميز فلافوطوو و يشوف مدرسة رقص بالي
عقد حواجبه:مدرسة رقص بالي !! وااو
سقسا اذا خرجت من تم ولا مزالها كي قالوله مزالها ناض من بلاصته رفد صوالحه و خرج ديراكسيوون للمدرسة هاديك...قارا لوطوه و نزل ...دخل الحالة كانت خاوية جوست صوت موسيقى نوعا ما بعيد...قعد يتمشا ناحية الصوت حتى وصل لاصال هاديك و كي دخل قابلاته ترقص و مندمجة قاع شاكاين...قعد واقف يشووف مبهوور من الاداء تاعها اخر حاجة توقعها انها تكون راقصة بالي...حركاتهاا داوله عقله...تفاصيل لاغوب لي كانت لابستها و خيمارها لي متقلعهش ابداا...قعد يتخيل زعما شعرها يكون كحلل ؟؟ ولاا كلاغ ؟!! حساب لون بشرتها و عينيها شعرها محال يكون نواغ يعنيي...جمع يديه و قعد واقف يشوف فيها حتى كملت...كي كملت بدا يصفق عليهااا
عصام:براافو
كيي سمعت صوته نصع*قت دارت تجري تشوف فيه...عينيها قريب خر*جو من الجمجمة تاعهااا و هي تشوف فيه واقف قدامها...يعني شافها و هي ترقص....حست باحراج رهيب...تبسم و قدم عندها بخطوات واثقة و ابتسامة صغيرة معتلية وجهه
عصام:you are a ballerina (انت راقصة بالي)
كحزت شوية رول دير مسافة بيناتهم... و هزت راسها بلاما ترد
تبسم و غمزلها: so you are flexible(شغلل تتمطي شفتو لي يرقصو البالي جسمهم بجي سلسل و يتمطط)
شافت فيه بعدم فهم:همممم !!
بدل الموضوع:اخر حاجة كنت نتوقعها انو تكوني باليرينا
ميار:صافا ؟! راك مليح موسيو عصام ؟! كاشما تحتاج هنا ؟!
شاف في عينيها:نحتاجك نتي ولاا نتي مشي سبب كافي باش نجي لهنا
اوووه غادي يحبسلها عقلهااااا هاد البنااادم...شبيه يهدر بجمل غير مفهومة و غريبة...شوية حتى شافت واحد جابله صاشي كبيرة شوية مدهاله و راح...حلها هو و جبد منها القهوة و دونات لي كانو تم
عصام:قتلك.نعوضك.على القهوة هاني جيت ؟! كاين وين نجمعو ؟!
جمعت في فلرض و تبسمت و دارتله بيدها باش يجمع...شاف فيها باستغراب تحوسه يجمع فلرض ؟!!!!!