دولــوريــس "فـي عـشـقـك سـأفـنـى

مدّ و جزر

❌ممنوع النقل بدون اذن مني❌
➰دولوريس"في عشقكَ سأفنى"➰
📌بقلم:ميلو ✍🏻
🖇الفصل الرابع: مدّ و جزر🖇
#الحلقة_116
دخلت خته الصباح عندها للبيت..كانت عاد راقدة باسكو فريموون عياهااا فليل..عيطت باسمها مرتيين..حلت عينيها و شافت فيهاا
ميار:علاااه أمينة يعنيي راح خوك جيتي نتي
كملت تهدر:اسمعي ماما من قبيل تعيط لعصام و ميردش خرج الصباح بكريي بلاما يفطر و ماما قريب تهبل مقالكش وين راح ؟!
نفاات براسهاا:لا مقالييش صبري نعيطله
جبدت تيليفونها لعندها و عيطتله..ريبوندا عليها تم تم
عصام:صباح الخير الفرماج تاعي انا قلت مزال ما تنوضي
عضت شواربها و تبسمت مبعد تفكرت بلي راها معاها حماتها..حمحمت:وينك خرجت بكريي و ماماا تقلقت عليك
عصام:ماا تقلقت علياا و نتي متقلقتيش ؟!
ميار:هاياا عصااام متردليش السؤال بسؤال وينك حبيبي
تبسم و جاوبها:خدمة عمريي و مغاديش نجيي بكري قوليلها متتقلقش
ميار:اوك انا نسناااك
عصام:ااي ربيي نسمح في كلشي و نجيي
ضحكت:روح تخدم رووح و كوباتله في وجهه
غي طلعت عينيها شافت أمينة تشوف فيها بطريقة غريبة..قعدت شوية و نطقت
أمينة:ويااا داك النهار برك و نتي تنذبيي و ميبغيينيش و مشي دايها فياا
طلعت كتافها:و معلاباليش وينتا نرجع لهاديك الحالة ممكن عشية ممكن غدوة بصح اهم شي نعيش اللحظة شفتينيي شحال نشف نستنااا منه غي نهار شباب و نقنع بيه بصح وعدني ميعاودهاش
قدمت جمعت حداهاا و شافت فيها:شوفي عصام خويا هو هاك انا جامي ضحك معاياا ولا كان قريب لييا و حتى ماما و خويا مراات صح نحس بلي يكرهناا بصح هذا هو عصام
تبسمت ميار:هايااا نوضيي جلالة الملك ليوم سمحليي نهود معاااكم
غمزتلها:باسكو جلال مراهش و مراهش يجي بزاف عليها
ميار:مفهمتش علاش يغير عليا من خوه
طلعت كتافهااا:هذااا هوو عصااام
ضحكت ميار..ناضت أمينة خرجت و هي ناضت دوشت..لبست قشها و هودت عندهم ليوم كان بالنسبة ليها عيد..باسكو موالف كي يكون خوه ميخليهاش تهود لتحت ابدا ابدا حتى يجي هو وقت الاكل...