😊😊😊😊
Nagpapakiramdaman kaming tatlo nila Sheena at Rita sa shop. Panay ang sulyap ng dalawa sa akin habang ako naman ay malalim ang isip ni hindi ko alam talaga kung anong gagawin ko sa buhay ko gulong-gulo ang utak ko. Puro nalang Kaye Cal ang laman ng isip ko.
Naginat ako at nagbago ako ng ayos ng pagkakaupo nang bigla nalang nagsalita si Sheena.
Alam ko na!!! Alam ko na kung anong gagawin natin!!!
Bulalas niya. Napatingin ako sa kanya. At kunot noong tinitigan siya.
Gagawin? Saan? Natin? Ano yon?
Alam kong nababagabag ka sa nararamdaman mo, kaya naman may naisip na akong paraan para maibaling naman yang feelings mo sa ibang bagay...
Ano.?
Nangislap ang mga mata ni Sheena. Lumapit pa ito sa akin at hinawakan ako sa magkabilang balikat.
Makipag-date ka!
Nanlaki ang mga mata ko sa sinabi niya. Hindi ako komporme sa sinasabi niyang paraan.
Ayoko nga, no! Baliw ka ba?
Kailangan yon! Puro kasi si Kaye ang nakikita mo, kaya ka nagkakaganyan. Ni hindi ka pa nga nagkakaboyfriend di ba?
Napaisip ako at hindi ko na siya sinagot. Sa totoo lang hindi pa talaga ako nagkaboyfriend o maligawan man lang ng seryoso. Dahil umpisa palang kapag hindi ko na nagustuhan binabara ko na kaagad.Noon pinagdudahan pa ni Sheena ang sexual preference ko,dahil sa tagal na nga naming magkaibigan ay wala pa itong nakikitang lalaki sa buhay ko.
Napagkamalan pa niya akong man-hater o minsan naman napagkamalan niya rin akong tomboy.
Well may mga nanligaw naman sa akin dati. Pero sadyang ganon talaga kapag hindi ukol di bubukol.
Eh sa wala naman talaga akong gusto sa kanila. Alangan namang paasahin ko sila sa wala.Mabuti na yong umpisa palang alam na nila para hindi na masayang ang oras ng bawat isa.
Ano game?
Ayoko nga!
Kaibigan ko naman yon, at katrabho ko siya.. Isa pa Architect siya, hindi naman kita ipapadate sa kung sino sino lang, eh alam ko naman na never been ka pa.. Trust me.
Nakangiti niyang sabi. Napatingin ako kay Rita, nakangiti rin ito at nakathumbs up pa. Napaisip ako.
Naku baka katulad na naman yan sa mga pinadate mo sa akin noon, baka hindi ko magustuhan..
Noon kasi ay marami na ring naiset na blind date sa akin si Sheena. May mukhang tanga. May tanga. May nerd. May madaldal. May ubod ng yabang. May ubod ng gwapo. At may ubod feeling gwapo. Naistress lang ako. At simula noon nadala na ako at ayoko na makipagdate pa kahit kailan sayang lang ang oras ko.
Subukan mo lang ulit, sige na.
Pamimilit ni Sheena.
Wala namang mawawala Ms. Yassi, subukan niyo lang po ulit. Gusto niyo samahan ko pa po kayo.!sabad naman ni Rita.
Napapailing ako. Bakit ba ang kulit nila. Napalunok nalang ako. At tumingin ulit sa dalawa.
Ok sige, basta ba tao yan ha!
Nakangiti ko ng sabi. Minsan siguro kailangan talaga lumandi ka paminsan-minsan, hehe. Mahabang panahon na ang ginugol ko sa pagburo sa sarili ko. Naging abala ako sa negosyo hanggang sa kasalukuyan kaya naman wala naman sigurong masama kung i want to break free.
Alright!! Tuwang-tuwang sabi ni Sheena. Iseset ko na kayo, tiyak matutuwa yon! Promise...
Lumayo na ito sa akin at naging busy na sa phone niya. Napapailing nalang ako sa kakulitan niya. Bumuntong hininga ako at itinuon ulit ang isip ko sa ginagawa.
Natext ko na siya. Mamaya ng 7:o clock ng gabi.Susunduin ka daw ni Andrei sa bahay.. Parang kinikilig na sabi ni Sheena. Mukhang mas excited pa ito sa akin.
Mamaya na agad.. Hindi ba pwedeng bukas nalang..
Hindi na pwede nakapagset na ano ka ba? Kaya dapat umuwi ka na ngayon at magbeauty rest ka muna,, para mamaya ready ka na.
Tinitigan ko siya.
Pagkuway tumayo nalang ako sa kinauupuan ko. Ayoko nang makipagtalo kay Sheena.Hindi naman ako nanalo sa kakulitan nito.
Naghabilin na lamang ako kay Rita sa mga gagawin sa shop. Maasahan ko naman ito at wala naman dapat pang ipagalala.
Nagbeso ako kay Sheena, bago ako lumabas ng shop.
Magpahinga ka, ha! Nakangiti pang sabi niya. Inirapan ko nalang siya. Kapag hindi successful ito hindi na talaga ako makikinig kay Sheena kahit kailan.
******
Sa kanto nalang ako nagabang ng masasakyan pauwi.Dahil wala naman akong kotse kaya magtataxi nalang ako.
Bawat taxi na pinaparahan ko ay hindi ako hinihintuan. Medyo naiinis na ako. Magbabayad naman ako, ah. Kung sana mapadaan man lang sana si Kaye.Lihim kong usal. Nakakatawa.Mukhang inposibleng mapadaan yon sa ganitong araw.
Hi Yass,!!
Natigilan ako sa kotse na huminto sa tapat ko.Nagulat ako. Hindi ko inaasahan na magkakatotoo agad ang lihim kong hiling.
Pauwi ka ba?
Hindi ako makapagsalita kaya tumango nalang ako.
Sabay ka na!
Ay hindi na Kaye, magtataxi nalang ako..
Halika na! Magiinarte ka na naman ba? Kelangan ba buhatin uli kita para lang sumakay ka..
Napatingin ako sa paligid masyadong madaming tao na naglalakad tapos may mga dumadaan pang sasakyan. Nakakahiya naman kung bubuhatin na naman niya ako.
Matalim ang tinging ipinukol ko sa kanya..
Oo na! Sasakay na! Sabi ko at nagmartsa na papunta sa kotse niya.
Pagkapasok ko sa loob ay nakangisi si Kaye.
Ngiting tagumpay? Sarkastiko kong tanong. Pero aminin ko natuwa akong makita na naman ang nakakainlove niyang ngiti na sinasabayan pa ng kislap ng kanyang mata.
Mag-seatbelt ka.!utos niya.
Hinagilap ko ang seatbelt at isinuot ito. Samantalang nakatingin lang siya sa akin. Medyo mali pa nga yong kabit ko, kaya inayos ko nalang ulit.
Pati ba naman sa pagseseat belt hindi ka marunong? Sabi niya.
Ano ka ba, inaayos ko nga di ba? Akala naman nito..!!!
Nakakaasar talaga. Anong akala niya sa akin tanga. tsk.! Nginitian lang ako ni Kaye. Inirapan ko siya at umayos na ako ng upo. Hindi na din ako umimik. Parang gusto kong bawiin yong wish ko kanina na sana makadaan siya para makasakay ako ng libre. Bonus na makikita ko pa siya. Nakalimutan kong hindi pala nabubuo ang araw namin nang hindi namin naaasar ang isat-isa.
Dahil sa sobrang traffic ay nagsoundtrip nalang muna si Kaye. Binuksan niya ang player niya at nagsimulang kumanta.
Samantalang ako ay sa labas ng bintana nakatingin. Ayoko tumingin sa kanya pakiramdam ko mamumula ako.
Ang ganda ng boses ni Kaye. Kaya naman nilingon ko siya at nakita kong nagvivideo siya.
I wanna know by Joe ang kinakanta niya. Kinanta niya na rin ito noon kaso hindi ko pa alam noon yung song. Nalaman ko nalang na iyon pala yon noong nagbrowse ako sa mga video niya sa Youtube. I admit nagustuhan ko ang kanta.
Nasurvive namin ang traffic na hindi na kami nagimikan. Kumakanta kanta kasi si Kaye habang ngdadrive kaya nakakahiya namang abalahin pa siya isa pa wala naman akong sasabihin.
Napatingin ako sa kanya nang bigla niyang ihinto ang kotse sa tapat ng Caudal Tea Shop. Pagkatapos wala man lang imik na lumabas ng kotse. Mukhang nakalimutan niyang kasama niya ako. Lumabas nalang din ako at sumunod sa kanya.
Nagorder siya pagkatapos ay bumalik din. Nanatili lang akong nakasunod sa kanya.
Bakit bumaba ka pa,?
Ah eh kasi..
Hindi ko tuloy alam ang sasabihin ko.Bakit naman kasi bumaba pa ako?
Pagkapasok sa loob ng kotse ay inabot niya sa akin ang isang baso ng infinity tea.
Salamat... Sabi ko.
Dapat kasi hindi ka na bumaba.. Ibibili lang naman kita ng maiinom...
Napatingin ako sa kanya. Saka ngumiti.
O eh bakit parang galit ka? Tanong ko.
Hindi na siya sumagot.
Hmmpp!!! Moody..!
Itinuon ko nalang ang sarili sa byahe habang sinisipsip ang inuming bigay niya. Nakakakilig na nageffort siyang ibili ako ng maiinom kahit hindi ko naman sinasabi kaso nakakainis ang kasungitan niyang gesture kanina.
========================================================
bayo_toopsie