Map of the Blazing Hearth (Gazellian Series #8)

Chapter 7

Chapter 7: Howl

Hindi ko na napansin na matagal na pala akong nakatitig doon sa bukana ng kuweba kung saan lumabas ang misteryosong Gazellian...

Dapat ko pa ba siyang tawagin sa bansag na iyon?

He just gave me his name and left.

Huminga ako nang malalim at higit na binigyan ng pansin ang presensiya ni Caleb. Buo ang loob ko sa desisyon ko at nasisiguro kong hindi ko pagsisisihan ang pagpapaliban ng kanilang pagkikita.

This time is all about Queen Leticia and King Dastan's way to their throne. At kung anuman ang maging hadlang upang makamit nila ang posisyong iyon, nasisiguro kong kahit sino sa amin ay ganito rin ang gagawin. We're all here to help them, hindi lang ito para sa kapangyarihan at pangalan, kundi pati na rin sa hinaharap ng mundong ito.

If this new Gazellian has his own mission, and the only one that would lead him is Caleb, then we could settle it in the future. Hindi man kami nagbitawan ng mga salita ni Reyna Leticia, alam kong binigyan niya ako ng sariling misyon.

I will guard this cave and make sure that Caleb will come out alive.

Halos kalahating oras akong nanatili sa lugar kung saan ako iniwan ni Tavion Gazellian, ilang beses na rin akong nagpalakad-lakad habang walang tigil sa pagsulyap sa mataas na lupa.

Ramdam ko iyong tindi ng kaba sa dibdib ko. Caleb's presence didn't have any consistency! Minsan ay bigla iyong mawawala, lalakas, o hihina. Hindi ko na mabuo ang desisyon ko.

Dapat na ba akong magpalit ng anyo at puwersahing buksan ang mataas na lupa o manatili akong naghihintay rito habang pinakikiramdaman ang paglalaro ng kanyang presensiya?

Kalahating oras muli ang lumipas, huminga na ako nang malalim at tumigil na ako sa paulit-ulit ng paglalakad. Buong loob na akong humarap sa mataas na bato, irorolyo ko na sanang muli ang mapa sa itatali sa aking baywang nang muli iyong magliwanag.

Kung kanina'y tila gumagawa iyon ng guhit at ipinakikita ang ibang parte ng Nemetio Spiran, ngayo'y ibang paraan naman ang ipinakikita nito.

The map started to glisten and suddenly lifted on its own... no the physical map stayed in my hands. Instead, a soul-like map floated in the air. My mouth hung as I looked up, and my eyes wandered to the ability of the map.

Nanatili akong nakatingala sa ginawang imahe ng aking mapa habang ang liwanag nito'y umaabot na rin sa kabuuan ng aking mukha. Ang kaninang tahimik na kuweba'y tila pinasok ng kakaibang hangin.

May nais ipakita sa akin ang mapa...

Another place... another world...

Kung dati'y tinta ang siyang ipinakikita ng mapa at siyang iginuguhit nito'y ang bawat daan patungo sa mga bagong parte ng Nemetio Spiran, ngayo'y tila buhay na mundo mismo ang ipinakikita nito.

A miniature form of a foreign world. Sinubukan kong hawakan ang nagliliwanag na kaanyuan ng maliit na mundo, ngunit tumagos lang ang aking kamay.

What is this world?

Mayaman sa nagtataasang gintong puno, mga gintong gusali, mundong tila nasa alapaap...

Dahan-dahang nanulay ang aking mga mata sa bawat detalye ng mundong ipinakikita sa akin ng mapa. Ano ang nais niyang iparating sa akin?

Saang mundo ito? Bakit niya ito ipinakikita sa akin sa mga oras na ito...?

Walang katapusan ang katanungan sa aking isipan nang makaramdam ako ng pagyanig sa paligid. Napatingala ako sa itaas dahil sa unti-unting pagpagsak ng maliliit na bato at alikabok.