Ehan's PoV
Matapos kong umalis nung gabing nagkasagutan kami ni Jell ay kung saan saan na ako pumupunta. Natutulog ako sa Mall sa bandang pabilihan ng mga foams, sofas and beds dahil bukod sa malamig dun eh, ang lalambot pa ng mga kama. Tutal, di naman nila ako nakikita.
Pero ganun pa man, lagi kong binabantayan si Jell mula sa malayo, ang akala niyang wala ako ay mali pala. I'm always at her side kahit di niya alam.
Kaya nga nung mahimatay siya dahil sa multong manyakis na yun ay di na ako nagsayang ng minuto para bugbogin ang multong yun. Ang pinagtataka ko lang, nung di na siya makaahon pa sa tindi ng pagkakabugbug ko ay pinalibutan siya ng itim na usok saka biglang nawala.
Nagpabalik-balik ako dun para tignan kung naroon pa siya ay bigo ako. Wala ng bakas niya ang nagpaparamdam pa. Lagi rin akong dumadalaw kay Jell tuwing tulog siya sa ospital. Ewan ko ba, bakit di ko kayang lumayo ang paa ko sa kanya. Hindi kaya, magkamag-anak ang mga paa namin? Tsk.
Kasalukuyang magkaharapan kami ni Jell. May luhang pumapatak sa mga mata niya. Bakit ba to umiiyak? Lumapit ako sa kanya upang punasan ang luha sa mata niya ngunit tinabig niya ito at isang malakas na pambabatok ang aking natamo. "Aray! Para saan yun ha?." Tanong ko.
Nagpamewangg naman ito sabay taas ng kanang kilay. "Saan ka ba nagpupupunta ah?! Bakit bigla ka nalang umaalis! Akala ko di ka na babalik!." Aniya at pumatak naman ang luha niya. Magsasalita na sana ako ngunit bigla naman itong nagsalita. "Bakit ba ako umiiyak?.." Pag puna niya pa sa sarili.
"Siguro kasi namiss mo ko at masaya kang nakita mo ako?." Saad ko. Napakunot naman ang noo nito. "Kapal din naman ng kaluluwa mo noh? Psh." Aniya. Hinila ko siya at niyakap. Alam kong nagulat siya sa ginawa ko.
Miss ko siyang kausap ah? "Sorry sa mga nasabi ko. Wag ka ng umalis ng pabigla ah? Di mo alam kung gaano kalaking konsensya ang hinatid mo sa akin." Aniya. Napatawa naman ako ng mahina. "Wag mo nang isipin yun. Di na ako aalis, di ako mangangako pero susubukan ko." Saad ko bago humiwalay sa yakap ko.
~Grooooooowl~
Napahawak ako sa tyan ko. Ilang araw rin ako walang kain ah? Dinig kong napatawa siya ng mahina. Napasimangot naman ako. "Wag kang tumawa jan. Kasalanan mo 'to." Sabi ko pa sabay nguso. Nagulat naman ako nang kinurot niya ang pisngi ko. Sakit ah? "Sige na. Tara, bili tayo ng pagkain." Saad niya pa. Ngumiti naman ako ng malapad. Finally, after how many days makakakain na rin ako.
**
Matapos ang mahabang diskusyon kung saan kami kakain ay nauwi ito sa pag take out ng meal galing sa Jollibee. Kanin na may manok tas coke lang ang binili niya na may kasamang spaghetti, burger and fries.
Kumain kami sa may burol na tambayan namin dahil buti nalang naisip niyang malaya akong makakakain dito at hinde dun sa street foods na gusto niya. Baka mamaya magsitakbuhan yung mga taong di nakakakita sa akin dahil sa lumulutang na fishball. Tsk.
"Iyo na 'tong kanin ko oh." Abot niya pa sa kanin niya. "Sigurado ka ba? Hindi ako hihinde dahil gutom ako." Saad ko pa. Napatawa naman ito saka umiling.
Sarap sa feeling na makakakain na rin ako. Di na ako aalis ulit kundi magugutom lang ako kahit na mahigit dalawang taon naman na akong gutom.
Ilang oras lang ang lumipas ay bumalik na kami sa bahay nila ang sabi niya raw kasi, dapat maunahan daw niya ang kuya at mama niya sa bahay nila kundi malalagot siya.
Nang makauwi kami ay wala kaming nadatnan ni isang tao. Umakyat si Jell para makapagbihis ng pambahay kaya naiwan ako dito sa kanilang sala. Pinaandar ko ang tv nila at naghanap ng magandang channel. Nahinto ako nung natapat ito sa Disney channel. Saktong may isang series itong pinapalabas. Phineas and Ferb.
Ewan ko ba bakit nagagandahan talaga ako sa palabas na'to. Bigla akong nakaramdam ng pananakit ng ulo. "Aah.." Usal ko pa habang hawak-hawak ang ulo ko. May mga imaheng lumabas sa utak ko. Ngunit malabo.
"Tol. Ba't puno ng P and F merch ang kwarto mo?."
"Trip ko lang."
Ano yun? Ba't parang pamilyar ang boses dun? Konektado ba yun sa akin? Napailing ako. Medyo kumikirot pa ang ulo ko ngunit unti unti na ring nawawala.
Nasa gitna ako ng panonood ng biglang bumagsak ng malakas ang pinto at bumungad sa akin ang nakabusangot na kuya ni Jell. Ano namang nangyari sa taong yan?
"Ano ba'to? Phineas and Ferb? Psh." Naupo ang kuya ni Jell at saktong natapat sa akin. Nakaramdam ako ng bigat. Hindi ako makaalis dahil nakadagan ang kuya ni Jell na mas gwapo pa ako sa kanya. Lintek. Kung di lang magagalit si Jell sa akin baka tinulak ko na to. Inilipat niya ang channel ng tv. Napunta ito sa Adventure time. Psh. Tanda niya na, nanonood pa ng ganito?
Di rin nagtagal ay palipat-lipat na ang channel at nakakahilo na. Bigla niya ito pinatay saka sinabunutan ang sarili. Ilang bilog na katol ba ang hinithit nito at nagkakaganyan? Sinipa ko na nga. Mag sosorry nalang ako sa kanya pag nakikita na niya ako.
"Ano yun?." React pa niya. Tumayo na ako at iniwan ko na siya dun. Bahala nga siya. Nagmumukha siyang tanga eh.
Jhalle's PoV
Kakatapos lang namin maglaro ng basketball ng barkada ko. Nakakasawa na kasi kung Dota lagi eh. Kelangan rin naman naming magpapawis. Nagpaalam na ako na mauuna na ako dahil bukod sa ginugutom ako ay nauuhaw na rin ako.
Wala kasi akong dalang tubig kaya dumaan nalang muna ako kila Aling Koring. Dito ang tambayan namin ng barkada pagtapos ng game sa basketball dahil may mga meryenda na masasarap.
"O iho, ikaw lang ata mag-isa ngayon ah?." Bungad niya pa nung makita niya akong dumating. "Ah. May pupuntahan pa raw kasi sila eh. Di na po ako sumama." Sabi ko pa. Kilala na kami dito ni Aling Koring dahil suki kami ng mga paninda niya eh.
"Anong gusto mo ba?." Tanong niya pa. Na ang tinutukoy ay kung anong kakainin ko. "Yung Cheesecake tatlo po nun tsaka coke nalang po." Saad ko pa. Ngumiti naman ito bilang response. Inilabas ko ang cellphone ko at sandaling nagfacebook habang naghihintay. Dami talagang nag fi-friend request sa akin oh. Hirap maging pogi
Ilang minuto lang ay dumating na ang order ko. "Eto na yung sa inyo." Pamilyar ang boses na yun kaya napaangat ang tingin ko. "Anong ginagawa mo dito?." Tanong ko pa. Kaibigan ni Jell yung nandito. Anong ginagawa niya dito? Sinusundan ba ako ne'to?
"Hinatid yung inorder mo." Aniya. Napapikit naman ako. Psh. Pilosopo. Ewan ko ba kung bakit ang init ng ulo ko sa kanya. Siguro dahil nung una ko tong nakita ay sinukahan niya ang jersey ko.
Pauwi kami nun ng barkada ko galing sa laro at nakasulubong ko sila kasama yung isang babae at isang lalaki. Pagewang-gewang siya at sa hindi inaasahan nung magkakasalubong na kami ay saktong naibuga niya ang suka niya sa akin. Ewan ko lang kung naaalala niya yun kasi nung nakita ko sila ni Jell sa canteen ng school ay parang di niya ako naaalala eh o mali lang ako?
Ah basta. Badtrip ako sa babaeng umiinom.
"Sinusundan mo ba ako?." Tanong ko pa habang nakakunot ang noo. "Wag kang feeling. Di ka gwapo at kasunod-sunod." Aniya at tinalikuran na ako. Lang'yang babae yun ah? Agad kong inubos ang kinain saka nagbayad at tuluyan ng umuwi. Nakakabwiset talaga.
Nakakawalang gana.
Pagkauwi ko ay nadatnan ko ang tv na umaandar. Psh. Si Jell talaga kahit kelan. Saktong yung pinakakinaiinisan ko pa ang palabas. Isang triyanggulong ulo. Posible ba yun? Hayst.
Kinuha ko ang remote saka naupo at inilipat ang channel. Nahinto sa Adventure Time. Pinanood ko ito at nung pumasok sa utak ko ang nangyari kanina ay nagpalipat-lipat na ako saka napa sambunot. Kumukulo ang dugo eh. Ba't parang sasabog ako sa inis? Nagulat ako nang biglang nahulog ako sa sahig. "Ano yun?.." Usal ko pa. Maayos naman ang upo ko ah? Anong nangyari?
Tumayo ako at pinatay ang tv saka dumiretso na sa kwarto. Matutulog nalang ako. Bahala na nga.
Jell's PoV
Nakahiga na ako sa kama ko habang si Ehan naman ay nakaupo sa study table. Medyo napagod ako sa paghahanap sa kanya ah? Nagkwentuhan kami kanina nung umakyat siya tungko sa naging buhay niya nung winalk outan niya ako.
Nalaman kong sa mall siya natutulog at napakasosyaleng ng life niya dun ah? Wala nga lang kain. Kawawa naman. Lalayas layas pa kasi eh.
Gumaan na ang pakiramdam ko dahil okay na ulit kami. Napagtanto kong masyadong harsh talaga yung nasabi ko sa kanya kaya kanina lang ay dineklara ko na, na kaibigan ko na siya.
"Ehan?.." Pagtawag ko pa ng atensyon sa kanya. Nagbabasa kasi siya ng mga libro kong pinamili. "Hmm?.." Usal niya pa. "Di ba ang magkaibigan nagtutulungan?." Saad ko. Napatingin naman siya sa akin. Bakas ang pagtataka sa mga mata niya. "Oo naman. Bakit?." Takang tanong niya pa. Ngumiti ako bago nagsalita.
"Tutulungan na kitang mahanap ang sarili mo. Bukas.. bukas tayo magsisimula."