Boyfriend Corp. Book 2 : After Contract

Chapter Eight part 2

Nagdadalawang isip akong bumaba nang makadating kami ni Russ dito sa apartment. Alam kong napansin din ni Russ 'yon pero mas pinili niyang wag magsalita. Alam niya kung anong nangyare dati. Hindi ako kinilabutan but remembering her smile before... Tumingin ako kay Nikki pero hindi tulad dati, iba ang tingin niya ngayon.

"Relax." Ngiti niya. "And be grateful that I waited this long just to see you?"

"A—Anong ginagawa mo dito?"

"Oh, please. Stop giving me that look. Don't worry, hindi kita sasaktan."

How can I trust her?

She's the Psycho ex, for crying out loud!

Doon ko lang narealize ang sobrang kaba ko nang maramdaman ko si Russ sa tabi ko. Seryoso niyang tinitingnan si Nikki.

"How dare me to hurt you if you have a bodyguard beside you?" Then the thought of the two of them possibly knowing each other before pops in my head. Hindi impossible dahil barkada sila. "Not so nice to see you, Russ."

Itinago ako ni Russ sa likod niya. "Pumasok ka na sa loob."

"You're so mean, Russ. Don't be such a overly protective—" Mabilis na tumaas ang kilay niya. Napatigil siya na parang nagiisip kung anong dapat isunod sa sasabihin niya, "I don't think she's your girlfriend."

"Just back off, Nikki."

Nagpretend siyang natatakot sa banta ni Russ pero sumeryoso ang itusra niya nang nilipat niya ang tingin niya sa'kin. "What a lucky brat. Ano bang meron sayo at pa-special ka sa mga 'to?"

Hindi ko alam pero dahil doon mas kinabahan ako. Unconsciously, nakita ko nalang ang mga kamay kong hawak hawak ang dulo ng sando ni Russ. Nakaramdam ako ng proteksyon ng hinawakan niya ako sa braso. "Wala na kayong dapat pagusapan Nikki."

"It's not for you to decide, Hyuuga." Ang lamig ng boses ni Nikki. Kahit si Russ, naramdaman kong nagulat siya sa pagkaiba ng boses ni Nikki nung sabihin niya ang apelido ni Russ. "I just want to inform Gab that might help her curiosity. Magaling na nga pala ako, fyi."

Nanlaki ang mata ko sa narinig ko. Hindi man lang siya nag-alinlangan sa sinabi niya. Ga—ganon kabilis? Paano?

"Ano bang kelangan mo sa akin? Wala na kami ni Gatorade—"

"Hindi ka man lang curious?" she smirked. "Me, Alex, Andrei, Friend, then you. Nakakalito ba?"

"Hindi mo kelangang mapakinggan 'to." Hinigit na ako ni Russ para makapasok sa gate pero mismong mga paa at kamay ko ang tumigil.

"You are curious."

I am. Aminado ako. Gusto kong malaman ang nakaraan ni Gatorade. Ayoko lang magsettle sa kung anong alam ko lang sa kanya ngayon. Hindi man ito ang pinakamagandang option... pero ito lang ang option na meron ako.

"You are aware that I'm his first and your number five. Aly must have told you that she was number 4." Napatungo ako ng naglakad si Nikki papalapit sa'min. "Now, alam mo na that Alex has something to do with Lance's second girlfriend. Pero si Andrei? Hm... I wonder."

Nakangiti siyang nakatingin sa akin na tila basa niya lahat ng ikikilos at iniisip ko. I don't need her words to confirm my thoughts.

"Precisely, Gab." Tumango siya na parang kausap niya talaga ako. "Number three is Andrei's mom."

The chances were high. Sinubukan kong hindi paniwalaan ang instinct ko na pwedeng isa sa mga previous girlfriends ni Gatorade ang pwedeng maging mommy ni Andrei. Pero ito na...