Chapter 34 part 2
"Ellie! Ellie!" Sunud-sunod ang pagkatok ni Luisa sa silid ng kapatid. Kailangan niyang mailayo agad ito sa malalong madaling panahon bago nito mabalitaan ang naganap kanina sa company anniversary ng mga Monteverde. Ilang beses nang nasaktan ang kapatid at sa pagkakataong ito ay baka hindi na kayanin ni Ellie idagdag pa ang maselang kalagayan nito.
"Ate, grabe ka namang makakatok parang mawawasak ang pinto." Pupungas pungas na bungad ni Ellie, halatang naistorbo ito sa kanyang pagtulog.
Hindi pinansin ni Luisa ang sinabi ng kapatid. Dire-diretso itong pumasok sa kuwarto. "Where's your passport?" Nagmamadali niyang tanong.
"Nandiyan sa drawer." Parang wala sa sariling tugon ni Ellie sabay upo nito sa gilid ng kama habang pinagmamasdan si Luisa na binubuklat ang kanyang passport.
"Mabuti pala hindi pa expired ang visa mo sa Australia."
"Huh?! Visa sa Australia?" Naguguluhang tanong ni Ellie, hindi niya maintindihan ang ikinikilos ng kapatid.
"Tayo, napagdesisyunan namin ng kuya Ric mo na mas makakabuti kung sa Australia ka namin dalhin."
"Wait ate, I don't understand...I know something came up kaya nagbagong bigla ang mga plano natin." Tuluyan ng nawala ang antok ni Ellie.
"Basta Ellie makinig ka lang sa akin, hindi ko kayo ipapahamak ng anak mo."
"Alam ko naman yun ate pero may karapatan din naman akong malaman kung bakit biglang nagbago ang mga plano natin."
"I'm gonna explain it to you when we get there. Sa ngayon gusto kong sundin mo muna ang sinasabi ko."
"Alam na ba ni Dale Rafael?"
Biglang umilap ang tingin ni Luisa. "H-Hindi pa, pero ako na ang bahalang magsasabi sa kanya."
Nararamdaman ni Ellie na may mali sa mga nangyayari ngayon, naninibago siya sa kanyang ate dahil ito ang klase ng tao na pinag-iisipan ang bawat desisyon. Kaya naman talagang may pagdududa siya na may nangyayari na hindi niya alam.
"Ate, paano ang hospital naka..."
"Nakausap na ng kuya Ric mo ang magiging doctor mo sa Sydney. Kaya wala ka ng dapat ipag-alala." Hindi na pinatapos ni Luisa ang sasabihin pa sana ni Ellie.
Tumango na lamang si Ellie ayaw niyang makipagtalo sa kapatid ngunit sisiguruhin niya na bago sila umalis ay malalaman niya ang dahilan ng biglang pagbabago nito ng desisyon.
"Papupuntahin ko ngayon si Lilay dito para tulungan kang mag-ayos ng mga gamit mo." Sabay talikod nito.
Nang makalabas ang kapatid ay nagmamadaling kinuha niya ang telepono. Kailangan niyang makausap si Dale Rafael, ang usapan nila ay sabay sabay silang tutungo ng Amerika. "Oh God, please answer your phone." Bulong niya sa sarili habang nagriring ang telepono nito. Nakailang beses pa niyang sinubukang tawagan ngunit walang sumasagot sa kabilang linya. Naisip niyang magsend ng message dito ngunit ilang minuto na ang lumipas ay wala pa ring reply. Nang mapadako ang paningin niya sa kanyang laptop ay agad niyang inabot ito at binuksan ang email. Mas makakabuti kung padalhan niya rin ito ng email para kung nawaglit man nito ang telepono ay mababasa nito sa email ang message niya.
Napakunot ang noo ni Ellie ng mabasa sa inbox niya ang pangalan ni Martina. Nang buksan niya ang email ng babae ay may nakaattached itong video clip. Out of her curiosity she clicked the file. Halos hindi siya makakilos habang pinapakinggan ang sinasabi ng matandang lalaki, alam niyang kuha ito sa company anniversary ng mga Monteverde. Namalayan na lamang niyang tumutulo ang mga luha habang nakatitig sa screen ng laptop niya. Ilang segundo lamang ang video pero kuhang kuha ang kabuuan na gustong iparating sa kanya ni Martina.
"Ellie, nakita mo ba yung..." Hindi naituloy ni Luisa ang sasabihin ng makita ang hitsura ng kapatid, agad niya itong dinaluhan. "What's wrong?" Nag-aalalang tanong niya habang pinupunasan ang mga luhang patuloy na naglalandas sa pisngi ng kapatid.
"Ate, napanood ko ang video." Humihikbing sabi ni Ellie. Pakiramdam niya ay hindi siya makahinga ng mga sandaling yun.
"Anong video? Will you please stop crying...hindi makakabuti sa inyo ng baby mo yan." Natataranta na rin si Luisa sa nakikita na hitsura ng kapatid, namumutla na ito at parang hinahabol na rin nito ang hininga.
"Lilay! Lilay! Magdala ka ng tubig dito!" Natatarantang utos nito sa katulong.
"Ellie, calm down okay." Patuloy niyang hinahagod ang likod ng kapatid.
"Ate, may pinadalang video sa akin si Martina." Parang bata niyang sumbong kay Luisa.
"Uminom ka muna ng tubig." Mabilis na inabot ni Luisa kay Ellie ang isang basong tubig na tangan ni Lilay. At nang maobserbahan niyang medyo nakakabawi na ang kapatid ay hinablot niya ang laptop na nasa harap nito.
Pilit na pinipigilan ni Luisa ang galit. Ang video na pinadala ni Martina ay ang announcement ng nalalapit na kasal nito kay Dale Rafael.
"Ate, iyan ba ang dahilan kung bakit nagmamadali kang makaalis tayo?" Malumanay na ang boses ni Ellie, unti-unti na niyang nakokontrol ang emosyon.
Marahang tumango si Luisa. "Ayaw ko muna sanang sabihin ito sa'yo hangga't hindi nasisiguro ang kaligtasan ninyong mag-ina dahil alam kong makakaapekto ito sa kalagayan mo ngayon."
"Kailan tayo aalis?"
"Inaayos na ng kuya Ric mo ang ticket natin. Maybe tomorrow after lunch nasa Sydney na tayo."
"Okay." Ipagkakatiwala na lang muna ni Ellie ang pagdedesisyon sa kanyang ate dahil alam naman niyang ang tanging hangad nito ay ang kaligtasan nilang mag-ina.
______________________
A.N.
Please don't forget to vote and leave your comments :D
Thank you ^ ^