سجينه ابليس(مكتمله)

حلقة٨٥

الحلقة٤ من #الاعتراف_الاخير  بقلمي #الكاتبة_شهناز_الخزعلي  #جيمن_جلال

نمت ثاني يووم كعدت على صوت سده الباب الخارجيه جانت عطله ...كمزت باوعت من الشباك خاله ام صبا ...ماكو ثواني وامي عاااااطت 

بثينة ......لج انزلي....

نزلت ومادري الدفرات منين تجي ...بالشبيك على ايدي ورجلي ...سيما ضاله فاكه حلكها مصدومه وواكفه بعتبه الباب  

أمي صاحت بهيستيريا ....اطلعي منا....
   

الحجي موجهه لسيما ...

اجت عتت شعري وكالت"

أمي:رضا منو ؟ كم مرة كاعدة وياة هذا الي وصلنا لبيت جدج ساااقطة

بثينة:لاجذب ماما منينلج هالحجي ماعرفة ومن رحنا لبيت جدي جانت اول مرة اصعد وياهم و...

أمي:تدرين اذا اكول ل اخوج ول أبوج شيسوون بيج .....تدرين لولا....احجي....

بثينه:ماما والله ماعرف هم خاله وصبا جذابات...صبا تغار لان عندي صديقات وهي ماعندها ...

أمي:صبا تجذب...واختي هم تجذب ؟لج بثينة تحلفين ب الله كذب؟ هيج وصلتي

طن....طن..

اجه اخوج ...

بثينه/ضليت ارجف وجسمي ينتفظ شاسوي ...ياربي
كمزت صعدت بالبيتونه ختلت جسمي يختض من الخوف ..والله ماكو ٧دقايق ومشايفه مثل هيج سريعه يعني أمي شتستفاد من تسوي هيج تكسبهم ل ابويه والاخوي   ...نفس ماكلت ٧دقايق على الاكثر واسسمع حسن صعد يصيح ويعيط ووووويتحلف ب اسمي ...
واني خاله ايديناتي الأعلى حلكي ..
سما شافتني من صعدت ...اجه حسن هددها يضربها
كلتله على مكاني ...صعد حسن طبعا كسر باب الكنتور على راسي ودك بوكسات على بطني ويصيح ...

حسن:منو هذا اليوم اكسرج تكسر كلبه بنت ال  ....

فتح الكنتور وسحل من شعري البدي غده خفيف من كد مايجرون بي ...صياح...تدفر...ضرب بكل انواعه
هاي كلها وابويه بعدة ماعنده علم ...

حسن تحلفلي اضل بداخل الغرفه ومايلكفني...
سيما اشوفها وه الباب واكفه...باب البيت يبين من جواها منو واني اعرفها من العفو نعالها ابو لاصبع المشروم
كتلها"

بثينة:بسست سميا ...

هاي شنو اني لازكه روحي بالكاع لزك حتى اباوعها وهي هم ....

بثينة:ماما شدتسوي ؟

سيما:جوه دتكلم باميا وتحجي عليج
بثينة:جيبي تليفونها من غرفتها حبابه
سيما:ما معليه تردين تتكسر عودة الماسحه على جسمي
بثينة:لا ...لا اذا اجه بابا راح يذبحني بابا ميتفاهم واموت وتضلين بدون اخت ...سيما باوعي بارحه بيبي نطتني نستله بالجرار روحي اخذيها...
سيما:وين ؟
بيثينه:جيبي التليفون بالاول

_________

سيما/جنت طفله بهذاك الوقت بس....بس اخاف اخاف اوصل يم ابويه وحسن واليردوه قبل لايحجوه انفذه الهم....بثينه وكعت بين حلك السبع ...حسن على خلاف مستمر وياها ،ابويه واحد فاصل وكاضيها طلعات طبات وامي حايرة شلون ترضي واحنه الي واكعين بيها ....من نروح بيت جدي اسمعهم يكولون عليه شخصيتي ضعيفه بس اني اخاف من المشاكل مالي حمل تتكسر عظامي لو يروح صوتي على الصراخ والالم ...اشوف بثينه تنضرب ماكدر اسوي شي ....بهذاك اليوم من بثينه طلبت مني التليفون نزلت اخذته من غرفه امي وناوشته ل بثينه ...ضليت اراقب الدرج شبي مابي ...

بثينة/اخذت التليفون ...خابرت على مها مره ومرتين وماتجاوبني ...ليش يربي الدقيقة تأثر عليه ...
كتبتلها رسالة...

(مها أمي اكتشفت اخوج معجب وو كالت لحسن وابويه  هسه بالطريق راح مستقبلي كله بسبب حجيت لصبا ساعه جهل مني وقله عقل ....الحكيلي ....)

دزيت ومسحت الرساله والرقم مالتها ل مها

رجعت نطيتها التليفون من جوه الباب  ...مديت ايدي ماكوو ...صحت بصوت ناصي

بثينه:لج سسسيما ..سيما ....سيماااا ......

اشو ايدي نداست بحذاء...هذا حسن

سيما/بهالاثناء الي جنت انتظر بثينه تنطيني التليفون اجه حسن طفرت للبيتونه ختلت...ارجف ررررجف بس لا بثينه تكوله اني نطيتها التليفون  .....ضليت خاتله برميل النفط فارغ الي فوك ختلت بي

بثينه/مااكدر اعبر غير الباب تكسرت فوك راسي حسن وابويه.....
حسن سبق ابويه وكال"

حسن:انسي المدرسه ..._________يتبع

رايكم لاتنسوا لايك تحياتي الكم #الكاتبة_شهناز_الخزعلي  #جيمن_جلال