A.N.
Another UD guys... Medyo sinipag lang ako today.. ^ ^
Please don't forget to vote and leave your comments :)
__________________
Chapter 10 part 1
Ipinaalam ni Ellie sa kanyang kapatid na gustong makipag-usap sa kanya ni Dale Rafael. Talagang nagulat siya ng makatanggap ng tawag kay Xander at sinabi nga nitong gustong makipag-usap ng kaibigan sa kanya.
"Bakit kailangan mo pang makipag-usap sa lalaking yun?" Pigil ang galit ni Luisa.
"Ate, gusto ko nang matapos ang lahat. Trust me, this time hindi na ako maaagrabyado ng lalaking yun." Pagbibigay assurance ni Ellie.
"Bahala ka, pero huwag mong hahayaan na muli kang saktan ng walang hiyang yun." Sa totoo lang ay sukdulan ang galit ni Luisa kay Dale Rafael at kung siya ang masusunod ay hinding hindi na niya muling palalapitin ang kapatid dito.
"Ate, bahala ka muna kay papa baka kasi magtagal ako ng dalawang araw sa Manila may mga kailangan din akong bilhin."
"Don't worry about him baka bukas makakalabas na rin daw siya. Puntahan mo na rin ang OB clinic na ito." Sabay abot ni Luisa ng business card. "Dra. Vergara is my friend and I already recommended you to her. Huwag kang babalik dito ng hindi nagpapacheck-up Ellie." Mahigpit nitong bilin.
Magaan ang pakiramdam ni Ellie ng umalis ng Candelaria at ngayon magkikita silang muli ni Dale Rafael ay wala ng takot o kaba siyang nararamdaman. Hinanda na niya ang kanyang sarili sa mga masasakit na salitang maaring marinig niya mula dito.
Naputol ang pagmumuni-muni ni Ellie ng marinig ang boses ng kasamang driver.
"Ma'am sa Acropolis po ba ang tuloy natin?" Magalang na tanong nito.
"Manong, sa Ortigas po muna tayo." Ang sabi sa kanya ni Xander ay dinner time ang inischedule ni Dale Rafael para mag-usap sila.
"Ma'am, akala ko po mamayang gabi pa tayo sa pupunta sa Ortigas."
"Ngayon na po para pag-uwi natin makapagpahinga na tayo." Nakangiting tugon ni Ellie. Ayaw na rin niyang ipagpaliban pa ang pakikipag-usap kay Dale Rafael.
Pagdating sa Monteverde building ay hindi naman siya nahirapang makapasok dahil ng sabihin niya ang kanyang pangalan sa guard na naka duty ay agad siyang pinasamahan nito sa opisina ni Dale Rafael. Kahit nagtataka ay nakiayon na lamang siya sa pagkakataon.
"Hi, good afternoon. I'm Ellie Rodriguez nandiyan ba si Mr. Monteverde?" Nakangiting bungad ni Ellie sa secretary ni Dale Rafael.
"Kayo po pala si ma'am Ellie." Humahangang pinamamasdan nito ang kaharap.
"D-Do you know me?" Nakakunot ang noo Ellie, nagtataka sa ikinikilos ng babae.
"Ngayon ko lang po kayo nakita, pero nabanggit na po kayo sa akin ni ma'am Althea. Ibinilin nga po niya na kapag pumunta kayo dito asikasuhin ko kayo."
Napatango na lamang si Ellie, kaya naman pala sa ground floor pa lang ay agad na siyang inasikaso ng malaman ang pangalan niya. Kahit hindi pa niya personal na nakakaharap si Mrs. Monteverde ay napagtanto niyang mabait ito.
"Ma'am, tuloy na po kayo sa loob wala namang bisita si sir." Inalalayan pa nito si Ellie at ito rin ang nagbukas ng pinto para sa kanya.
"Thank you." Nakangiting tugon ni Ellie.
"Cristy, I've told you na hindi ako puwedeng istorbohin." Reklamo ni Dale Rafael ng maramdaman niyang bumukas ang pintuan, masyado itong busy sa pagpirma ng mga papeles na nasa harapan kaya ni hindi tiningnan kung sino ang pumasok.
"I know you're busy but I don't have enough time either. Kailangan kong bumalik agad sa Candelaria." Mababakas ang kaseryosohan sa boses ni Ellie.
Nang marinig ni Dale Rafael ang boses ng bisita ay mabilis niyang tinapunan ng tingin ito. "Ellie, what are you doing here? Xander didn't inform you about the time?" Nagtatakang tanong niya, hindi niya rin alam kung paano nakapasok ito sa building nila ng walang nag inform sa kanya.
"Hindi sa lahat ng pagkakataon ikaw ang masusunod kung saan at anong oras tayo mag-uusap. Ano ba ang mahalaga mong sasabihin at pinaluwas mo pa ako?" Napapailing si Ellie habang nagsasalita dahil hindi man lang siya inalok nito sa maupo kaya kahit walang pahintulot nito ay hinila niya ang silya na nasa harap ng mesa.
"It's about my proposal... nakapag-isip ka na ba?"
"Ano ba talaga ang gusto mong mangyari?" Namumula na sa galit si Ellie ng mga oras na yun.
Hindi maintindihan ni Dale Rafael ang sarili dahil tuwing nakikita niyang nagagalit ang dalaga ay natutuwa siya. "I'll give you 10 million at babayaran ko na rin ang loan ng papa mo sa Monteverde Bank huwag mo lang ituloy iyang pinagbubuntis mo."
Dahil sa galit ay biglang napatayo si Ellie at ng makalapit sa kinauupuan ng binata ay agad niya itong sinampal. "You're a jerk! Kahit ibigay mo sa akin ang kayamanan ng buong pamilya mo kapalit ng anak ko ay hinding hindi ko tatanggapin!"
"Ellie, lahat ng bagay dito sa mundo ay may katapat na halaga. Tell me if the 10 million pesos is not enough."
Pinukol ng matalim na tingin ni Ellie ang binata, hindi siya makapaniwala na may ganitong klaseng tao. "I don't need your money! One of these days pagbabayaran mo ang lahat ng ito." Sabay talikod ni Ellie wala ng dahilan para magtagal pa siya sa teritoryo nito. Pero sa kanyang pag-alis ay sinisugarado niya na tuturuan niya ng leksiyon si Dale Rafael hindi na niya hahayaan na may mga kabaro pa niyang mabiktima nito.