سجينه ابليس(مكتمله)

حلقه٦

مرهقه وكأني عشت الف عام ، بألف شخص ، بألف ألم...
الجميع يرى بأن حكايات تستحق الكتابة وانا أرى أنها تستحق ألعن .

رواسي:لاخلاص ماريدك عوفني
سلطان:اذا رحتي ...اكدر اطلع عنوان بيتج واعرف كلشي عنج من النفوس ...كلشي اكدر اسوي .....

رواسي:شهالحجي؟تتشاقه مو
سلطان:لاا ويايوم اني اتشاقيت وياج؟
رواسي:شنو هاي تهديد مثلا
سلطان:غير اني احبج
  رواسي:انت لوتحبني ماتتركني ..ماتتجاهلني وانت تدري شكد احبك.
سلطان:انتي الي وبسس وشتريدين اني حاضر
رواسي:انت كلت ل ماما تجي انت وامك مو؟
سلطان:اي
رواسي:لعد تعال ؟امي جاي تسئل عنك تأخرت تره حبيبي حس بيه افهمني حبيبي اهتم بيه اني هم بنت واول مره احب ومن حقي اعيش هاي اللحظات ....
سلطان:حياتي رواسي خل اكولج شغله
رواسي:كول حبيبي ؟
سلطان:اني هاي فتره اختفائي جنت مسافر
رواسي:مسافر؟
سلطان:اي  
رواسي:وين وليش ماكتلي؟
سلطان:امي اتمرضت ووديتها هناك مستشفى ب ديالى 
حالتها متأزمه ف طلعتها للخارج وهم راحت شافت اختي وعفتها هناك ورجعت وحدي.....
رواسي:ليش مارجعتها وياك؟
 سلطان:هيه تكول ترتاح هناك يم اختي وأطفالها
رواسي:واني شنو ؟
سلطان:انتي شبيج؟
رواسي:وشوكت تجي غيبتك طولت
سلطان:من ترجع امي ان شاء الله كم شهر
رواسي:سلطان تحجي صدك تريدني انتظر كم شهر ...مو اني كتلك خلي نفترق
سلطان:لعد تريدين اجي لوحدي؟؟
رواسي:ميهمني عندك خالات،عمات
سلطان:كتلج اهلي بالخارج وعماتي واهل أبويه مااندك بيهم لان ميحبوني ولايحبون الي الخير ...حبيبتي اكو بس حل واحد؟
رواسي:وهو؟
سلطان:اجي لوحدي اسلم على اهلج واشوفج
رواسي:ماشي اكول ل اهلي
سلطان:يله حبيبتي اني اروح ارجع للبيت
رواسي:ماشي .

رواسي/انزعجت كلش من كلام سلطان شنو سافرت امه   ... و شنو عنده استعداد يجي لوحده ...طلعت من غرفتي ....لكيت باب غرفه ادريس مفتوح ويمه زاهر كاعد ...جريت نفس هممممم....يمكن حسدتهم..على كعدتهم سوه....عفتهم نزلت كم درجه وكعدت على الدراج ...دكيت اتصال على فجر
فجر:هلو
رواسي:هلوات شبيج ....شو هلو
فجر:البيه مكفيني؟
رواسي:شكووو ؟؟
فجر:غياث رجع يتواصل ويه هذيج الحقيرة
رواسي:قصدج علا
فجر اني لو ادري شنو تريد من زوجي و شنو تريد مني؟
رواسي:احجي ويه غياث اخاف بيج قصور وانتي مامنتبهه؟

فجر:كل الي اعرفه غياث ديخوني.....يله اني رايحه اجه.....

رواسي/يمكن بداخلي انكسر شيء ....معاناه فجر دتقلقني؟ اخذت صفنه

وادريس طلع من غرفته لابس سماعات وباايده فون....  وايد الثانيه ديدخن سيجاره ...

ادريس:ها شبيج كاعده على الدراج صافنه ؟جنج مكديه ههههه

رواسي/باوعتله وكلت بداخلي هه...لخاطر الله عفيه ادريس شكد بطران...مدرت بال اله عفته ومشيت ....
رحت ل امي جانت دتشوي طرشي شوندر...طرشي احمر يمممه شكد احبه....هيه وجاي تشتغل اني وكفت يمها وضميت ايدي بضهري...