الحكاية الخامسه .....الضحية الخامسة ....ناي ....
اهو حب ..ام وهم ....ام حقد
نحن من نصنع الحب أم الحب من يصنعنا ...شنو هاي الدوامه العميقه الي وكعنا بيها مانفهم اولها من أخرها
شبدلها الدنيا وشح لونك
وبعينك غفله شبدلني .!
يا رخص الحلفان وحچيّك
چا موش انه المامش مني
موش انا الـ من تسمع صوتي
تورد ضحكاتك وتغني .!
البشر ؟بشر ....مع حذف حرب الباء ويبقى شر ....
اني ناي من صلاح الدين مواليد١٩٩٢ عائلتي تتكون من سرمد اخويه ١٩٨٨ وأختي ايات ١٩٩٠ ....
وامي وابويه .....
عندي ٢خوال ياسر ...وطه
و٢خالات ...ماجدة وصباح ...ماجدة للاسف ماعندها اطفال ....صباح عندها ٤ولد وبنت ١... ومن ضمن ولدها انمار مواليد١٩٩١ ......بعمري تقريبا ،انمار هذا بحد ذاته قضية
خالتي صباح علاقتها كلش قويه ويه امي واني و انمار
مثل توم وجيري عرك ،لعب اطفال جنت اضوج من اشوفه يلعب ويه جهال خوالي ...خالتي صباح حيل مره طيبه ومحبوبه وطبتها علينا خير وبركه ...انمار جان طفل هادئ عزيز النفس نحس وخبيث ويايه يزعلني لمن يلكه ولد الجيران يلعب وياهم ومن يرحون يجي يصالحني...قلق نفسي ..بعيد ميلادي يفتح هدايا قبل ماافتحهم ...بيتنا احنه بوسط بستان وبالبستان اكو افاعي وحشرات جنت بوقتها اجيب العابي مالطبخ واخذ من اوراق الاشجار عود اكل اجه انمار كال طبي جوه اكو حيه بره بالبستان يله ناي...اني تخبلت هالحجي وكل عمري٧سنوت دخلت حبست روحي بالاستقبال وضليت اخاف ..اخاف تجي تموتني ...عقل طفولي ...تعودت على انمار ،بابا جان ياخذنا نروح ناكل ايس كريم احنه وجهال عمي وبالطريق جنا نشوف سيارات حديثه موديلها عالي ...بس اني طفله ماافهم بهالشغلات مالسيارات ..مالولد عكس انمار ولد واله معرفه وواهس بالطوبات ...جنا كاعدين سوه بالسيارة
انمار باوعلي وكال"
انمار:اكلج شايفه هاي السياره النيليه العاليه
ناي:اي
انمار:هاي الي ورانا ..
ناي:شبيها
انمار:هاي ديلحكونه يردون يخطفوني عصابه
ناي:يييمه صدك والله اخاف عفيه كلش خفت والله اكول ل بابا
انمار:لج لا ياعوبه ماكو شي اش اني هنا .....
(قمه الغباء مووو عالم الطفوله)...
وراحو بيت خاله صباح من يمنا .....
وبيت جدو ماله طعم من نروح اله ...وبيوم من الايام جان جدي مسوي عزيمه كبيرة وكل العائلة مجتمعين يمهم ...امي حجت ويه ابويه وكوه اقتنع نبات بيت جدي ووافق..رحنا هناك البستان مالبيت جدي الجو يخبل ...بس هالمره خاله صباح ماكو ....كل مره تجي قبلنا سمعنا بمشاكل بينها وبين زوجها....مشى اليوم اعتيادي بس اتفاجئنا بدخولها بالليل هيه والجهال وزوجها ضل يدردم وصياح وعراك ويه خوالي
مندري شمو الصاير وجدي يهدي الوضع...أمي ضلت تهدي بخاله واني وانمار نلعب سوه بس احنه هم نحس بوجع الكبار رغم صغر عمرنا ...
ثاني يوم كعدنا على صياح خالي ويه خالتي ....اثاري زوج خالتي بعد ماطلع من بيت جدي من وصلها هي والجهال بوكتها خالي تنرفز طلع وراه وشبعه بسط وهذاك زوج خالتي حلف يطلكها....
رجل يتبطر على نعمه الله... ومايعرف قيمه زوجته الصاينته هاي اكثر حاله ديعيشها مجتمعنا .....
بوقتها ثاني يوم احنه رجعنا لبيتنا وخالتي ضلت بيت جدي هي والجهال ...بيبيتي بطبعها قاسيه انانيه ماتريد ولد الغريب الي همه ولد بنتها تركيبتها عجيبه ومحد يتحملها جانت تضرب وتعض الاطفال وكله بالحديد مالسجين على جسمهم دك بالعودة لحد ما ينفت كلب خاله على اولادها_______يتبع
رايكم لاتنسوا لايك +نجمه تحياتي #الكاتبة_شهناز_الخزعلي #جيمن_جلال
YOU ARE READING
سجينه ابليس(مكتمله)
Romance.جابوها دفع للدار= = لاديرم ولاحنه ولاصفكه = = ولادف النعر بالسلف لاهلهوله لاملكه== سألت الناس عن قصة هالبنيه == شعجب جاروا عليها بغير حنيه ورديت بكلب حزنان من كالوي فصليه العنت ظلم التقاليد بالف حركه عمنها الاخضر الهرفي بسعر اليابس تحركه احديثه ا...
