دولــوريــس "فـي عـشـقـك سـأفـنـى

سقوط من القمة

❌لا أحلل النقل بدون اذن مني❌
➰دولوريس"في عشقكَ سأفنى"➰
📌بقلم:ميلو ✍🏻
🖇الفصل الثالث: سقوط من القمة 🖇
#الحلقة_53
يوم جديد....
ناضت الصبااح...شافت فرولا لي كانت فنوم عميق حداهاا غطاتها و ناضت تشوف فليكادو لي كانو ديجا حلوهم رشاا و رولا و خلاوهم محطوطين بطريقة عشوائية...يدات تخرب فيهم و تشوف حتى صابن براصلي شبااب...تبسمت و دارته فيدها و قعدت تشوف فييه هو اجمل كادو كان تم...دخلت دوووشت مبعد خرجت...رفدت تيليفونها و بعثتله ميساج
"صباح الخير عصامي"
رد عليها تمتم"صبحتي مبكرة ياه رقدتي غايا ؟!"
قرات ميساجه و ردت"غايااا بزااف و نتا"
تبسم و رد"غايااااا لمهم راها عندي خدمة نعيطلك مبعد"
قرات لميساج بصح مردتش...امااا هو كمل يخلط فتيليفونه كان يقارع فيهم يجوو باش يبدو الاجتماع باسكو هو و بوه جاو بكري....
شاف فيه مليح و هدر:عصام
عصام وهو عينيه فتيليفونه:واه
أمين:شووفف فيا
حط تيليفونه و شاف فيه:شاكاين ؟!
أمين:ياك علابالك بلي الزواج مسؤولية ؟! مشي ليلة فايتة و مشي غي فراش غادي تولي مرتك و تحت مسؤوليتك في كلشي عصام راك فاهمني
قعد يشوف فيه مبعد هدر:كاش نهار مديتلي كاش مسؤولية و متحملتهاش ملي كان عندي خمس سنين ؟؟
تنهد:نقعدو ديما نجبدو فهذا سوجي عصام ؟!
عصام:سمحلي بصح انا هذا سوجي نبنات عليه حياتي مين ولدك كان عايش فالعززز انا كنت عايش فجحي**م التدريبات تاوعك جينيرال دروك مدابيك مديرليش مواعظ على العائلة و المسؤولية مرتي نعرف كيفاش نتحمل مسؤوليتها فالفراش و فكلشي
عض شنايفه يكالمي فروحه ميحشمش و ميعرفش الحشومة شاهي
أمين:اووك دبر راسك
قلب عصام عينيه و مردش عليه...بداو يجوو قاع اعضاء المجلس هاداك و ليبوص تاع قاع المناطق قاع أمين مترأس الطابلة هاديك و عصام على يمينه مدة قصيرة قاع كانو تم
بدا أمين يهدر:جيتكم ليوم باش نقولكم راه عندنا شراكة رسمية برا البلاد خدمتنا غادي تتوسع يعني سلعة تدخل و تخرج يعني خص تولو اكثر حذر اكثر دقة فالخدمة منقدش نعس كلشي اناا
قلب عصام عينيه بملل و شاف فبوه
عصام:سيغيو هادي تاني خصك تقولهالهم*شاف فيهم* لي يغلط يتحمل مسؤوليته و واحد يدي الجمااعة و نتوما عبالكم مشي تكونو اكثر دقة مكانش مجال للخطأ
أمين:راه قالها عصام واحد يجر الجماعة
زاد نطق عصام:قوانيني تتوسع مع الخدمة على فكرة
قاع بداو يتافافو حتى ضر*ب الطابلة بييده
عصام:منييش نديي رايكم راني نخببببر و لي عنده اعتراض يواجهنيي باسوء ما عنده
شاف فيه بوه و عض لسانه يكالمي روحه جماحة و جرأته معندهمش حدوووود رجع ميخااافش مالغري و*صل للموت شحال من خطرة و كل مرة يرجع اقوى و اجمح من قبل و بكل صراحة يستاهل بلاصة البوص بدون منازع بصح ولا يخاف عليه بزاف فريمون مستحيل تسيطر عليه ولا تتوقع حركاته
كمل هدر ههو:لمهم جماعة هذا على واش كان اجتماعنااا
ناض عصام و خرج و لحقه بوه...قعدو هادوك بلواحد يخرج حتى بقاو زوج برك شافو في بعضاهم
.....:الغراب خصه يمو**ت
رد عليه صاحبه:فاقربب وقت كريستيان فاقرب وقت منيش عارف شاراه حاسب روحه
كريستيان:خلييه دوك انا نربيييه....