دولــوريــس "فـي عـشـقـك سـأفـنـى

سقوط من القمة

❌لا أحلل النقل بدون اذن مني❌
➰دولوريس"في عشقكَ سأفنى"➰
📌بقلم:ميلو ✍🏻
🖇الفصل الثالث: سقوط من القمة 🖇
#الحلقة_84
فاتت سيمانة عصام كان من سيء الى اسوء الليل يديه و يجيبه و مرات ميجيش قاع...و اذا جااا هي تلعبها راقدة و هو ميهدرش معاها يكتفي بانه يقلعلها الغطا و يعنقها و يرقد...حرف مولاش يهدرها معاها و حتى هي مهدرتش عليه بعد كل شيء مراهاش زيادة على عمرها...هو جرا موراها تزوجهاا مالا مبغاش يهدر معاها هاداك الشي شغله...بصح فريمون كانت تتعذب و هي تشوف فيه هاكاك بعيد عليها و ميهدرش معاها و ميسقسيش عليها...كان يبدل و هي وقفت تشوف فيه
هدر بلاما يشوف فيها:كاش ما تحتاجي ؟!
ضحكت بسخرية:بغيت نعرف اذا مزالك متفكرني *شافت فيه و هدرت بجدية* انا شكون بالنسبة ليك
حط الشوميز هاديك من يدها و قدم عندها...شدلها وجهها بين يديه و شاف فعينيها و هدر
عصام:مياار هذا هو انااا بداي توالفيي و نوضي من عالم الاحلام
بقات تشوف فعينيه...مكانش المشاعر لي كانت تشوفهم...مكانش هذاك الشوق...مشي هذا عصام لي قبلت تتزوجه مشي هذا عصام لي تبغيه...
كمل يهدر:هذاا هو عصام مياار هذا هو اناا قتلك ملول متعرفينيش تعرفي غي اسمي نتي خيرتي الالم دولوريس
حطت يدها على فمها مشي مامنة شاراها تسمع...هزت راسها بعدم تصدييق
ميار:علاه تزوجتني ؟!!!
رش من لبارفان تاعه...و راح يتمشا كي جا عند لباب دار شاف فيها
عصام:بغيتي تهودي لتحت هودي
خرج و بلع لباب موراه....بقات تشوف فلباب مدة زمنية...مبعد حطت يدها على راسها
ميار:الصبببر ياا ربي يااربي اصلح احواله
.....
كان عندهم اجتماع مجلس ادارة مجموعة بلحريزي....كان هو اخر واحد وصل...اعتذر منهم و شد بلاصته...هدرو على احوال الشركات و كلشييي و فالتالي قاع نطق بوه
أمين:بوه انا ليوم درت الاجتماع هذا لسبب اهم و لي هوو *شاف في عصام* انا كبرت و منيش نقد للخدمة بزاف قررت انني نسلم رئاسة المجلس لعصام
شاف فيه عصام بصدمة...شاراه يهدر و علاه فجأة قرر يسلمه رئاسة مجلس ادارة المجموعة كاملة...بعد تصويت طبعا كان معظمة نعم لعصام تنصب عصام كرئيس مجلس لمجموعة بلحريزي....خرجوو قاع اما هو قعد بأمر من بوه...دي خوات القاعة هاديك...جبد ورقة مالملف تاعه و حطها حدا عصام لي قعد يشوف فيها
أمين:تقسيم الرتب الجديد تاع مجلس المافيا مراكش قاضيي مليوم
شاف فيه عصام يقارعله يكمل
أمين:قلعت الرتبة هاديك و رقيتك مستشار ليا
تبسم عصام:اهييه و شكون قرر هادو القرارات ؟! وعلاه قلعت الرتبة ؟!
شاف فيه أمين...يعني هو قلعها على جاله...باش ميقعدش هو فالواجهة و المستهدف الوحيد و عدو الجميع خاصة بتسرعه و تهوره...
أمين:انا قررت
طلع حاجبه:بصح كي نولي انا المستشار متولي تقرر حتى حاجة بلا بيا يعني قدها جينيرال ؟!
غمض عينيه يعنييي دروك غادي هو ينغبن معاااه و مع هباله بصح معلييش اهم شيء ميقعدش فالواجهة
أمين:عصااام انا ربيتك
تبسم معاه:و جامي ننكر جينيرال ولوو
أمين:مشااات مالا
تبسم معاه:نحتاااج حفلة على شرفي
غمزله:غالي و الطلب رخييص بصح قبل عندنا اجتماع مجلس وحداخوور
هز عصام رراسه و راحو كيما كاان الحااال...دارو الاجتمااااع و دارو التقسيييم الجديييد لي كان صادم للبعض يعني عصام يولي المستشار درووك و اهلا بابواب الجحيم لي غادي تنحل عليهم....بصح معندهم ما يديرو باسكو اغلبهم ترقاو و التقسيم كان احسن من قبل....كملو الاجتماااع و خرجووو
أمين:وجد روحك غدوة الحفلة
هز راسه و راح......
.
.
.
نهاااااية الفصل الثااااالث