GL Fiction ( OC ) By ( Pone )
တီခ်ယ္က ဆည်းလည်းလေး
အပိုင်း ၄
မနက်စောစောထကာမြတစ်ယောက် ရေမိုးချိူး၍ကျောင်းသိုသွားရန်ပြင်ရလေသည်။ မနက်ကဝယ်ထားသည့် ပဲပြုတ်အား ထမင်းနဲ့နယ်ကာစားမိသည်။ မြကမနက်ဆို ထမင်းနဲ့ပဲပြုတ်စားရတာ လွန်စွာနှစ်သက်လေသည်.။
ယုယတစ်ယောက် မနက်နိုးသည်နှင့် မျက်နှာသစ်ကာလမ်းထိပ်သို့ထွက်လျှောက်လာမိသည်။ မမကေတာ့ ဆေးရုံအား စောစော သွားရမည်ဆို၍ ခုနစ်နာရီလောက်ထဲကပင်ထွက်သွားလေသည်။ ဒါ့ကြောင့် ယုယတစ်ယောက်တည်း ရပ်ကွက်ထဲသို့ လမ်းလျောက်လာရလေသည်။
သူမလမ်းလျှောက်နေစဉ်မှာပဲ သနပ်ခါးပါးကွက်ကြားလေးကို ညီအောင်လိမ်းခြယ်ထားပြီး၊ တင်ပါးအုပ်လုနီးနီးဆံပင်ရှည်တို့အား ဖဲပြားခေါင်းစည်းလေးနဲ့ ခပ်ဖွဖွချည်နှောင်ထားသည့် တီချယ်ကိုမြင်ရလေသည်။
ပဲပြုတ်သည်အားခေါ်ကာ ပဲပြုတ်တောင်းဘေးမှထိုင်ကာ ဝယ်နေသည့် တီချယ်ကတကယ့်မနက်ခင်းရဲ့ ဆည်းလည်းလေးပင်။ တီခ်ယ္ကေတာ့ သူ့ကိုပင်မတွေးသော်ငြား ပဲပြုတ်ဝယ်ပြီးသည်နှင့် အိမ်ထဲကိုသာတန်း၍ဝင်သွားလေသည်။ ယုယလည်းကျောင်းသွားမှ တီချယ်ကိုလာခေါ်ရမည်ဖြစ်တာကြောင့် ဒီတိုင်းလေးသာအိမ်သို့ပြန်ခဲ့လေသည်။
''မေမေရေ သမီးကျောင်းသွားတော့မယ်နော်"
ဖိနပ်စင်နားမှာထိုင်ကာ လှည်းဘိန်းသရေစိမ်း ကတီပါဖိနပ်လေးအားသေချာလက်ဖြင့် ပွတ်တိုက်လျက် ယုယ မေမေအားအော်နေမိသည်။ လှည်းဘိန်းဖိနပ်ကတော့ကတီပါဖိနပ်တွေထဲမှာ ဈေးကြီးသည့်ထဲတွင်ပါသည်ဟုဆိုရမည်။ တစ်ရံကို ခုနှစ်ထောင် ရှစ်ထောင်ကျော် အစားစားပင်ရှိလေသည်။
ယောကျာ်းစီးကတီပါ ဖိနပ်ကြိုးအပြားအကြီး ပုံစံနှင့်ပင်တူသည်။ သို့သော်ငြားလည်း ကြိုးအလုံးသေးလည်း မဟုတ်ပြန်။ မိန်းခလေးစီးမို့ ကတ္တီပါဖိနပ်ကြိုးအပြားကို အနည်းငယ်သာသေးထားခြင်းဖြစ်သည်။
''သမီး ဂရုစိုက်သွားနော်၊ ကားတွေလည်းသတိထားဦး။''
မေမေသည် ယုယအနားလာ၍ မှာနေကျ ထိုစကားအားထပ်၍မှာပြန်သည်။ မမအလုပ်မသွားခင်ကလည်း ထိုစကားကိုမှာနေတာ ယုယကြားမိပါရဲ့လေ။
YOU ARE READING
တီခ်ယ္က ဆည်းလည်းလေး
Action'' တီခ်ယ္သိလား တီချယ်အသံကသမီးအတွက်တော့ဆည်းလည်းလေးလိုပဲ ကြားလိုက်တာနဲ့ပြေးတွေ့လိုက်ချင်တာမျိူး'' 💫🍂ယုယအောင် ''သမီးကေလ တကယ့်ကိုသစ်ရွက်လေး လေထဲမှာလွှင့်နေပြီးခြောက်လို့ကြွေကျကုန်တာမျိူး.'' 💫 🍂 မြဝ...
