It Was Never A Competition (Altarieno Series#1)

Chapter 16

Chapter 16

Everyone was in total chaos nang dumating ako sa aming classroom kinabukasan. Ang karamihan sa kanila ay paikot-ikot while holding their phones at ang ilan naman ay nag-uusap nang sobrang lakas.

Hanggang sa maupo ako sa seat ko ay walang nakapansin sa akin. They're too busy talking about something. I can't help but to get curious.

"Ter!" Pagtawag ko sa isa kong kaklase. Malapit lang ang seat niya sa gawi ko at siya lang ang walang kausap. I went on him.

"Anong nangyayari?" Tanong ko agad sa kaniya.

Nagkibit-balikat siya. "Issue."

"Nino?" Napalunok ako. Did it spread... already?

"Ni Renzo raw, saka ni... Ma'am Zenny."

Bahagyang nanlaki ang mata ko. I haven't checked the post and I don't want to. Nag-boom na siguro ang mga reactions at comments doon!

"A-Ano raw ang mayroon?"

Suminghap siya. "Pumupunta raw si Renzo sa bahay ni Ma'am. They have a personal relationship..."

"Luh, nakiki-chismis si Pres!" Ani Lucas na nasa harap namin.

Napakamot ako ng ulo. "Just got curious..."

"Siguro, hindi mo pa nakikita 'yung post, 'no?"

I was the one who created that, gusto kong isagot.

Ngumiti na lang ako at umiling. "Post?"

"Ah, teka. Sandali lang..." Hinablot niya ang phone ng katabi niyang si Pat. Iniharap niya ito sa akin. "Iyan..."

Sinulyapan ko iyon. Of course, that's still my post. Wala namang nagbago. 'Yung number of reactions, comments, and shares lang.

Wow. I never thought na mabilis itong kakalat! I mean-ito ang gusto kong mangyari, pero... kagabi ko lang iyon pinost!

"May nag-share doon sa official wall ng Shamxia..." Paliwanag ni Lucas at binalik ang phone kay Pat. "Usap-usapan na si Renzo sa university."

"Grabe naman kasi..." Si Pat. "How can he do that? Akala ko pa naman ay matalino talaga siya!"

"Balita pa nga raw... pumupunta siya roon tuwing uwian. Nagse-sex daw sila!"

"Yikes!"

Napakurap ako.

Saan naman nila nakuha ang impormasyong iyon? I did not said that on the caption!

"Ah, hahaha..." Awkward akong tumawa. "Don't you think... this is fake, guys?"

"I don't think so." Sabat ni Matthew na bigla na lang sumulpot sa tabi ko out of nowhere. "Um-absent si Ma'am Zenny, Pres!"

"Si Renzo rin, umalis. Pumasok na iyon kanina, eh!"

"Maybe they are trying to create an alibi. Gumagawa na ng script!"

Napatango si Ter. "Yeah... I'm convinced. Masiyado silang obvious."

I bit my lower lip.

Bakit naman um-absent si Ma'am Zenny? She shouldn't be affected! She could've cleared her name in an instant!

O baka naman... may relasyon nga talaga sila ni Renzo?

No... I don't think so!

"Guys, nandiyan na si Sir!"

Napatayo ako nang marinig iyon.

"Ayusin niyo na 'yang upuan! Mamaya na ang chismis!"

"Hoy, dali na!"