Chapter 12- Points
Written by yeexizx
Charlie's POV
Ito na ang pinakahihintay ng lahat, ang levelling ni Coldy. Matagal-tagal na rin simula nang naganap ang levelling kaya naman sa tingin ko ay mas lumakas siya.
Tinawag na siya ng Emcee, hudyat na siya na ang susunod, maririnig mo rin ang pagkahanga ng mga estudyante, nilalang, o mapa-guro. Maraming bulungan at sigawan kaya lalo pang naging maingay ang silid.
"Ito na si Coldy!"
"Nakatingin sa 'kin si Coldy!"
"Coldy! Mahal ka namin!"
"I love you Coldy!"
"Anakan mo ako!"
Tss, akala ba nila'y magugustuhan sila ng matapobreng lalaki na 'yon?
Tumingin naman ako sa gawi ni Divina na kanina pang tawa ng tawa at parang nasisiraan na ng bait.
"What are you laughing at?" kunot-noong tanong ko rito.
Habang patagal nang patagal ay napapagtanto kong dapat ay marunong din akong makisama sa mga taong nakakasalamuha ko, pili na rin talaga ang mga taong mapagkakatiwalaan ko.
"You can't remember?" nakataas-kilay niyang usal.
"Remember what?" kalmado kong tugon rito.
Nakakabasa nga pala siya ng isip! Ang tanga ko talaga!
Sinara ko na ng tuluyan ang aking isip para na rin wala nang makabasa rito kahit kailan, hindi rin permanente ang pagsara ko ng isip noong unang araw ng pagkikita namin ni Divina dahil hindi ko pa gamay ang kapangyarihan ko.
Sinamaan naman ko siya ng tingin, hindi siya natinag at humalakhak pa.
May saltik talaga
Nakalimutan ko ring lahat pala ng Royalties ay nakakabasa ng isip, mabuti na lamang ay si Divina lang ang nakakapansin sa'kin. Kung hindi, malalaman nila lahat nang nasa isip ko.
Bumalik nalang muli ako sa pinapanood ko kaysa sayangin ang oras ko dahil sa pang-aasar ni Divina.
Nakita ko si Coldy na seryoso mas'yado para sa levelling na 'to, halata mo rito na ayaw mawala sa pagiging "Top 1" kaya nagpopokus ito at ayaw ituon ang pansin sa mga nilalang na sinisigaw ang pangalan niya.
"Fire high spikes," bulong niya at pinatamaan ang barrier ng mga patalim na hugis dagger na may apoy.
Ipinikit niya na ang kanyang mga mata at nang idilat niya ito, naging matingkad na pula ang kulay nito.
Hindi ko matanggi sa sarili ko na may itsura siya kahit papaano.
Tangina. Ano ba 'tong iniisip ko?
Nararamdaman ko ang lakas niya sa bawat paghinga niya. Natamaan naman nito ang apat na barriers sa isang spell lang. Hindi ko dapat siya minamaliit, masyado siyang malakas. Sad'yang nasa loob lang ang kulo ng lalaking 'to.
"Ability to thunder explosion!" sigaw niya at itinaas ang kanyang palad. Bigla namang sumabog ang bawat barrier ng paglakas-lakas.
Siyam ang napatumba niya sa dalawang spells lang. Literal na malakas nga talaga siya.
Susubukan pa sana niya ang ibang spells pero hindi niya mabasag ang pang-sampu kahit anong gawin niya kaya naman sumuko na ito.
"Wow! Congratulations, Prince Coldy! You have hit 9 barriers! Your score is 149 points, dati ay lima lang na barrier ang kaya mo, ngayon ay siyam na. Congratulations again. You're still in the Royalties section of course." halakhak na usal ng Emcee at marami namang naghiyawan at nagpalakpakan dito.
Tinawag na ako, hudyat na ako na ang susunod at panghuli na mag-lelevelling. Hindi man lang ako makaramdam ng kahit anong kaba dahil sinanay na ako ni Valentina. Pumunta na ako sa gitna at dahil nga malakas ang pangrinig ko ay alam ko nang maraming nagbubulong-bulungan ng masasama. Kulang nalang ay balatan nila ako ng buhay. Siguro ay dahil ito sa inggit, madali lang ako napalapit sa mga Royalties na siyang ikinaswerte ko dahil madali nalang para sa akin gawin ang misyon ko.
Alam ko namang todo cheer ang mga ibang mga Royalties sa'kin, nakakatuwa dahil bago pa lamang ako ngunit ramdam ko na agad ang suporta nila sa'kin.
Napagpasyahan kong magpausok gamit ang hangin na isa rin mga kapangyarihan ko, gagamitin ko 'to para hindi nila makita na gumagamit ako ng iba't ibang kapangyarihan.
Ipinikit ko ang aking mga mata at nang idilat ko ito ay umilaw naman ito ng matingkad na pula na may halong ginto.
"Air smoke." mahinang sambit ko at iba't ibang kapangyarihan na ang pinakawalan ko.
"Fire blast!"
"Water tsunami."
"Air Spikes tornado!"
"Snow spikes."
"Alluminati hypnotize."
"Land sharp sparks."
"Light explode!"
"Thunder war!"
Sunod-sunod na bulong ko. Naramdaman ko naman ang enerhiyang dumadaloy sa'king katawan palabas sa palad ko. Itinama ko na ito sa barriers.
Hininaan ko ang boses ko upang hindi nila marinig na ang mga sinabi ko. Gumawa ako ng invisible shield, ginagawa nitong invisible ang mga ginagamit ko na spell, hangin lamang ang nakikita nilang ginagamit kong kapangyarihan na siyang ikinatuwa ko pa dahil posible pala ito.
Mas umilaw ng maliwanag at matingkad ang mga mata ko, lumiliwanag din pati na rin ang aking mga kamay. Ang huling kapangyarihan na ang aking ginamit ay itinama ko sa mga barriers at kasabay nu'n ang pagkawala ng usok.
Lumiliwanag pa rin ang mga mata at kamay ko. Nakita ko namang gulat na gulat ang iba sa kanilang nakita sa'kin, ang iba ay napatayo at napatigil. Nadatnan ko ang mga guro at Royalties na napatayo rin dahil sa gulat at halos malaglag ang mga panga sa nakita.
Halos magwala ang puso at kalooban ko sa kaba nang maramdaman kong nagliliwanag pa rin ako.
Pinawala ko na ang liwanag na nanggagaling sa'kin, pagkatapos nu'n, nakita ko ang lahat ng mga barriers na ubos at sunog na hindi na maibalik sa dati nilang mga itsura.
Putangina, minsan na nga lang maglabas ng kapangyarihan napasobra pa!
"O-Okay, wow! Y-You have hit all the barriers, Ms. Charlie and your score is- tingnan natin sa machine barriers score ang iyong naging puntos." usal ng Emcee.
Ang Emcee ay may kapangyarihan upang ma-detect ang score ng mga barriers, hindi ko alam kung bakit pa siya gagamit ng makina.
Marahil... Hindi niya maramdaman ang barriers na aking napatumba dahil siguro wasak at sira na ito.
Inilabas ng mga ibang staffs ng paaralan ang machine barriers score. Halos manlumo ako nang makita ko ang puntos ko. Ang mga estudyante, guro at ang mga Royalties ay hindi makapaniwala sa kanilang nakikitang puntos, kahit ako ay nagulat din sa puntos ko.
"W-Wow... 275 points!? U-Unbelievable! Ms. Charlie... From now on, we will be changing your section and room. Ikaw ay ililipat sa Royalties section. Again, Congratulations, Ms. Charlie!" malakas na utas niya at nagpalakpakan lamang ang iba.
Hindi inaasahan ng mga Royalties ang aking naging puntos, kita ko pa rin sa kanilang mukha ang gulat dahil halos sila ay napatayo at blangko ang mga mukha ngunit hindi pa rin matatanggal sa kanila ang saya para sa akin. Hindi pa natatapos ang levelling pero bumalik na kaagad ako sa dorm ko para makapagpahinga na sa nakakapagod na araw na 'to.
Nagteleport na lamang ako galing sa comfort room. Humiga na ako sa kama at nakatitig lang sa lamesa at inaalala lang ang reaksyon kanina ng kinaiinisan kong lalaki na si Coldy.
Bakas din sa kanya ang gulat na lalo pang nagpakaba sa akin. Dapat pala sa susunod ay mag-iingat ako dahil kaunti na lamang ay mabubuking na ako. Nangako ako kay Valentina na hindi ko ibubunyag na ako ang nawawalang prinsesa at nagtitiwala ako sa kanya na may nakalaang oras para sa akin.
Mabuti na lamang ay may kasabihan dito na kapag namatayan ng mahal sa buhay ay mas lalong lalakas sa levelling. Lalo na't may kirot pa rin sa puso ko at alam nila 'yon. Sana lamang ay ito ang maisip nila kung bakit napakalaking puntos ang nakuha ko sa pagsubok na 'yon.
Badtrip talaga bakit ba kasi lahat ng kapangyarihan pinakawalan ko!?
Napapikit na lamang ako. "Bathala, nawa'y gabayan mo sana ako sa mga pagsubok at problemang dadalo sa akin upang ako'y paghirapin. Nawa'y huwag mo akong papabayaan. Ilayo mo ako sa mga nalalapit na kapahamakan. Maraming salamat." bulong ko sa sa sarili ko.
"Sana lamang sa mga oras na ito ay hindi ako pagdudahan ng mga nasa paligid ko na prinsesa. Sana hindi nila mahalata. Nawa'y ang pagkakamali ko ngayong araw ay hindi maging basehan at hadlang upang pumalpak ako sa pagmamasid at pag-oobserba ko."
Ipinikit ko na lamang ang aking mga mata hanggang sa magdilim na ang paningin ko, hudyat na nakatulog na ako.
Coldy's POV
What the hell? 275 points?
Even I was astounded and shocked by what Charlie did, kahit mga teachers or kids in this levelling room.
Even though she was a just common girl, she made me more interested and it's fucking killing me. I searched for her, but she was nowhere to be found. I'm sure nagpahinga na ang babaeng 'yon and didn't complete the levelling.
Damn. Why am I thinking that woman? And I'm still stuck on what's bugging me.
I'm not sure why I'm so drawn to her; I don't even know why I'm feeling this way.
She's unlike any of the species I encounter on a daily basis, and I have a distinct reaction to her. I couldn't describe how we seemed to be connected.
"Sana ikaw ang babaeng nasa isip ko. I hope you are the girl from the prophecy."
Divina's POV
Ang galing talaga ng sis ko! Hindi ko inaasahan 'yon sa kanya lalo pa't masyado siyang misteryoso kaya iisipin mong mahina talaga siya!
Hindi naman kaduda-duda kung bakit napakalakas niya sa levelling. Sa pagkakaalam ko ay kamamatay palang ng ina niya na nagpalakas ng loob niya sa pagsubok kaya naman malaking puntos ang nakuha niya. Isa pa, anak 'yon ng isang bruha. Marahil ay tinuruan siya ng kanyang ina sa paggamit ng iba't ibang mahika kaya hindi na ako magtataka. Siya ay may basbas ng kanyang pinagmulan bago ito namayapa.
Napakaswerte niya talaga hay!
Halos mamatay pa ako kanina sa tawa nu'ng sinisiraan niya si Coldy patalikod. Kulang na lamang kasi ay patayin niya ito gamit ang kanyang isip.
Sa likod ng malamig niyang pakikipagtalastasan, may malalim pala siyang iniisip na hindi mo inaasahan!
One of a kind talaga ang babaeng 'yon dahil imbes na mainlove pa siya sa charisma ni Coldy ay mas lalo pang naiirita sa kanya si Charlie tuwing lumalapit ito sa kanya.
Mag-iisip-isip pa sana ako ng kung ano-ano nang may kumalabit sa'kin, lumingon naman ako sa likuran ko pero wala akong nakita rito. Kaya bumalik nalang ulit ako sa pag-iisip ng kung ano-ano.
"Pst!" tawag sa'kin kaya lumingon nanaman ako sa likuran ko, bumungad sa'kin ang nakakairitang pagmumukha ni Alex.
"Ano nanaman ba, Alex!?" pagtataray ko rito.
Bibwisitin nanaman ako ng lalaki na 'to e!
Humalakhak naman siya. "Ang ganda mo talaga sa tuwing nagagalit ka sa'kin, kaso pumapangit ka kapag nakasimangot. Hays!"
"Alam mo bang..."
Kumunot naman ang noo niya. "Ano 'yon, BABE?" nakangising usal niya, sinadya niya pang lakasan ang pagtawag niya sa'kin ng babe para marinig ng madaming nilalang na narito sa levelling room.
Nakakahiya! Wala namang kami. Napakaassumero at gunggong talaga!
"Wala akong pakialam sa'yo! Lumayo ka nga chupe!" pagtataboy ko rito.
"'Yung g'wapong katulad ko na nga 'yung lumalapit sa'yo, tapos papalayuin mo pa? Grabe ka na talaga sa'kin babe!" sigaw niya, akmang yayakapin niya na sana ako nang sinuntok ko ang tiyan niya.
"Aray ko naman! Grasya na nga 'tong lumalapit sa'yo, aayawan mo pa!?" sabay himas sa tiyan niya.
"Anong grasyang pinagsasasabi mo d'yan? Baka disgrasya kamo!"
"Anong disgrasya? Kala mo ba hindi ko nahahalata na titig na titig ka palagi sa abs ko." pagmamayabang niya, akmang itataas niya na sana ang kanyang damit nang sapakin ko siya.
"Bagay na bagay talaga sa'yo 'yang kapangyarihan mong assumero ka!" sigaw ko rito.
Tumingin naman sa'min ang mga Royalties na nakakunot ang mga noo.
Isa pa tong mga chismoso at chismosa
Tumawa naman siya ng paglakas-lakas. "Anong bagay? Bagay talaga sa ka-g'wapuhan ko!"
"Oo, bagay talaga sa'yo ang hangin na kapangyarihan mo, tutal mahangin ka rin!" mataray kong tugon rito.
Mabuti na lamang, natapos na ang levelling. Umalis na ako sa tabi ni Alex, kahit naglalakad na ako palayo, rinig na rinig ko pa rin ang bulungan nina Alex, Kian at Kenneth.
"Ano, pare? Na-busted ka ba ni Divina? Ayos lang 'yan!" halakhak na ani Kenneth.
"Kawawa ka naman! Napakahina mo pa pagdating sa lovelife!" pang-aasar ni Kian.
"Pa-hard to get lang 'yang si Divina, pag ako sinagot n'yan, yare kayong dalawa sa'kin!" inis na sigaw ni Alex.
"Si Divina? Asa ka naman!" sigaw ni Kian sabay halakhak.
"Kung sasagutin ka pa ulol!" pasigaw na tugon ni Kenneth at tumawa rin ng pagkalakas-lakas.
Wala na akong narinig nang makalayo ako, dumiretso na lang ako sa dorm namin ni Charlie para magpahinga na rin.
Hinding-hindi ako magpapabitag sa kalokohan ng lalaking 'yon, never!
Nang makarating na ako sa harap ng dorm namin, pumasok na kaagad ako.
Bumungad naman sa'kin ang mahimbing na natutulog na si Charlie, ganu'n pa din ang suot niya kaya napagpasyahan kong hindi nalang din magpalit. Siguro ay napagod ang babaeng 'to kaya hindi man lang tinapos ang ceremony.
"Goodnight Charlie... Welcome to Royalties section. You deserved everything. I'm so proud of you..." I whispered kahit alam kong di niya 'to naririnig kasi malalim ang pagkakatulog nito.
-
The Lost Princess. Chapter 12. Fantasy.