الحلقة٧٣من #سجينه_ابليس بقلمي #الكاتبة_شهناز_الخزعلي #جيمن_جلال
هلي لو بيدي اعاتبكم..
هلي كل التعب منكم..♡
ناي/ طل الفجر كعدت امي وخالتي مالكو بيبيتي بالبيت ...طالعه ..وجدي متخبل لان ركبت راسها وراحت لبيت خالتي ببلد راحت لزوجها ....خالتي صباح كلش تمرضت بهذيج الفترة ذبلت ....
فخرية/رحت هناك لبلد صايله دكيت الباب فتحلي ابنها الثاني دخلت الجو حار يكتل كتل.....كعدت جابتلي مي بنت صباح...جريتها من ياخه هدومها وكتلها "
فخريه:ابوج وين؟
_بيبي هسه جايج....
فخريه اجه زوج صباح وكفت كباله وكتله بتهديد:اسمع
صباح حال الضيم حالها وتريد جهالها واني جيت اخذهم واذا حجيت شي اجيبلك الشرطه والخلقني ....
_اسمعي حجيه انتي تهجمتي عليه اني سكتت وكل السويته اخذت جهالي .....جان اكدر اسوي شي بس اني احترم حجي يعقوب ...ولدج هم تهجمو وسكتت
فخريه:اسمع مالتجي مدوهن بنتي وجسمها دانات من الضرب والبنيه ماتحجي شي ساكته عبالك محد الها
_كلشي يصير بين الرجال ومرته
على العموم اخذيهم الجهال واني يومين واجي اخذ صباح
فخريه:تهديدي وياه نفع .. اخذت الجهال ورجع لبنتي
صباح اول ماشافتهم ضلت تركض وتشبك وتشمشم
ناي/هنا واني رجع صديقي انمار ههههه راح اشبع لعب وياه ...
زوج خالتي اجه اخذها لبيتهم ببلد واحنه رجعنا لبيتنا بس.
وره ٧اشهر بالضبط صارت مشاده بين خاله وزوجها بس
تحملت وبلعتها الرجل القاسي نقمه وبنفس الوقت من تكون زوجته تحبه وماتكدر تفرط بي وحنينه واهلها يحبوها
وبيوم جانت خالتي صباح فوك بالطابق بالسطح تشر ملابس على الحبل ....وسمعت ولد يصيح ...على ابنها مصطفى الكبير
_لك مصطفى ابوك ديتعارك وصارت بالسجاجين ونضرب براسه الحك
صباح من سمعت بهالشي نزلت بسرعه من الدرج ووو زلكت رجلها ...وكعت ونضربت براسها صارت شبه معلوله ومنتهيه .... ويه الايام طبعا زوجها وين يحير بيها بشغله ...صبره قليل رجعها هيه وجهالها لصلاح الدين ....وفخريه تهين وتضرب بالاطفال
مني من جانت تاخذنا تشبع بجي على خالتي ويه لمه خالاتي وجهالهن بس اني افرح بوسط كل هالمصايب افرح لان العب ويه انمار.....بس خالتي بدت تنحف من القهر ....وتتعب هنا وخالي شاد ويه زوجها كل مايجي يطرده ...وزوجها يغيب وعايف جهاله فترات طويله بدون مايشوفهم وبيوم من الايام الصبح اجانه خبر وفاه خالتي صاعقه...صدمه كبيرة وافاها الاجل وراحت مثل الحمامه يم رب العالمين ...انمار واخوته شبعوا ضرب واهانه من بيبي فخريه وشالتهم وشمرتهم على ابوهم ...يعني بعد ماكو انمار .....
وتباعدنا ....والحقد والكهر الي بداخل بيبيتي لزوج خالتي زاد يوم عن يوم تعتبره سبب بوفاة بنتها صباح
يكلك الام تنكسر بعد فقدان احد أبنائها بس بيبيتي فخريه تكسر وماتنكسر موشي ايجابي بس تكسر خواطر
مرت الايام والسنوات واني مشايفه انمار حتى بيت جدي اعتبرو جهال بنتهم غرباء وضلو يسمعون عنهم من بعيد ل بعيد ....بس عمه انمار اخت ابوه اسمها(جنان) جنان ساكنه بصلاح الدين جانت حيل تحب بيبتي وجدي...ودوم تزورهم ...ماعرف ليش بيبي فخريه ما اكلت كلبها لجنان ههههه جنان تتردد ومرات من تصدف روحتي بيت جدي الكاها جايه هيه وولدها ٣تباوع الي وتكول "يهنيال انمار بيج .....واني اخجل جان كل عمري١٤سنه وهالسالفه طشت ياهو اليشوفني مايصيحني ب اسمي بس ب اسم انمار....
يهنياله الفتح عينه
ولگه عيون التحبه وياه
اني وحزني كاس وليل
لاينساني .. لا انساه
ركض بيه الوكت.. والشيب
چا يمته الفرح الگاه
انمار......________رايكم
لاتنسوا لايك نجمه
تحياتي #الكاتبة_شهناز_الخزعلي #جيمن_جلال
YOU ARE READING
سجينه ابليس(مكتمله)
Romance.جابوها دفع للدار= = لاديرم ولاحنه ولاصفكه = = ولادف النعر بالسلف لاهلهوله لاملكه== سألت الناس عن قصة هالبنيه == شعجب جاروا عليها بغير حنيه ورديت بكلب حزنان من كالوي فصليه العنت ظلم التقاليد بالف حركه عمنها الاخضر الهرفي بسعر اليابس تحركه احديثه ا...
