Boyfriend Corp. Book 2 : After Contract

Chapter 10

Chapter 10

December 17, 20xx

Exactly one week left before Christmas. Lahat busy sa kani-kanilang exams maliban sa grupo ng CKU. Mas busy sila sa pagpa-practice ng sayaw nila para sa darating na Christmas party ng buong campus sa isang araw.

"One, two, three pause! Five, six, seven jump!"

Lahat may kanya kanyang pinagkakaabalahan. Lahat halos gusto ng matapos ang exams o mga projects nila para makapagbakasyon na. 

"Russ!" Napatigil ang lahat sa sigaw ng dance instructor ng CKU. Napatingin sila kay Russ na halatang walang pakielam sa paninita sa kanila ng DI. "From the top!"

Pagod na ang lahat ng dancers dahil kanina pa silang paulit ulit sa routine na yun. Hindi sila makaalis dahil sa isa nilang pamali-maling myembro.

"Ano ba Russ!"

"Ayos naman. Ikaw nalang ang panira e!"

Nagsimula na silang magreklamo dahil dito. Pero alam nilang ngayon lang nagkaganito si Russ. Sa totoo niyan, isa siya sa mga magagaling sumayaw sa CKU. Strikto din to sa practice at isa sa mga ayaw maging pabigat sa grupo.

"Russy, ayos ka lang ba?" si Rinrin lang ang mahinahon na nagtanong sa binata.

Pinadaanan lang ni Russ ng tingin si Rinrin at bumalik na sa pwesto niya. Sumigaw na ulit ang DI para makapagsimula ulit. Nakailang ulit uli sala para maayos ang isang routine. May ibang nagagalit na sa inaasal ni Russ pero walang pakielam lang niya itong pinapadaanan ng tingin.

Wala silang magawa.

Kahit ang leader nila, tahimik lang na inoobserbahan ang lahat.

*

Dahan dahang pumasok si Gab sa opisina ng boss niya. Kumpara kay Matt, mas strikto ito kaya hindi niya ito nakakausap gaya ng pakikipagusap niya sa dating boss.

"Ma'am, ito na po yung pinapaedit na guestbook." walang imik na kinuha ito sa kamay niya.

"Di ba sabi sayo nung client ayaw niya ng blue?"

"Yes ma'am pero wala na pong magfit na tamang hues sa gusto niyang ipaedit."