Princess Zella of Centria's Pov
Napaatras ako. Nasaan ang mga kawal sa labas? Ano na ang nangyayari? Ito ba ang dahilan? Kung bakit kakaiba ang aking pakiramdam?
Napakaraming tanong ang sumagi sa aking isip.
"Ano ang kailangan mo?" Pinalakas ko ang aking loob.
"Mahal na Prinsesa,iisa lang naman ang kailangan ko" sabi nito. Kilala ko ang boses na to.
"H-Haring R-Revo?" Nauutal kong sabi. Ngunit papaano? Hari ng Dark World si Haring Revo, paano siya nakapasok dito.
"Napakahusay mo talaga, Mahal na Prinsesa. Nahulaan mo kung sino ako" natatawa niyang sabi.
"H-Hindi ko alam kung ano ang iyong pinagsasabi. Kung maaari, umalis ka na dito"
Ate, Ina tulong....nasaan na kayo? Tulongan niyo ako.
"Ika'y nasa tamang edad na Mahal na Prinsesa. Ang iyong kapangyarihan ang gusto ko." Kapangyarihan ko? Ano ba ang pinagsasabi nito? Mahina lang ang aking kapangyarihan para magustuhan niya.
"Napakalakas mo na Haring Revo para kunin mo pa ang akin."
"Hindi mo alam ang pinagsasabi mo Prinsesa" nakakatakot itong ngumiti.
"Huwag kang lalapit!" Hinahagisan ko ito ng Airball, ngunit sadyang mahina ako. Kaya wala itong epekto sa kanya, napakagulo na ng silid.
Napapikit ako dahil sa biglaang paghawak niya sakin. Pagmulat ko sa aking mga mata ay, nasa ibang lugar na ako. Isa itong napakadilim na kagubatan
"Saan mo ako dinala?" Tanong ko. Ramdam kong hindi ako nag-iisa dito.
Ate ko....sana naririnig niyo ako. Tulungan niyo ako.
Princess Zanne of Centria's Pov
Zella? Bumibilis ang tibok ng aking puso sa kaba. Agad agad akong tumakbo patungo sa kanyang silid. Zella....Zella...sana nasa maayos ka.
Pagbukas ko nang pinto.....napakagulo nito. Walang isang anino ni Zella akong nakikita.
"Zella!!!" Sigaw ko. "Nasaan ka na?!!"
Palakad lakad ako kahit saan para lang mahanap siya. Nasaan ka na ba? Magpakita ka na pakiusap.....alalang alala na kami dito.
"Ina! Nawawala si Zella!" Nang nakita ko si Ina, nagmamadaling tumakbo dito.
"Kanina ko parin ito hinahanap anak. May sinabi ba si Zella sa iyo?" Nag-alalang tanong ni Ina.
Napaisip naman ako bigla. Yung tinanong niya sakin! Bakit hindi ko napansin yon? Kaya siguro balisa si Zella nung nakita ko ito. Napakatanga kong Ate!
Tawagin mo pa ako Zella......tawagin mo pa ako. - nasa isipan ko.
Zella of Centria's Pov
Tumatakbo ako ngayon papalayo. Napakarami nila, pinaghandaan talaga ito. Hinahangos na ako sa kakatakbo. Nasaan na nga ba ako? Hindi ko alam ang lugar na to. Wala akong gaanong makita dahil madilim.
"Ha ha ha wag mo nang pahirapan ang sarili mo Mahal na Prinsesa, madali lang naman to" malademonyo niyang sabi.
Naiiyak na ako, ang hina hina ko. Wala man lang akong nagawa. Patuloy parin ako sa pagtakbo hanggang nasa dulo na ako ng talampas. Wala na akong takas.
Ate ko.....
Inay ko.......tulong........
"Oh ano na? Hindi naman masakit ang gagawin ko Mahal na Prinsesa"
Lumingo lingo lang ako at umaatras habang papalapit siya sakin.
Ayaw ko.....kung ano man ang kapangyarihan na gusto niya sakin, ay alam kong gagawin niya ito para sa masama.
Ate ko.....pasensiya na
"Zeeeeelllllaaaaaaaa!!!" Napalingon ako sa sumigaw ng aking pangalan
"Ate ko....A-Ate k-ko" umiiyak kong sambit. Kasama niya si Inay.
Papalapit siya dito pati narin si Haring Revo. Ano ang gagawin ko?
"Ahh!" Napasigaw ako sa gulat, malapit na akong mahulog sa bangin. Isang atras ko ay mahuhulog na talaga ako.
Takot na tako ako sa mga pangyayari. Mukhang wala na talaga akong pag-asa, sina Inay at Ate ay nakikipaglaban sa mga kawal ni Haring Revo.
"A-Ate ko....patawarin mo ako kung ika'y iwan ko ngayon. Ngunit, wag kang mag-alala. Ako'y muling babalik dahil sa ipinangako kong hindi kita iiwan" mensahe ko sa isip niya.
Nakita kong napatigil sa paglaban ito. Tumingin siya sakin at lumuluha na. Lumingo lingo siya na parang sinasabi na 'Wag'.
Ngumiti lang ako sa kanya. At unti-unting ginalaw ang aking paa para umatras.
Alagaan niyo ang Enchanted- huling habilin ko sa kanila.
"Hanggang sa muli nating pagkikita"
Parang bumagal ang lahat na nangyayari sa aking paligid. Na unti-unting bumagsak aking katawan, kung saan ito dadalhil sa ilalim