سجينه ابليس(مكتمله)

حلقه٨

رواسي/فجر يمنا...وغياث ابد ما سئل عنها وسلطان غايب مختفي قريب ل اسبوع .... رجع من السفر وو قرر
ان نسافر سوه...سفره عطله ويخلص من الضغوطات العياده .....واني جنت ابد مامستعده للسفر نفسيتي كلش تعبانه ....سلطان حطم نفسيتي خنكني ....
عيوني ماتنشال من التليفون وعصبيه ....
بنفس الوقت فجر وافقت تسافر ويانه الان اي طريق غياث ما بقى خط للرجوع ....

بابا فيز للسفر لتركيا.....ضل يخابر ويحجز وهيج بسرعه...بسرعه صار سفرنا الظهر ....و جانت أجواء صبح الكل ملتهي يحضر الجنط واني بغرفتي اتصل على سلطان واريد بس يجاوبني.....سلطان ملاحظه شغله عليه....هو بس يخابرني ومن اني اخابره مااحصله ابد مايدك...إراسله ع واتساب مايوصله شيء
مغلق ....يمكن خاللني القائمه الحضر وكم مره سئلته يحلف محاضرني..معقوله عافني وراح... لو يريد يروح جان من المفروض يكول ....كلبي احترك ياربيي ليش هيج راح سلطان بدون مايكولي ....من شافني وراح .

وكفت كبال المرايه وابجي:شناقصني ليش هيج راح
فجر:هاي شبيج؟؟
رواسي:راح بدون سبب مكالي شي
فجر:يجوز عنده سبب لاتستعجلين بالحكم
رواسي:اني بيه شيء ناقصني؟
فجر:لج غير انتي تخبلين
رواسي:لعد شكووو.
فجر:هدي اعصابج وهسه بعد كم ساعه سفرتنا غيري جو وهناك شوفي شيصير....هو موكال اسافر وياكم ونلتقي
رواسي:كال ل امي عنده شغل
فجر:هسه كملي شغلج مالسفر

رواسي/كملت كل الشغلات الي اريد أخذهم بالسفر
ويايه وطلعنا لمطار بغداد....كلبي وخاطري مكسور نفسيتي صفر ....سافرنا ...واول ما وصلنا ل اسطنبول
بالفندق لكيت سلطان متصل بيه ١٤مره واخر اتصال
مكدرت اجاوب لان بابا يمي .....واخواني كاعدين ممصدكينن.مسافرين...اخذت التليفون ..اساسا ملحكت اجاوبه لسلطان....دزيتله رساله على واتساب .....

رواسي:اطلع من حياتي ...ماريدك بعد ______

وماجاوب سكت ....سلطان حرف واحد ما رد
حتى بالكذب مكالها احبج ،ابقي او ايشي

اني ضليت انتظر رساله من سلطان طول فتره السفره عيوني وبالي وكلبي كله يمه وين التليفون ...عصبيه جمر نار مشتعله....وادعي لربي ناري تطفى....اخذتله هديه سوار كتبت عليه اسمه وسبحه كلش غاليه تجنن
بس شنو هاي اخذتها بطلعه بين النسوان.....جنت بس اريد ارجع من السفر....

فجر/مو بس رواسي حايره وتعبانه اني هم غياث خذلني...صراحه جنت متصوره نفسي اغلى من هيج
بس طلعت رخيصه عنده صار فوك الشهر واني يم اهلي ماسئل ولاكال ....حتى على بنته ما سئل ......
أثناء سفرتي اشتريتله هديه اله ال امه وأخته غاده......
رغم اني فاتحه انترنت واشوف ينزل ع الفيس صور
وفيديوهات ندوات بحضور هذيج السحليه علا .غياث يدري كلش زين اني اشوفه من ينشر
بس مدايراعي مشاعري ....هيه بين فتره وفتره امه جانت تخابر وتسئل عن مريم.........

__________________

رواسي /ورجعنا من السفر ......ضليت اخلي صور انه اني راجعه من السفر ...بس هم ما اتفاعل وماجاوب وبعد مرور اسبوع من رجوعي
اخر شي دزيتله رساله على الفايبر