Boyfriend Corp. Book 2 : After Contract

Chapter 48

Chapter 48

Same day

Agad kaming lumabas ni Gatorade sa kwarto matapos ng tawag sa'kin ni bebs. Naabutan naming nagkukulitan sina Lean at Andrei. Biglang tumakbo sa'min si Andrei nang makita niya kami. I was expecting him to be playful to him pero alam namin ang sunod na mangyayare.

Binuhat niya si Andrei at ibinigay 'to kay Lean. I want them to be playful since ito ang pinakauna na talagang nag-bonding sina Lean at Andrei pero it can't happen.

"What's happening?" At saktong saktong nasagot ang tanong ni Lean nang may padabog na kumatok sa main door.

"Gatorade," tinawag ko siya pero umiling lang 'to at lumapit sa main door.

Pagkabukas na pagkabukas niya ng pintuan, walang ano anong tinulak niya si Gatorade palayo para makapasok sa loob ng bahay. Inikot niya ang mata niya sa paligid at tumigil siya sa'kin. She's angry... no, worse than that.

Pinigilan siya ni Gatorade pero walang ano anong sinugod niya ako at umakmang sasampalin ako ulit.

I was waiting for the stingy feeling on my cheek pero wala.

"Bitawan mo ako!" nakita ko siyang hawak hawak ni Gatorade at pinipigilan na makalapit sa'kin, "Bitawan mo ko, Lance!!"

Sinubukan kong umurong pa pero parang napako ang paa ko sa lupa at hinayaan lang siyang panuorin habang nagpupumiglas siya para makawala sa pagkakahawak ni Gatorade.

Nilingon ko sina Lean nung narinig kong umiiyak si Andrei. Mukhang naintindihan na niya kung bakit pinahawak sa kanya ni Gatorade si Andrei. Katulad ni Lovely, pinipilit din ni Andrei na makawala sa pagkakabuhat sa kanya ni Lean.

"Kinuha mo na si Lance pati ba naman anak ko ha!" sigaw niya. "Ano bang ginawa ko sa'yo at sinisira mo ang buhay ko!"

Isinangga ko ang braso ko nang nagawa niyang makawala kay Gatorade. Naramdaman ko ang sakit pero wala akong nagawa kung hindi tanggapin yun, "Ano ba ha!"

"Tama na, Lovely!" inawat ulit ni Gatorade si Lovely. Sinubukan niyang ilayo siya sa akin. "Tama na. Wag sa ganitong paraan!"

"At anong paraan?!" itinulak niya sa Gatorade. "Anong gusto mo, ngumiti pa ako at maging kalmado lang sa lahat ng nangyayare ha!"

Tinulak niya si Gatorade ng paulit ulit na parang ito ang may kasalanan ng lahat. Naririnig ko ang tawag ni Andrei sa mommy at daddy niya at ang pagpapatahan ni Lean dito.

Please, wag sa harap niya.

"You want me to be calm, prim and proper? Is that what you want, Lance?" tumawa siya ng mapait. "Gusto mo akong maging kalmado dahil edukada ako at hindi ganito ang paraan ng mga katulad ko, ganun ba?! Bullshit, Lance! How can I be calm while watching my family to be torn apart because of this girl!"

Sinubukan niya ulit akong saktan at laking gulat ko nung tumakbo na si Lean at humarang sa unahan ko. Para akong batang nagtago sa likod niya. Tinakluban ko ng kamay ko ang bibig ko, trying my best to control my tears. Gusto kong dumaing ng sakit at sa takot.

"You want me to do that? Stand in the middle of the war and let them kill me without putting up a fight?! Ganun ba ha!" Natakot ako nung pinilit niyang makalampas kay Lean, "Gusto mo akong maging edukada?!"

"Lovely, tama na!"

"It was already planned! We were on the process of fulfilling that! Pero dumating ka sa eksena."

That picture of her happy family. Naaalala ko pa nung nakita ko yun sa homescreen ni Gatorade. Yung naging dahilan para aminin ko ang nararamdaman ko sa kanya.