الحلقة(٦٣)من القصة الحقيقية #سجينه_ابليس
بقلمي #الكاتبة_شهناز_الخزعلي #جيمن_جلال
حرير:كعدت ابجي وطول الليل سهرانه.....دكت علية فجر ب٢بالليل...استغربت....رفعت الاتصال وكلت"الو_....
فجر:هلا خية شلونج؟
حرير:رغم استغرابي من اتصالج بهذا الوقت بس اجه بوقتة هذا الاتصال....رواسي وين؟
فجر:وين ما ادري وجهي سودة مصخمة...رواسي لازمة ذبان وجهها وتتعارك وياة وانتي هنا كالبة خلقتج ...
حرير:مو بيدي اني اخس نفسي تايهه ومحتاجه الي يدليني ويوجهني
فجر:انتي اكثر وحدة محظوظه وعندج حظ بعدج كلش ب اول الطريق لاتخسرين وتوكعين هالوكعة ...الرجال مالهم امان جذب تبكين واحد خير الا ما ندر
حرير:تصرف رواسي وتجاهلها الي خلاني اخذ موقف واني هم راح ابتعد مو متر عنها الف متر ...
فجر:باوعي كل وحدة من عندنا الها بلوه وهم ومظلومية خاصة بيها ... كل وحدة همها لون ...سعد لاعب لعب من ورة رواسي وامي جاي تهدأ بيها وهيه قافله ماريدة وماريدة ....يله حبيبه اعوفج تنامين سطرت راسج سطر بالحجي
حرير:اي هلافجر ....
حرير/غلقت الاتصال من فجر مالكيت حل غير ابلل المخدة بدموعي واستسلم للنوم ....ثاني يوم طلعت رحت لدائرة الجوازات جوازي متوقف ....ومنا كورونا كمامات وكفوف والعالم مختنكة من حبسة البيت وصلت هناك كعدت بقاعة الانتظار لحد مايصيحون اسمي بخصوص الاجراءات ....باوعت لبنية كاعدة وحدها صافنه لازمة علبة عصير داليا تطبب وتطلع بالقصبة مالة من شي كأنها تحرك مشط رجلها ب استمرار ...وترتني ضليت اباوع الها ...حتى بلحظه وحدة اجت عينها بعيني ...درت وجهي كمت ..فتت من يمها داريد اروح اسئل على معاملتي لزمت أيدي ...
باوعت الها ب استغراب ...لمدة ١٠ثواني وسحبت ايدي ....عقمت بالمعقم ...البنت الي مقابيلي نزعت كمامتها وباوعت وكالت"
_شوفي معاملتج وعندي الج سؤال ...
حرير /أستغربت من طريقة كلامها ...التفتت لطريقي ومشيت بهدوء ...رحت سالت رجعت لنفس المكان لكيتها ماكو ...اتلفتت لكل جهات القاعة مالكيتها....ماعرف ليش ضل عندي فضول اعرف شنو رادت تسئلني ...معقوله كرايب عماد؟ يوووووووه شبيج حرير ...شنو عماد مسيطر على تفكيرج .....
طلعت بعد ربع ساعة وكفت بالكراج شفت واحد يصيح كروة لمنطقتي والمناطق المجاورة صعدت كعدت واني بالي كلة يم هاي البنت ؟ ضليت تقريبا ٢٠دقيقة ننتظر الركاب يكملون حتى ابو السيارة يطلع بينا ...اخر راكب ياسبحان الله صعدت هاي البنية باوعتلها ابتسمت ...جنت كاعدة بالاخير والمقعد الاخير هو الفارغ .....
ضليت حابه اعرف شنو السوال ....كتلها"
حرير:شنو ردتي تسئليني ؟من احنا بالدائرة؟
_اذا وحدة وكعت بمصيبة والعالم اخذت عليها علامة بعد متروح مو؟
حرير:شبيج؟ شصاير وياج ...
_الصار ويايه موسهل ..شيء صعب ينحجي ....لو وحدة بمكاني ماتظل واكفه على رجلها طول هاي السنوات.....
حرير:أنتي شسمج؟
_اني أسمي غدير
حرير:اهلا واني حرير .....
غدير:عاشت الاسامي كلبي ....اعتقد وصلت لازم انزل
حرير:وين .....حابه اتواصل وياج شلون وين الكاج؟
غدير:هذا حساب فيس الخاص بيه
حرير/ابتسمت وهديت راسي ب اي بعد ماشفت صوره الاكاونت الخاص بيها .....غدير نزلت من الكية ...واني كبل كنكت على الانترنت وطلعت حسابها دزيتلها طلب ....رجعت ذبحت التليفون بالجنطه...دقيقتين ودك اتصال اتوقعتها غدير بس آآآآآآه شكد بالي مشغول صح اني اخذت فيس مو رقم ...فتحت الجنكه لكيتها رواسي.....ضل يدك ...يدك واني مغلسة ....سويت التليفون سايلنت ...رجعت للبيت ....تعبانه تغديت ونمت وكعدت فجر دكت عليه المغرب فتحت اتصال"
__الو ......حضرتج ليش ماتجاوبين وتنطين رفض ؟
....حرير/اه هذا صوت رواسي دتصيح بوجهي .....
عقجت حواجبي ....
حرير:اي انتي ليش تعيطين بوجهي .....وبعد وكت
رواسي:اه شبيج خاتون شكوو؟
حرير:تعبانه رواسي
رواسي:اوي حابتلها المحقق توكوماري هو واحد مهتلف....
حرير:سنوات ...ترة مو يوم ويومين
رواسي:خابري ....
حرير:اخابرة ....؟اني اخابره
رواسي:اي اتنازلي .....شوية
حرير:لج شبعت تنازلات لحد ماطاح حضي ......
رواسي:الحب مابي كرامه
حرير:اكلج عيني سندس اروح اتعشى احسن ....
حرير/سديت الاتصال والغضب بداخلي كبير....مشيت خطوتين اقل من دقيقه وهاي الدقيقه افكاري تتراطم ..اخابر عماد لولا ...اخابرة لولا
بهالاثناء دك اتصال ....ترن ...ترن______يتبع
رايكم
تحياتي #الكاتبة_شهناز_الخزعلي #جيمن_جلال
نظام هالقصة اجزاء قصيرة لاتنسوا لايك ونجمه
YOU ARE READING
سجينه ابليس(مكتمله)
Romance.جابوها دفع للدار= = لاديرم ولاحنه ولاصفكه = = ولادف النعر بالسلف لاهلهوله لاملكه== سألت الناس عن قصة هالبنيه == شعجب جاروا عليها بغير حنيه ورديت بكلب حزنان من كالوي فصليه العنت ظلم التقاليد بالف حركه عمنها الاخضر الهرفي بسعر اليابس تحركه احديثه ا...
