ထိုသို့သော အတွေးဖြင့် ဘိုင်ကျိုးသည် သူ့အခန်းထဲမှ ထွက်လာပြီးနောက် လေထဲတွင် ချိုမြိန်သော အနံ့ဖျော့ဖျော့ကို ရလိုက်သည်။
... ကိတ်မုန့်?
သူသည် လှေကားမှဆင်းကာ မီးဖိုချောင်ထဲသို့ ဝင်သွားသည်။
ကျီဖန်ယင်းသည် မီးဖိုချောင်တွင် ကိတ်မုန့်အတွက် ပြင်ဆင်ရင်း အလုပ်ရှုပ်နေ၏။ သူမ၏ လှုပ်ရှားမှုများသည် သူမ၏အချက်အပြုတ်ကျွမ်းကျင်မှုကို အပြည့်အဝပြသနေသည်။
ကျီရှင်းရှင်းသာဆိုလျှင် ဘိုင်ကျိုးသည် ကောင်တာဘေးတွင် ထိုင်ပြီး သူမကို တစ်နေကုန် ထိုင်ကြည့်နေနိုင်သည်။
စောစောက အဖြစ်အပျက်သည် သူ့ကို အန္တရာယ်ရှိတဲ့ ချောက်ကြီးဆီမှ ခြေတစ်လှမ်းဆုတ်အောင်လုပ်ပေးလိုက်ပြီး သူနှင့် ဂရိသို့ ပါလာခဲ့သောလူမှာ ကျီဖန်ယင်းဟု အသိပြန်ဝင်လာခဲ့ပါသည်။
ကျီဖန်ယင်းက ဘာလို့ ကျီဖန်ယင်းနဲ့ အရမ်းတူနေရတာလဲ။ ပြီးတော့ သူက ဘာကိစ္စနဲ့ ဒီလောက်တောင် သရုပ်ဆောင်ကောင်းနေရတာလဲ။ ဒီလိုလုပ်နေမယ့်အစား အော်စကာဆုအတွက် ဝင်ပြိုင်လိုက်ပါတော့လား။
"ဘာဖြစ်လို့လဲ။" ကျီဖန်ယင်းက သူ့ခြေသံကိုကြားပြီး နောက်လှည့်ကြည့်လိုက်သည်။
ဘိုင်ကျိုးက သူမကို အေးစက်နေသောမျက်နှာဖြင့် ကြည့်ကာ ရယ်မောလိုက်ပြီး "ကျီဖန်ယင်း၊ မင်းအတွက်လည်း ငါလက်ဆောင်ပြင်ပေးထားမယ်လို့ ထင်မနေနဲ့။ ငါအတုအယောင်အတွက် နှိမ့်ချပြီး လက်ဆောင်ပြင်ပေးမှာမဟုတ်ဘူး။"
"လက်ဆောင်မပါလဲဘာမှမဖြစ်ပါဘူး။" ကျီဖန်ယင်းက ရွှင်လန်းစွာ ပြန်ပြောသည်။ "မင်းနဲ့အတူ ဂရိနိုင်ငံကို လာတာ လက်ဆောင်လေးတစ်ခုတောင်းဖို့မဟုတ်ဘူးလေ။ ဟုတ်ပါပြီ~ မမ အခု ကိတ်မုန့်လုပ်နေတာ။ ဘာအရသာစားချင်လဲ။ Cocoမှုန့်နည်းနည်းလောက် ထည့်လိုက်ရမလား"
သူမ ဘိုင်ကျိုး၏လက်ဆောင်ကို စိတ်တောင်မ၀င်စားဘူးဆိုတာကို ထုတ်မပြောခဲ့ပေ။ သူမအတွက် တကယ် လက်ဆောင်တစ်ခု ပြင်ထားခဲ့မှသာ သူ့ဦးနှောက်ပျက်သွားတာလားဟု တွေးမိမှာဖြစ်သည်။
YOU ARE READING
တစ်နာရီတစ်သိန်း အစားထိုးချစ်သူ
General FictionTitle - 100000/ Hour Professional Stand-in {职业替身，时薪十万} Author - 渊爻 THIS IS NOT MY WORK JUST TRANSLATION CREDIT TO ALL AUTHOR AND TRANSLATOR(s)
