လီရှောက်ရှင်းက "မင်းမနေ့က ကိုယ်ကို မဆုံးရှုံးစေချင်ဘူးလို့ ပြောခဲ့တယ်။ ကိုယ်က မင်းရဲ့ အချစ်ဆုံးသူငယ်ချင်းပဲဆို။"
"ဟုတ်တယ်လေ။ ဘာဖြစ်လို့လဲ။" ကျီရှင်းရှင်းက သူမနှလုံးခုန်မြန်လာသည်ကို ခံစားလိုက်ရသည်။
နောက်ထပ်ပြောလာမယ့်အချက်က...
"ကိုယ်သူငယ်ချင်းကို မလိုဘူး၊ ရှင်းရှင်း။ မင်းကိုယ်နဲ့သူငယ်ချင်းပဲ ဆက်လုပ်ချင်တယ်ဆိုရင် ကိုယ်တို့ အမြဲအဆက်အသွယ်လုပ်နေဖို့မလိုဘူးလို့ ထင်တယ်။"
ကျီရှင်းရှင်း၏ ခြေလှမ်းများ ရပ်တန့်သွားပြီး မျက်လွှာချကာ လီရှောက်ရှင်းကိုကြည့်လိုက်သည်။
"ရှင်းရှင်း၊ မင်းရွေးပါ" လီရှောက်ရှင်းသည် သူ့မျက်လုံးများကို ရှေ့တည့်တည့် စိုက်ကြည့်သည်။ "ချစ်သူလား၊ သူစိမ်းလား။"
"ငါ..." ကျီရှင်းရှင်းသည် နှုတ်ခမ်းကိုကိုက်ကာ ဒီပြဿနာအတွက် အကောင်းဆုံးဖြေရှင်းနည်းကို ရှာဖွေရန် သူမ၏ဦးနှောက်ကို အလျင်အမြန် လှုပ်ရှားလိုက်သည်။
ဒါဟာ လီရှောက်ရှင်းရဲ့ ရာဇသံဆိုတာ သူမပြောနိုင်ပါသည်။ သူမ သူ့ကို အခု ငြင်းပယ်လိုက်မယ်ဆိုရင် သူ့ကို သေချာပေါက် ဆုံးရှုံးသွားနိုင်ချေရှိနေသည်။
ဒါပေမယ့် သူမ သူ့ကို လက်ခံလိုက်ရင်လည်း နောက်ဆက်တွဲ ပြဿနာတွေ ဆက်တက်လာလိမ့်မယ်...
"... ငါစဉ်းစားဖို့ အချိန်နည်းနည်းလိုတယ်။" ကျီရှင်းရှင်း လျှာကိုကိုက်ကာ တည်ငြိမ်နေအောင် ထိန်းလိုက်သည်။ သူမသည် လီရှောက်ရှင်းကို စိတ်ပူပန်နေသည့်အမူအရာဖြင့်ကြည့်ကာ "ရုတ်တရက် ချစ်သူတွေဖြစ်လာဆိုတာ ကိစ္စကြီးလေ... ငါသေချာစဉ်းစားပြီး စိတ်ပြင်ဆင်ဖို့ အချိန်လိုတယ်။ နင်ငါ့ကိုစောင့်ပေးလို့ရလား။"
လီရှောက်ရှင်းသည် ကျီရှင်းရှင်းနှင့် မျက်နှာချင်းဆိုင်ဖြစ်သွားအောင် သူ့wheelchairကို လှည့်လိုက်သည်။
"ဘယ်လောက်ကြာကြာစောင့်ပေးရမှာလဲ။" လီရှောက်ရှင်းသည် သူမ၏မျက်လုံးများကို လေးလေးနက်နက် စိုက်ကြည့်ကာ မေးလိုက်သည်။
CITEȘTI
တစ်နာရီတစ်သိန်း အစားထိုးချစ်သူ
Ficțiune generalăTitle - 100000/ Hour Professional Stand-in {职业替身,时薪十万} Author - 渊爻 THIS IS NOT MY WORK JUST TRANSLATION CREDIT TO ALL AUTHOR AND TRANSLATOR(s)
အခန်း၁၃၁
Începe de la început