Boyfriend Corp. Book 2 : After Contract

Chapter 42

Chapter 42

Feb 19, 20xx

Tuesday

It's been four days. Naging ritual ko na ang mag-abang sa harap ng phone ko, wishing that maybe—just maybe—may makalusot na isang missed call o message. Pero dun sa apat na araw na yun, wala. Ganito pala ang pakiramdam pag parang ewan kang nag-abang sa taong magparamdam sayo kahit alam mong napakaliit ng chances na makakapagparamdam siya.

"Hey, TGWSG!" halos mabitawan ko yung phone ko nung bigla kong nakita si Marcus pagkabukas ko ng main door. Ohkaaay, anong ginagawa niya dito? Inayos ko na yung bag ko at inilagay dun yung phone ko.

"Hey, Smiley face."

"Si Veena?"

"Hindi ko alam eh. Hapon pa pasok nun."

Kumunot ang noo niya...pero hindi pa rin nawawala ang ngiti niya. Weird guy. "Sabi ko sa kanya maaga kami ngayon eh."

"Maaga? Ano bang meron?" Napabuka yung bibig ni Marcus pero nag-sara na din agad yun. Siguro iniisip kung paano sasabihin sa akin. Napangiti ako at ti-nap ang balikat niya, "Joke lang. Happy Birthday."

Lumapad ang ngiti ni Marcus at pina-expose niya yung ng tu-twinkle niyang mga ngipin. Ngumiti ulit ako at nalagpasan na siya. Papasok pa ako eh. Pero ramdam na ramdam kong biglaang bumagsak ang labi ko nung nakatalikod na ako kay Marcus.

Huminga ako ng malalim at naglakad na papasok. Pero bigla akong napatigil nung biglang naramdaman kong may nagvi-vibrate sa bag ko. Agad kong binuksan yun at kinuha ang phone ko. Bumagsak ang balikat ko at tumalikod para samaan ng tingin yung tumatawag sa akin.

"Mali ata na-dial ko." Bumelat sa akin si Marcus at binaba ang phone niya. Gusto kong mainis sa ginawa ni Marcus pero alam ko namang iba ang gusto niyiang mangyare. "Magpaparamdam din yun."

Tumango ako kahit wala kaming kasiguraduhan dun. Sana.

"When we least expect it. Man of surprises, remember?"

He's that kind of man. Pero sinamaan ko ulit ng tingin si Marcus at tinuro siya, "Don't ever do that again, Smiley face. Baka makalimutan kong birthday mo."

Tumawa siya nung saktong nakita ko si bebs na sumulpot sa likod niya na parang naguguluhan kung bakit tumatawa si Marcus. Umiling ako at kumaway sa kanila. Tumalikod na ako nung napansin na ni Marcus si bebs sa likod niya...

Hell week na next week at hindi ko kaya pag-isipan ang mga ganitong bagay. Sinubukan kong maging mabait at huwarang estudyante. Pinilit na ipasok sa utak ko ang mga dapat i-debit o i-credit at pagpasensyahan ang mga nagmamala-major na minor subjects. College... College...

For four days, I'm trying my best to occupy myself. Katuad nung ginawa ko dati nung natapos ang kontrata ko kay Gatorade, sinubukan kong maging busy. Pero this time, I always make sure na nakakasilip ako sa phone ko..just in case.

At hindi lang yun ang ginawa ko. Pumunta ako sa BFC para kausapin si Francis. Nagpasama din ako kay Princess para siya ang maging shield ko dahil wala na akong tiwala sa mga galamay ni Tita Loreyn a.k.a Madam. It didn't work out pero nakausap ko pa din si Francis. Buti nalang talaga sinama ko si Princess.

"Sorry, Gab. Wala si asul sa BFC. Nakita ko siya kahapon pero lagi siyang nasa top floor."

"Nag-usap na ba kayo?"

"Oo pero..."

"Pero?"

"Gab," kinabahan ako nung hinawakan ni Francis ang kamay ko, "Kinausap nila ako para tanggalin na si Gatorade sa line up ko. Hindi ko na siya handle."