တစ်နာရီတစ်သိန်း အစားထိုးချစ်သူ

အခန်း၁၉၄

စုန့်ရှီးယွီက နှစ်ဖက်စလုံးက အတူတူလောက် ဆိုးရွားသည်ဟု ထင်သော်လည်း အိမ်ထောင်ပြုခိုင်းသည့် ဖိအားကိုမခံစားရမည့် နေရာသို့ သွားရန် ဆုံးဖြတ်ခဲ့ပါတယ်။ သူသည် သက်တူရွယ်တူများကြားတွင် အနည်းငယ်လွှမ်းမိုးနိုင်တာကြောင့် သူတို့ဆီမှ ဖိအားများစွာကို ကြုံတွေ့ရမည်မဟုတ်ပေ။

ဒါကြောင့် သူ့ဝမ်းကွဲတွေက လူကြီးတွေရဲ့ အနားမှ သူ့ကိုဆွဲခေါ်သွားကြသည်။ စားပွဲအနည်းငယ်လောက်ကွာဝေးလာချိန် သူတို့ထဲမှ တစ်ယောက်က တိုးတိုးလေး "စုန့်ရှီးယွီက တကယ်​​ကြီးမူးနေတာလား။ ငါသူ့ကို စချင်သေးတယ်..."

စုန့်ရှီးယွီသည် ထိုလူ၏ပခုံးပေါ်မှ လက်ကို ပြန်ရုတ်လိုက်ပြီး ကျက်သရေရှိသော အပြုံးတစ်ခုကို ထုတ်ပြလိုက်သည်။

ဝမ်းကွဲများသည် တစ်ယောက်ကို တစ်ယောက် ကြည့်ပြီးနောက် ရယ်ကြတော့သည်။ အရက်၏လွှမ်းမိုးမှုအောက်တွင်ရှိနေသော သူတို့သည် သက်တူရွယ်တူများစုဝေးနေသော စားပွဲသို့ စုန့်ရှီးယွီကို ရဲဝံ့စွာတွန်းပို့လိုက်ကြသည်။

ဒီလူအုပ်သည် စိတ်ထဲတွင် ပျင်းရိ​နေသော်လည်း မိဘများ၏ ခွင့်ပြုချက်မရှိတာကြောင့် မင်္ဂလာပွဲမှ မထွက်ခွာနိုင်ဖြစ်နေသော သူများအုပ်စုဖြစ်သည်။ ထို့ကြောင့် သူတို့သည် 'Truth and Dare' ဂိမ်းဖြင့် ပျော်ရန် ဆုံးဖြတ်ခဲ့ကြသည်။

အနည်းငယ်မူးနေသော စုန့်ရှီးယွီသည် ထိုင်ခုံတစ်ခုထဲသို့ တွန်းပို့ခံလိုက်ရသည်။

တစ်ယောက်က "ငါ စုန့်ရှီးယွီကို ခေါ်လာခဲ့ပြီ။ ပွဲသစ်စကြရအောင်!"

စုန့်ရှီးယွီ : "..."

သူ့ဘေးနားမှ လူတစ်ယောက်က စည်းကမ်းချက်တွေကို အမြန်ရှင်းပြသည် "ပြာခွက်ထဲမှာ အန်စာတုံးအခု​လေးဆယ်ရှိတယ်။ အန်စာတုံးတစ်ခုကို အရင်ရွေးပြီး ပြာခွက်ကိုခေါက်လိုက်။ ဖွင့်လိုက်လို့ အံစာဆုံးတွေထဲ မင်းရွေးလိုက်တဲ့နံပါတ် ပါလာရင် ပါလာတဲ့အန်စာတွေအကုန်လုံးထုတ်ပြီး ပါမလာခဲ့ရင် 'Truth or Dare' ရွေးရမှာ။"

စည်းမျဥ်းများကို မြန်မြန်ဆန်ဆန် ပြောပြပြီးနောက်၊ ထိုကောင်လေးသည် ညစ်ကာ စုန့်ရှီးယွီဘေးရှိလူကို ပြာခွက်ကိုပေးလိုက်သည်။