سجينه ابليس(مكتمله)

حلقه٤٦

خابرت على سلطان هم ميرد .....قررت اخابر على ادريس واطلع وياه لديالى ...اروح لبيتي قابل يطردني
أبني بحاجتي صح اني متألمه بس أبني بحاجتي ...

هستوني داريد اتصل ب ادريس دكت أمي علية ....جاوبتها ....

رواسي:هلا أمي اشلونج فجر اشلون صارت
امي:بنتي فجر بحاله موزينه ...حاله تبجي الكافر عليمن ادعي ....

رواسي:تصرف بنتج غلط .....
أمي:همزين أنتي يمنا ...اختج سقط جنينها ...والعوض ب الله
رواسي:فجر تطلقت شتعوض؟ ترة غياث ينرادله زلم يدكوة دك حتى يعرف الله حق بس محد واكف بوجهه عايفيه براحته واني بالنسبه الي راح اخلي بنت فجر يم ريتاج واروح

أمي:وين ترحين ؟
رواسي:لرجلي ...
أمي:رجلج خابر ابوج رايد يطلكج .
رواسي:شنو سلطان يطلكني ليش شمسويه أني
أمي:دنجبي خلصي منه من أجتي ولا منج شكو لازمه بي
رواسي:اله اروح اله اريد افهم ليش هيج يتصرف...اني احبه وبيناتنا طفل ....

رواسي/سديت اتصال ويه أمي...رفعت اتصال ويه سلطان ...واتجاهلني مارد ....مرة....مرتين ...٣مرات زهقت... رجع خابرني ...

سلطان:شتريدين ...
رواسي:رايدتك انت وابني
سلطان:قبل ساعه خابرت ابوج واعتقد وصل الخبر الج ؟
رواسي:انت تريد تهد كلشي بينا ...تريد تنهي كلشي ها
هالكد سهله عندك ....احجي اني راح اجي اتحمل وجع رجلي واجيك ماعوفك

سلطان:واني ماريدج ولاتجين وابني الي مو الج .....

محتاجه روحي سفر
للمايعرفوني
وكون امشي جوه المطر
حد ما يطيح التعب التارس متوني
محتاج واهس ضحك
من ناس تضحك صدك جدد على عيوني

رواسي/ممكن بلحظه بسبب أو بدون سبب كلشي بالحياة ينتهي ....احيانا الانسان يدفع ثمن شي هو ماارتكبه ...

(اذا سقط الاحترام ....سقطت جميع الروابط التي تربطنا)....هاي مقوله سلطان ....اني نزوه عندة
اني اخذته من زوجته ....وهو اخذ فرحتي ....لهنا واني صرت معلقه كلمن حاير بروحه ....

فجر ......رواسي .........القضية لم تنتهي بعد

النهاية ....لهنا ونختم الجزء الثاني ....ان شاءالله السبت الجاي نبلش بالجزء الثالث على الاغلب .الله كريم

رواسي...؟
فجر........؟
واكو شخصية ثالثة راح تظهر بالقصة.....

القصه حقيقة وبيها عبر
شستفاديتوا من هالجزء ..