ព្រឹកថ្ងៃថ្មី
តុអាហារ....
ទឹង!
សំឡេងសារបន្លឺឡើងពីទូរសព្ទដែលដាក់នៅលើតុ ថេយ៍ដែលកំពុងញ៉ាំអាហារពេលព្រឹកឱនមើលទូរសព្ទនៅជិតដៃហើយងាកសំឡឹងទៅជុងហ្គុកដែលកំពុងអង្គុយញ៉ាំអាហារនៅទល់មុខ មុននឹងសម្រេចចិត្តទម្លាក់សមនិងស្លាបព្រាចុះលើកទូរសព្ទមកមើល។
"កុំភ្លេចថាថ្ងៃនេះឯងត្រូវធ្វើកិច្ចការអ្វី! ត្រូវចាំថារបស់ដែលឯងត្រូវការ គឺនៅក្នុងដៃរបស់យើង សង្ឃឹមថាឯងនឹងមិនចង់ឃើញវានៅកន្លែងដែលមិនគួរនៅទៅចុះ"
សារបួនបន្ទាត់ដែលផ្ញើរចូលមកក្នុងទូរស័ព្ទរបស់ថេយ៍គឺជាសារដាស់តឿនពីលោកហាន់ដេ ថេយ៍ទម្លាក់ទូរសព្ទហើយដកដង្ហើមធំ គេពិតជាស្មុគស្មាញខ្លាំងណាស់នៅពេលនេះ។
" អូនកើតអីមែនទេ? ហេតុអ្វីក៏ដកដង្ហើមធំ? " ជុងហ្គុកងើយមុខឡើងហើយសួរទាំងសំឡឹងថេយ៍ នាយឃើញថាថេយ៉ុងមួយរយះនេះធ្វើខ្លួនប្លែកៗ ហាក់ដូចជាមានរឿងកង្វល់ក្នុងចិត្ត តែមិនព្រមប្រាប់នាយឲ្យដឹង។
" គឺ...គ្មានអីឡើយ! អូនឆ្អែតហើយ! បងញ៉ាំរួចឬនៅ? អូនចង់ទៅលេងនៅចម្ការហើយណា ហើយក៏ចង់ជួបមុខគីមឈីដូចគ្នា បងថាគេគួរឲ្យស្រឡាញ់ទេ? " ថេយ៍ប្រឹងញញឹមបន្លប់និងនិយាយប្ដូររឿង។
" បងម៉េចនឹងដឹងទៅ? " ជុងហ្គុកគ្រវីក្បាលលើកក្រណាត់មកជូតមាត់ ព្រោះនាយក៏ញ៉ាំឆ្អែតដូចគ្នា។
" អៅ ហេតុអ្វីមិនដឹងគ្រាន់តែរឿងប៉ុណ្ណឹង? ឬមួយបងមិនចូលចិត្តក្មេង? បើបែបហ្នឹងមែន ត្រកូលវីនខូសនៀរ៍របស់បងនឹងគ្មានទាយាទស្នងត្រកូលមិនខាន! " ថេយ៍និយាយទាំងផ្អែកខ្នងទៅនឹងកៅអី ដៃលើកមកឱបទ្រូង។
" អ្នកណានិយាយថាបងមិនចូលចិត្តក្មេង? បងគ្រាន់តែមិនចុះសម្រុងជាមួយពួកគេប៉ុណ្ណោះ ហើយបងប្រាកដជាស្រឡាញ់ខ្លាំងបំផុតបើក្មេងនោះគឺកូនរបស់បងនិងអូន "
" ឆ្កួត! អ្នកណាទៅចង់មានកូនជាមួយបងទៅ? " ថេយ៍ខាំមាត់ញេញធ្មេញដាក់នាយ ហេតុអ្វីក៏និយាយយូរៗដេញមកដល់រឿងនេះទៅវិញ?
YOU ARE READING
ស្នេហ៍មួយរាត្រី | One Night Stand
Fanfiction" ត្រឹមរយៈពេលមួយយប់ ខ្ញុំនឹងធ្វើឲ្យលោកឈ្លក់វង្វេងនឹងខ្ញុំរហូតងើបមុខមិនរួច ជុងហ្គុក វីនខូសនៀរ៍!! " Character : Jungkook Wincosnea | Taehyung Loragrace Yoongi Leodas | Jimin Landergret Soobin Wincosnea | Choi Yeonjun Jayki Wincosnea | Jungwon Leodas M...
