Sangue Dolce ✔️

Chapter 23

"Anong relasyon niyong dalawa?"

Napangiwi ako sa tanong niya.

"Ah... Ako estudyante niya tapos teacher ko si Sir Cafaro?" ani ko na may pagkapilosopo. Di ko kase maintindihan ang ibig niyang sabihin.

Nangunot ang nuo niya "More than that" ani Blake.

Napakamot ako sa ulo, nag-iisip ng isasagot. Di naman siguro nabagok ang ulo ko sa sahig kanina, bakit ganern? Ang loading ko.

'Ano bang gusto niyang sabihin ko? Ayos lang ba siya? Ano ba kaseng iniisip nito?'

"Ahm.. Mentor ko si Sir sa nalalapit na math conte-----"

"Naglolokohan ba tayo dito?" sa tono ni Blake ay mukhang seryoso nga siya pati ang tingin niya, nakakaramdam na talaga ako sobrang hiya lalo na't puro lalaki ang kasama ko dito at nakatapis lang ako.

"Eh ano ba dapat sabihin ko?!" naiinis ko ng sabi.

Di siya sumagot agad "Your relation to him. Why don't you get that?"

"Leche flan naman. Teacher ko nga s'ya! Estudyante niya ako. Yun ang relasyon namin! Ba't di mo rin ma gets 'yun? Tsaka nakakahiya, nasa gilid mo lang ang tinutukoy mo, respeto naman, teacher natin yan, tinulungan niya lang ako!" sunod sunod at mahaba kong ani.

Natigilan siya ng makitang seryoso nga ako.

Natuptop ang bibig at sinulyapan si Sir.

Napahalukipkip pa si Sir na nagpalitan ng tingin saming dalawa.

"Mr. Farnacio. Kung ayaw mong may ibang umaaligid sa girlfriend mo.. Bantayan mong maigi, yung hindi lampa.." nanlaki ang mga mata ko na napatingin kay Sir.

'Ono dow? Tologo bo? Girlfriend? May girlfriend na pala itong si mokong? Bat di ko napapansin?'

"Bago ka rin magsalita ilagay mo sa tamang lugar ang pananalita mo kung ayaw mong ibagsak kita sa subject ko, hindi ko kailangan ng talino mo kung wala ka namang respeto"

Parang mas ako ang kinakabahan para kay Blake dahil sa sinabi ni Sir sa kaniya. Napakaseryoso ng mga mukha nila.

Bumaba ang tingin ko sa kamay ni Blake na nakakuyom ito. Ngumiti si Blake sa kaniya pero kita doon ang pagkasarkastiko niya at pagkainis niya.

"Yes Sir" aniya na napipilitang ngumiti at maging magalang.

Tumango lang si Sir "Maiwan ko na kayo, may gagawin pa ako, ikaw na bahal sa girlfriend mo" ani Sir bago ako nilingon at doon ko pa lang nakuha kung sino ang tinutukoy ni Sir na nobya ng mokong!

"T-teka Sir! Hindi niya ako girlfrie------" di ko na natapos ang sasabihin ng huli na dahil nakalabas na siya at sinarado ang pintuan. Para bang namamadali.

Kaya tuloy nadala niya ang first aid kit na bitbit niya, di ko alam kung saan niya dadalhin yun.

Napatingin silang dalawa sakin.

"Patrick" tawag ni Blake dito, tinignan naman siya.

"Get out first. Dalhin mo sa kusina yung mga binili ko, don't come here in this room hangga't di ko sinasabi" mahinahon na ang boses ni Blake sa pakikipagusap sa kaibigan.

Naguguluhan ako sa mga pinagsasabi nitong mokong. Kung magsalita siya ay parang siya ang may-ari ng bahay na 'to.

Napatango na lang ito bago pa ako sinulyapan at tuluyan ng lumabas ng kwarto. Kami na lang dalawa ni Blake dito.

Nilingon niya na ako na ikinaramdam ko ng kaba, hindi ko alam kung bakit. Kinakabahan ako sa itsura niya ngayon, para bang may ginawa akong mali ng di ko nalalaman.